Thursday, 16 February 2012

ခရမ်းရိပ် အနုပညာမဂ္ဂဇင်း [ ဖေဖော်ဝါရီ ၂၀၁၂]

with 0 comments




ခရမ်းရိပ် အွန်လိုင်းမဂ္ဂဇင်း စီစဉ်သူများ


                                                                                                   မောင်မိုးချို
                                                                                                   ဆူးခက်မင်း
                                                                                                   မင်းလုလင်
                                                                                                   သူရဿဝါ

××××××××××××××××××××××××××××××××××××××××××××××××××××××××××××××××××××××××××××××××××××××××××××××



ကဗျာ



မျက်စိမှိတ်၍ လမ်းလျှောက်ခြင်း

_________ အ လ င်း နှ စ် ___________________


(၀မ်းနည်းဖွယ်ကောင်းတဲ့ တိုက်ဆိုင်မှုတစ်ခုက)


// လူ့အသက်ရှင်နေမှုတွင် ဝင်ရိုးစွန်းနှစ်ဘက်ရှိသည်
မနေ့က အိပ်မက်ထဲတွင် လူတွေအားလုံး
ဝါးလုံးတန်းတစ်တန်းပေါ်ရောက်နေကြသည် //
ယုဒသစ်ပင်ခြေရင်းတွင် ခေါက်ရိုးကျိုးနေသော နှုတ်ခမ်းများဖြင့်
သွေးဆာနေသော အဝိဇ္ဇာတွင်းထဲ မီးပျက်နေခဲ့သည်
(ဒီလောက်ဆိုးတဲ့ အဖြစ်အပျက်မျိုး
ဘယ်တုန်းကမှ မဖြစ်ခဲ့ဖူးပါဘူး)
// မည်သူကပြောတာလဲ? ကျွန်တော်မမှတ်မိတော့ပါ
တစ်စုံတစ်ရာသော သံသယကတော့
နောက်ဆုံးအချိန်ထိ ကြွင်းကျန်နေဦးမည်ဖြစ်သည် //
(အရာရာတိုင်းဟာ အနိစ္စဖြစ်ပြီး ဘယ်အရာကမှ မမြဲပါဘူး)
တကယ်တော့ လူ့ဘဝဆိုတာလည်း
ဘုရားသခင်ပြုတော်မူတဲ့ ဟာသတစ်ခုဖြစ်လျှင်
စာတန်က လှောင်ရယ်နေပေလိမ့်မည်
ကျွန်တော်တို့ကျောင်းမှာ ဓာတုဗေဒ ဓာတ်ခွဲခန်းတစ်ခုရှိပါသည်
ကျွန်တော်အထင်ပြောရရင်တော့
ဂျနီဖာအင်နစ္စတန်က ဂျိုလီထက်ပိုပြီး ဆွဲဆောင်မှုရှိတယ် (( ထင်တာပဲ
// နာမည်ဆိုသည်မှာ ထင်မြင်ချက်တို့ဖြင့် ဖွဲ့စည်းထားသော
အရေခွံတစ်ခုသာ ဖြစ်ပါသည်
ပန်းပွင့်များပွင့်သော ဤကမ္ဘာမြေကြီးပေါ်တွင်
ပန်းပွင့်များကြွေကျသော ဤကမ္ဘာမြေကြီးပေါ်တွင် //
(မီးတောင်ချော်မြေဟာ
စိုက်ပျိုးဖို့ အကောင်းဆုံးမြေမျိုးဖြစ်)  လျှင်
မိုးကုတ်စက်ဝိုင်းရဲ့ အစွန်းဘက်ဆီရောက်အောင်
နောက်ထပ်တစ်ခါလောက် ပြန်မျှော်ကြည့်ခွင့် ရချင်ပါသည်
// ဘ၀ထံမှ ဘာမှ မရလိုက်သူများဖြစ်သောကြောင့်
သင့်ကိုယ်သင် အပြစ်ကျူးလွန်မှုတစ်ခုကို
ရှာဖွေနေသလို ခံစားရပါသလား
အဟောင်းသည် အဟောင်း အသစ်သည် အသစ်
ဟိုး...အရင်ကအတိုင်းပင် //
(ဖမ်းစားမှုတွေရှိနေဦးမှာပါလားဆိုတာကို
သဘောပေါက်ဖို့လောက်ငှရုံပါပဲ)
စိတ်သည် မတ္တာ ဖြစ်၏/ မဖြစ်၏
ရူပဗေဒအီကွေးရှင်းများဖြင့်
ပုံဖော် / ဖျက်ဆီး / ကျဆုံးစေရန်အလို့ငှာ
အမှန်တော့ ကျွန်တော်တို့အားလုံး
ဆပ်ပြာပူဖောင်းများသာ ဖြစ်သည်
အလွန် မှားယွင်း / လွတ်လပ်စွာဖြင့်
ဆိတ်ဖလူးပင်တွင် သီး/ ခွင့်ရခဲ့သော စပျစ်သီးတစ်လုံး
သို့မဟုတ် ...
သူ့ကိုယ်သူ မြစ်ထဲခုန်ချအဆုံးစီရင်သွားသော
သက်တန့်တစ်စင်း၏ အရောင်တစ်ရောင် ဖြစ်ကောင်းဖြစ်နိုင်သည်
ကျောချင်းကပ်ရက် ခဲဆိပ်သင့်နေသောကံကြမ္မာအရ
ရာသီအစပတ်ပျိုးမှာတင် ဇာတ်လမ်းက မှားနေခဲ့ပြီးပြီ
// ကျေးဇူးပြုပြီး ကျွန်တော်တို့ကို
ချိန်ခွင်လျှာပေါ်မတင်ကြပါနှင့်
ကျွန်တော် စိတ်ဝင်စားသောကိစ္စမှာ
အလင်းပြန်ခြင်းဖြစ်သည် //




Foot Note -
(အပန်းဖြေနားရက်များ - ၄ မှ စာသားများ = ဒေါ်အောင်ဆန်းစုကြည်)
// ကဝေမှတ်စု မှ စာသားများ = မင်းခိုက်စိုးစန် //


                                                               _____________________________________


ဟုတ်ကဲ့ ။ ခဏလေးပါ သူနမ်းတော့မယ်

________ေ အာ င် ချ မ်း ငဲ ___________________

အဆက်မပြတ် အမြဲနှောင့်ယှက်နေတဲ့ မသိမှုအခန်းထဲမှာ
ရေပုံးနဲ့ ကြိုးကိုငင်ရင်း ရစ်ပတ် ဆွဲချည်လိုက်တော့
ဟောသည့် တစ်မြို့လုံး လိပ်ဖြစ်သွား/နားမလည်ဘူး/လိပ်ဖြစ်သွား
ပြီးမှ ကြံရာမရတော့သလို နေ့စဉ်ဘဝကို ဟင်းတစ်ခွက်လို
အမယ် ပေါင်းစုံထည့် / သိပြီးသားနည်းနာများကိုက လာလာပြီးပြိုကျနေတော့
ရှိပြီးသား နည်းနာအတိုင်း ချက်/ချပ်/ချတ် အဲ့သည့်လို chat
နှင်းလျှောစီးသလို လျှာမှာလျှောစီးလာတဲ့ နာမည်/အမည် ကို တန်းမှာတင်ပြီး/ပြီ
မရှိတရားလို့ခေါ်တဲ့ လေကို လက်နဲ့ဆုပ်လိုက်တယ်/မယ်
စာတန်းထိုးပြီးသား နေထိုင်မှုတွေကိုက ရုပ်လက္ခဏာမဲ့ ဆိုလျှင်/ရင်..
The Waste Land ကဗျာကို အရက်နဲ့မြည်းတဲ့ည/အဲ့သည်ည
လူမူအသိတရားဘောင်/ထောင်ထဲ ။ မှာ ဖြစ်ရပ်မှန် ကြားမကောင်းမှု ဆိုတာနဲ့
ကမ်းလာတဲ့လက်ကို ဖယ်ပြီး ငြင်းပယ်တဲ့လက်ကို ကမ်းလိုက်တယ်
ရှိ/ ပါတယ်။ နေပါတယ်။ ပြီးသားပါ။ နေမှာပါ။ ရှိ /သည်လိုဆို
ရှိနေပါတယ်၊ ရှိပြီးသားပါ၊ ရှိနေမှာပါ၊ ရှိနေဦးမှာပါ၊ ရှိနေမှာပေ့ါ၊ ရှိနေမှာပါပဲ
လတ်တလော ဖုန်းခေါ်လို့ မရတာကလွဲလို့ / လွဲပြီး ။ ဒါပဲရှိတယ်
လတ်တလော ဖုန်းမခေါ်လို့ မရတာကလွဲလို့ /လွဲပြီး ။နေမှာပါ
လတ်တလော ဖုန်းခေါ်ပြီး ဖုန်းမကိုင်တာကလွဲလို့/ လွဲပြီး။နေမှာ
အကယ်၍ ဘာသာစကားဘောင်/ထောင် ရှိတယ်ဆိုလျှင်
ဖုန်းခေါ်လို့ မရအောင် ဖုန်းပိတ်ထားလို့နေမှာပါ ။ပေါ့
အစာအိမ်မှာ ငါးမူးစေ့တွေ့ရှိကြောင်း ၊ အဲ့ဒါပေါ့
ကျနော့် အစာအိမ်ထဲကျသွားတာ ငါးမူးစေ့မဟုတ်ဘူး မောင်သိန်းဇော်ရဲ့ ဘဝဗျ
ဟုတ်ကဲ့ အခုတလော အသဲနှလုံးထဲ ကျူးကျော်နေတာဟာ
သူမရဲ့ ကျနော့်အတွက် အကိုက်အခဲပျောက်ဆေး အနမ်းတစ်ပွင့် ။                ။

                                                                                            

                                                               _____________________________________


မြင်သမျှက အဖြူရောင် (၂)


______ေ မာ င် မိုး ချို ___________________

ငါ့ကိုယ်ငါ ဘာအရောင်လဲ ပြန်မတွေးဖြစ်တဲ့အခါ ။
အရာရာက ပုံမှန်မဟုတ်တဲ့ သက်ပြင်းမျိုးနဲ့ ။
ငေးတယ် တွေးတယ်။
ရင်ဘတ်မှာ အထပ်လိုက်ကျလာတဲ့ နောင်တလိုစကားမျိုး။
အနောက်အရပ်အရောက်မှာ မြင်ရတဲ့“နေ”က အခါးရောင်။
သူ့ဘဝလို ဘယ်ပန်းကမှ မလှဘူးဆိုတဲ့ မျက်လုံးမျိုး။
လက်သည်းခွံတွေက အစ အေးလာတယ်။
ခုတင်ဘေးက စားပွဲပေါ်က အိပ်မက်ကို တစ်လှမ်းချင်း ငေးနေဖို့ကလွဲရင်။
ဖင်စီခံနားထိရောက်သွားတဲ့ မနက်ဖြန်တစ်ခုလို။
ဝ.၅ မဂ္ဂါဝပ် မီးလုံးနဲ့ အိပ်ဖို့ထက် မျက်လုံးတွေဖွင့်ထားဖို့လိုကြောင်း ပြောဖြစ်။
အဲဒီနောက် အပျော်အပါးဆိုတဲ့စိတ်ကို သူ့နား သွန်ချလိုက်။
လူက အဖြူဆို အပူတွေ တစ်ထပ်ပြီးတစ်ထပ်။
စိတ်သွားတိုင်း စိတ်ပါသွားဖို့ ပိုအရေးကြီးလာတယ်။
ထပ်ရောက်တဲ့ အခေါက်မှာ ငါ့ကိုယ်ငါ လွင့်ကနဲ ။
မြင်လိုက် ။ ပြလိုက် ။ ခန္ဓာက ပြတိုက်တစ်ခုလို သူတို့ ပြောစရာ သိပ်များလာတယ် ။
စိတ်ထဲ ထိုးသွင်းလိုက်တဲ့ ဓားက လူနဲ့ သဘာဝပတ်ဝန်းကျင်ဆိုတဲ့ အပြုံးမျိုး ။
ဆယ်စုနှစ်တစ်ခုမက ။ အထူးသဖြင့် မျက်လုံးတွေ ဝေဝါးလာတာကလွဲရင် အရာရာ။
စိတ်က ဟိုဟိုဒီဒီ ကစဥ့်ကလျား . . .



                                                               _____________________________________


ရောဂါဟာအနက်ရောင်ကျောပိုးလွယ်အိတ်ထဲမှာ တွဲခို

____________ မ င်း လု လ င် _________________________


အပိုင်းအစတွေကို မေ့လျော့ပစ်လိုက်ဖို့ မေ့လျော့နေတုန်းပဲ  စိတ္တဇဟာ
တစ်နေ့ထက်တစ်နေ့ ချည်နှောင်လာတယ် ကြိုးတွေပြတ်နေတဲ့ ဂစ်တာကို
သံယောဇဉ်ဖြစ်လွန်းနေမှုကလဲ စိတ္တဇပဲ ဘာလို့လဲ မေမေ
လူတွေက လူပီသလွန်းတဲ့အခါ ရွံစရာကောင်းလာတယ် မြင်မြင်သမျှ
အတတ်ပညာတွေချည်းပဲဆိုတော့ ခံစားမှုဝါဒီတစ်ယောက်ဟာ ကမ္ဘာ
အပေါ်ကနေ ထွက်ခွာသွားပေးရမလား ဟင့်အင်း မဟုတ်ဘူး မေမေ
လူတွေကို ကျွန်တော်ခွင့်မလွှတ်တတ်သေးဘူး ဆူပါ ရိုက်ပါ ငယ်ငယ်ကလို
နားဝင်ချိုစွာ ဆဲပါ အနက်ရောင်ကျောပိုးအိတ်လေး ဟောင်းနေပြီ
မေမေ အနက်ရောင်ဆိုတော့ ဟောင်းနွမ်းနေမှန်းမသိသာဘူး ကျွန်တော်လဲ
ဟောင်းနွမ်းဆွေးမြေ့  တငွေ့ငွေ့လောင်နေတဲ့ စီးကရက်ကို ဦးနှောက်ထဲ
ထိုးသွင်းပစ်လိုက်တယ် မေမေ မကြိုက်ဘူး ကျွန်တော်ကလဲ ဂရုမစိုက်ဘူး
စိတ်ဆိုးနေမလား မေမေ သားလူမိုက်ဟာ အမေ့ရင်ခွင်နဲ့ အနီးတ၀ိုက်မှာ
ပျောက်ကွယ်နေတာ ပျောက်ဆုံးနေတာ အမှတ်တရတွေနဲ့ ကင်းကွာနေတာ
အိပ်မက်တွေကိုအရောတဝင်လုပ်နေရတာ ကျွန်တော် ပျင်းတယ် ရောစပ်ထားတဲ့
အရောင်ခပ်ပြင်းပြင်းတွေနဲ့ ကျွန်တော်မမှီမကမ်း ဆုပ်ကိုင်ထားတဲ့ အနုပညာဟာ
လူယဉ်ကျေးတွေရဲ့ ပစ်စာ  ကျွန်တော့်မှာ ရယ်ရလွန်းလို့ အာခေါင်တွေနာလာတဲ့အထိ
သူတို့ သိပ်သနားစရာကောင်းတာပဲ မေမေ တားမြစ်ဧရိယာတွေမှာ ကျွန်တော်
ပျော်တယ် ကဲ့ရဲ့သံတွေကြားမှာ ကျွန်တော်ပျော်တယ် အနာဂတ်ဆီ ခရီးထွက်ဖို့
ကျွန်တော့်အနက်ရောင်ကျောပိုးအိတ်လေးက အဆင်သင့်ဖြစ်နေပြီ မေမေ
ခေတ်နဲ့ဝေးရာကို ကျွန်တော် ပြေးထွက်သွားဖို့ သက်လုံ လုံလုံလောက်လောက်
စုမိဆောင်းမိရှိလာတဲ့အခါ ကျွန်တော်ဟာအစိမ်းရောင်အပင်တစ်ပင်စိုက်မယ်
ကမ္ဘာကြီးကို အရွဲ့တိုက်မယ် အဲ့ဒီထက် နည်းနည်းလေးပိုချင်လဲပိုမှာပေါ့
မေမေ  သားတော့သေမှာပါပဲ အဲ့ဒါဟာလဲ အမြင့်ဆုံးအောင်မြင်မှု
ဖြစ်ကောင်းဖြစ်နိုင်တာပဲ မေမေ  ။   ။


                                                               _____________________________________


 အန်ကယ်ဆမ်ကို Grand Royal တိုက်လွှတ်လိုက်တယ်

______________ မိုး လှို င် ည __________________



သောက်သောက်… အန်ကယ်ဆမ်.. သောက်
အဲဒါ ဂရင်းရွိုင်ရယ်လို့ခေါ်တယ် အန်ကမ်ဆမ်
ဘီအီး အစစ်လောက် အရသာရှိပြီး
တောအရက်လို… စွဲမက်ဖွယ်ပဲ.. အန်ကယ်ဆမ်
ဒီနေရာမှာတော့ ဒီအရက်တွေပဲ တစ်ပြည်လုံး သောက်ကြတာပဲ
ဒေသခံဝီစကီကို အန်ကမ်ဆမ် ခံတွင်းတွေ့မယ် ထင်လို့…
ပြောစရာရှိတာတွေလည်း ပြောကြတာပေါ့…
ကျွန်တော်က အန်ကမ်ဆမ်ကို လူပျော်ကြီးမှန်း သိပါတယ်
ဒါပေမယ့် အန်ကယ်ဆမ်…
ကမ္ဘာကြီးရဲ့ နေရာတိုင်းကတော့ အန်ကမ်ဆမ်လို ပျော်မနေနိုင်ဘူး
အန်ကယ်ဆမ်က အိုင်စီး ... အိုင်စီး
ခေါင်းတစ်ငြိမ့်ငြိမ့်နဲ့ အဲဒါ နိုင်ငံရေးအကျပ်အတည်းတွေကြောင့်
လူအခွင့်အရေး အညီအမျှမရလို့..ဆိုပြီး အန်ကယ်ဆမ် ရမ်းဖြီးဦးမယ်
ကျွန်တော် အားမနာပါးမနာ ပြောပါရစေ.. အဲဒါ အန်ကယ်ဆမ်ကြောင့်ပါ
အန်ကယ်ဆမ် လောဘတွေကြောင့်ဆို ပိုမှန်မယ် အန်ကယ်ဆမ်..
ကျွန်တော်တို့ အတိတ်ကို ခဏလောက်သွားကြည့်ရအောင်လား
ဒုတိယကမ္ဘာစစ်အပြီးမှာ အန်ကယ်ဆမ်ဟာ ကမ္ဘာတစ်ခြမ်းကို
သိမ်းပိုက်ဖို့ ကြံစည်ခဲ့တယ်လေ... အန်ကယ်ဆမ်က ဆိုဗီယက်,ရန်ကို
ကြောက်ပြီး နိုင်ငံတိုင်းကို သစ္စာခံခဲ့ခိုင်းချင်တာပဲ အန်ကမ်ဆမ်..
အန်ကယ်ဆမ် နဲ့ ကျွန်တော်တို့ကြားမှာလည်း ကြီးမားတဲ့ကွဲပြားမှုရှိတာ
အန်ကယ်ဆမ် သိပါတယ်...
ဗိုလ်ဗထူးသာ မန္တလေးမှာ ဖက်ဆစ်တော်လှန်ရေးလုပ်မထားခဲ့ဖူးဆိုရင်
အန်ကယ်ဆမ်က ကျွန်တော်တို့ အထက်အညာက ပြန်မှာ မဟုတ်တော့ဘူး
အန်ကယ်ဆမ်က နှစ်ပေါင်း ငါးဆယ်တစ်ရာ ပိုပြီးမြင်ပါတယ်...
ညကြီးမင်းကြီး အိမ်ဖြူတော် ရှေ့က မြက်ခင်းပေါ်မှာ ၃၈ မျဉ်းပြိုင်ကို
မှင်နီတားပဲ.. ကိုရီးယား တောင်မြောက်ခွဲခြားသလိုမျိုး ကျွန်တော်တို့အပေါ်
အန်ကယ်ဆမ် လုပ်ခွင့်မရလိုက်ဘူး...
ဖိလစ်ပိုင်ကို လွတ်လပ်ရေးပေးမယ် ကတိနဲ့ ပြင်သစ်တပ်တွေကို တိုက်ခိုင်းပြီး
ကတိပျက်ခဲ့တာလည်း အန်ကယ်ဆမ်ပဲလေ...
အဲဒါဆို အန်ကယ်ဆမ်ဟာ ဖက်ဆစ်တွေနဲ့ ဘာကွာလို့လည်း...
ဒိန်ဘင်ဖူး တိုက်ပွဲ အပြီးမှာ... အင်ဒိုချိုင်းနားက ပြင်သစ်တွေ
နောက်ဆုတ်ခဲ့သလို ..
ဂျနီဗာ အစည်းအဝေးကို ကျောခိုင်းပြီး
ကွန်မြူနစ် တားဆီးရေးဆိုပြီး အင်ဒိုချိုင်းနားကို စစ်တလင်း ဖြစ်စေခဲ့တာလည်း
အန်ကယ်ဆမ်လေ...
ဦးလေး“ဟို” အတန်တန်တားနေတဲ့ကြားက ဗီယက်နမ် အမျိုးသားချင်း သတ်ဖြတ်ဖို့
သွေးထိုးမြှောက်ပင့်ပြီး ဟနွိုင်းကျသွားရင် အင်ဒိုချိုင်းနား သစ်တောတွေအောက်က
ရတနာတွေကို အာသာငမ်းငမ်းနဲ့
အန်ကယ်ဆမ် ကိုယ်တိုင်ဝင်ကြဲ နှစ်ပေါင်းတစ်ထောင်ကြာ
တော်လှန်ရေးသမားတွေကြားမှာ အန်ကယ်ဆမ် အရှက်ကွဲခဲ့ရတယ် မဟုတ်လား
အန်ကယ်ဆမ် သက်တမ်းနှစ်ပေါင်း နှစ်ရာကျော်သက်တမ်းလေးနဲ့
အာရှကို လေ့လာဖို့ လိုပါသေးတယ် အန်ကယ်ဆမ်..
အန်ကယ်ဆမ်က ဆီးတိုးကို ဖွဲ့ဖို့ကြိုးစားချိန်မှာ
ကျွန်တော်တို့က ဘက်မလိုက်အဖွဲ့ကိုဖွဲ့ခဲ့တယ်
အဲဒီကတည်းက အန်ကယ်ဆမ်ဟာ ကျွန်တော်တို့ကို
စိတ်ခုချင်ခုနေပါလိမ့်မယ်...
ကျွန်တော်တို့က အန်ကယ်ဆမ်နဲ့ အိုင်ဗင်ကြားမှာ မြေဇာပင် မဖြစ်ချင်ဘူး
ကျွန်တော်တို့ တိုင်းပြည်က ငယ်ငယ် လူဦးရေက နည်းနည်း
လူမျိုးစု အများအပြားနဲ့ ကိုယ်ပိုင်ယဉ်ကျေးမှု ဓလေ့စရိုက်တွေ
နှစ်ပေါင်းထောင်ချီ ထိန်းသိမ်းလာရတာ အန်ကယ်ဆမ်
ပထဝီအရ လူဦးရေ အများဆုံးနှစ်နိုင်ငံကြားမှာနေရတာ
ကျွန်တော်တို့က မဖြောင့်မတ်လို့ကိုမရဘူး အန်ကယ်ဆမ်
အင်ပိုင်ယာတိုင်းမှာတော့ အတက်အကျသံသရာရှိတယ် အန်ကယ်ဆမ်
ကျွန်တော်တို့ အကျပ်အတည်းကာလတွေကို စိတ်မပျက်တော့ဘူး
အန်ကယ်ဆမ်သာ ကိုယ့် ပြည်သူတွေ သတ်သေရတဲ့အထိ
လူချမ်းသာတွေ အာသာရမ္မက် ဖြည့်စွက်ပေးရတာတွေ မလုပ်ပါနဲ့တော့
အန်ကယ်ဆမ်က အီရတ်ကို ဒီမိုကရေစီပေးမယ်ဆိုပြီး ဝင်တိုက်တော့
ကျွန်တော်တို့မှာ စိတ်ပျက်လိုက်ရသေးတယ်...
ဒုတိယကမ္ဘာစစ်ပြီးကတည်းက အန်ကယ်ဆမ်ဟာ ဘယ်စစ်မြေပြင်မှာ
အနိုင်ရဖူးလို့လဲ နိုင်ငံရေးအရလည်း ရှုံးတယ် စစ်ရေးအရလည်းမအောင်မြင်
အန်ကယ်ဆမ်... မာန်မာနထောင်လွှားချင်တာသက်သက်နဲ့
လူအသက်တွေကို မဆော့ကစားပါနဲ့...
အဲဒီလောက်ပြောရင် အန်ကယ်ဆမ်.. သဘောပေါက်မှာပါ
အန်ကယ်ဆမ် စာတတ်ပါတယ်...
ဒါပေမယ့်ပေါ့ အန်ကယ်ဆမ်.. အခုထက်ထိ ကျွန်တော်တို့
တိုင်းပြည်ထဲမှာ ခွေးအတွေ လွှတ်ကျောင်းဖို့ အန်ကယ်ဆမ်
စဉ်းစားနေသေးတယ်...
အကျိုးအမြတ်တွက်ကိန်းမှာ အန်ကယ်ဆမ်အတွက် ထပ်တိုးကိန်းတွေ
ထွက်လာမယ်ဆို အန်ကယ်ဆမ်... ကျွန်တော်တို့ တိုင်းပြည်အသံကို
တစ်ကမ္ဘာလုံးဆူညံနေအောင်ပြောဦးမှာပဲ...
အန်ကယ်ဆမ်က DV လေးဖောက်ပေးလိုက် စကောလားရှစ်လေးပေးလိုက်
လစာတွေ အများကြီး အန်ဂျီအိုအလုပ်အကိုင်လေး ပေးလိုက်နဲ့
ကျွန်တော်တို့ လူငယ်တွေထဲက အကောင်းစား ဦးနှောက်တွေကို
သဲ့ထုတ်ဖို့ စဉ်းစားနေတယ်...
ပြီးတော့ အမေရိကန် အထင်ကြီးဝါဒ ဇွတ်အတင်းကြီး ရိုက်သွင်းပါရောလား
ဒီပညာတွေ အမေရိကန်ရောက်မှ သင်ရတယ်
ဒီအခွင့်အလမ်းမျိုး အမေရိကန်ရောက်မှရှိတယ်..
ဒီဘာဂါမျိုးက အမေရိကန်ဖြစ်မှ စားရတာမျိုး...
မရိုးမသား မသိမ်းသွင်းပါနဲ့..
ကျွန်တော်အနေနဲ့ အန်ကယ်ဆမ် စာကြည့်တိုက်တွေ
သုတေသန အလုပ်တွေအတွက် အန်ကယ်ဆမ်ကို လေးစားပါတယ်
ဒါပေမယ့်ပေါ့...
အဲဒီ ရုပ်ဝါဒီသက်သက်နဲ့တော့ အန်ကယ်ဆမ် အနာဂါတ်က
စိုးရိမ်မှတ်ရောက်နေပါပြီ...
အန်ကယ်ဆမ်... ကမ္ဘာကို ဆရာလုပ်မယ့်အစား
ကမ္ဘာကြီးဆီက သင်ယူစမ်းပါ... ပြီးတော့ အတ္တမကြီးပါနဲ့...
ကျန်တဲ့ကမ္ဘာဟာ မိသားစုမျိုးနွယ်နဲ့နေတာပါ...
အန်ကယ်ဆမ်လို ခြေသလုံးအိမ်တိုင်... မဟုတ်ပါဘူး

အန်ကယ်ဆမ်.. နားထောင်ရတာ မောသွားပြီလား
ရူဘီစီးကရက်လေးဖွာလိုက်..
ဘယ်ကထုတ်တာလဲတော့ မမေးနဲ့
အာဏာပိုင်တွေပိုင်တဲ့ နေရာကပဲ..ဖြစ်မယ်
မင်း အဲ့လောက်စာတွေ လျှောက်ဖတ်နေရအောင်
တော်တော်အားနေလားလို့ အန်ကယ်ဆမ် ထင်ချင်ထင်မယ်
ကျွန်တော်တို့ ဘာမှလုပ်စရာမရှိအောင် အန်ကယ်ဆမ်က
စီးပွားရေးပိတ်ထားတယ်... အာဏာပိုင်တွေက ပိုက်ဆံရပေါက်ရလမ်းတွေ
သူချည်း သိမ်းကျုံးလုပ်နေတာ...
ကျွန်တော်တို့က လက်ဗလာခြေဗလာနဲ့ တရားမျှတဖို့ပြောနေရတာပဲ
သိပ်မကြာသေးခင် အဖြစ်အပျက်တွေအရလည်း
အန်ကယ်ဆမ်ကို ကျွန်တော် စိတ်ပျက်ရသေးတယ်
အီရန်မှာ မြောက်ကိုရီးယားမှာ မြန်မာပြည်မှာ
အန်ကယ်ဆမ် နိုင်ငံသားတွေကို ထောင်ကျမခံနိုင်ဘူး မဟုတ်လား
ဒါဆိုရင်..
ကျွန်တော်တို့ လူကြီးတွေ ဒုက္ခရောက်အောင် စိတ်ဝမ်းကွဲအောင်
အနာဂတ်လမ်းကြောင်းတွေ ဗလောင်းဗလဲဖြစ်အောင်
အန်ကယ်ဆမ်... ဘာလို့ဝင်ရှုပ်ရတာလဲ ..
ကျွန်တော်တို့ရဲ့ မျိုးဆက်နဲ့ချီတဲ့ အကျပ်အတည်းကို
ခင်ဗျားလူတစ်ယောက်နှစ်ယောက်လောက် တန်ဖိုး မထားနိုင်ဘူးပေါ့
ဟုတ်လား .. အန်ကယ်ဆမ်...
အန်ကယ်ဆမ် စိတ်ဆိုးသွားပြီလား..
ကျွန်တော့်ကိုကော မျက်ကန်းမျိုးချစ် ကွန်မြူနစ်လို့
အန်ကယ်ဆမ်.. စွပ်စွဲချင်သေးလား...
ကျွန်တော့်ဆီမှာ အန်ကမ်ဆမ်လို ဒုံးခွင်းဒုံးလည်း မရှိဘူး
မောင်းသူမဲ့လေယာဉ်လည်း မရှိဘူး.. အမ် -၁၆ မရှိသလို
အက်ရှနီကော့ရိုင်ဖယ်လည်း မရှိဘူး...
တော်လှန်ရေးတုန်းက အဖိုးသုံးတဲ့
ငှက်ကြီးတောင် တစ်လက်တော့ အိမ်ခေါင်ရင်းမှာ ချိတ်ထားတယ်
သဘာဝဘေးဒဏ်တွေ ငတ်မွတ်ခေါင်းပါးမှုတွေ
ရောဂါဘယတွေနဲ့ လုံးချာလည်လိုက်နေတဲ့ ကမ္ဘာကြီးပေါ်မှာ
အန်ကယ်ဆမ်... နဲ့ မာန်မာနတွေနဲ့ လောင်မြိုက်နေလို့ အကျိုးမရှိနိုင်ဘူး...
ဒီကဗျာက အန်ကယ်ဆမ် လိမ္မာလာမလားလို့ ပြောကြည့်တာ...
အင်ပိုင်ယာတို့ အတက်အကျ သံသရာမှာ အန်ကယ်ဆမ် ဆက်လက် ကံကောင်းပါစေ...။


                                                               _____________________________________

 လူနာ

_________ ရို မီ ယို ________________

ဒီစတုရန်းကွက်တွေပေါ်မှာ ငါ အကွက်ရွှေ့ မှားခဲ့တာမဟုတ်ဘူး
ယဇ်ပလ္လင်ပေါ် ကိုယ်တိုင်တက်ခဲ့တဲ့ နယ်ရုပ်
ကိုယ့်ကိုယ်ကို ဘုရင်ထင်ခဲ့မိတော့
အိပ်မက်တွေက မြို့ ရိုးတလျှောက် ပြိုကျ
မိတ္တူဆွဲထားတဲ့ ခံတပ်တွေ နာလန်မထူတော့ဘူး။

“တြိဂံ”တွေကို မုန်းတယ်
အဲဒါကြောင့် ငါ့ရဲ့ ဒီဂရီ အိုနေတဲ့ “ထောင့်” တွေကို ဖျက်ပေးခဲ့တာ
ခဲဖျက်တလျှောက်က စိတ်ကူးအမှုန်တွေ
ငါ့ စားပွဲပေါ်မှာ ကျန်ခဲ့တယ်။

အိပ်မက်တွေကို wheel-chair ပေါ် တင်ပေးထားတယ်
လူနာ နံပါတ် ၂၄ မှာ ဖိနပ်မပါဘူး။
ကောင်းကင်တစ်ဖဲ့ကို အိတ်ကပ်ထဲကောက်ထည့်ပြီး
လက်တစ်ဆုပ်စာ ကြယ်တွေဖန်ဆင်းပစ်လိုက်တယ်။

မျက်ရည်ကျတတ်တဲ့ ယဉ်ကျေးမှုမရှိဘူး
ဒီသွေးကြောတွေ ပက်ကြားအက်နေလို့။

တကယ်လို့သာ ကျွန်တော်က လက်ပြတ်တစ်ချောင်းဆိုရင်
ဗီးနပ်စ်ကို ပြန်ဆက်ပေးဖို့ မလိုဘူး
တခါတခါ
ကောင်းကင်ဆိုတာ တိမ်အပဲ့တွေနဲ့လှတယ်။  ။



                                                               _____________________________________


 ကဗျာနှင့် တည်ဆောက်ထားသော လူသား

_____ေ စ ပို င် ထွ ဋ် ( ပု သိ မ် ) _________

မိတ်ဆွေ ခါးတို့ရင်
ကျွန်တော် ကဗျာပဲ ယောင်တတ်တယ်
နှလုံးသွေးက မြည်တမ်းတဲ့
ဟစ်ကြွေးသံဆိုလို့ ကဗျာပဲရှိတယ်
ပိုးမျိုးသောင်းရှစ်ထောင်က ငါ့ပါးစပ်
အကြောင်းဆုံရင် ..
ကဗျာလက်ထိုး အန်စေတယ်
ကျွန်တော့်ရဲ့ ဒိုင်ယာရီ မျဉ်းကြောင်း
ကဗျာက ထက်အောက်အပြည့်
ချစ်တတ်တဲ့ ကြင်ဖက်ဆိုလို့
ကဗျာပဲ သစ္စာရှိမိတယ် ..
ကဗျာပြုလုပ် ကျွန်တော့် အချိန်ဇယား
နိစ္စဓူဝ ပြဋ္ဌာန်းချက်ရှိတယ် ..
ကဗျာကို တစ်နေ့သုံးကြိမ် အနမ်းပေးမယ်
အချိန်ရှိသရွေ့ ကဗျာနောက် အမဲလိုက်မယ်
ရွှေဖြစ်တဲ့ ရှေးဟောင်းကဗျာတွေ ငါစုမယ်
ဒီလိုနဲ့ .. .. ..
မျက်လုံးမှိတ် စက်တော်ခေါ်ချိန်လည်း
မှင်တုံးဖြုတ် စိတ်ဝင်ပေါက်နဲ့
ကဗျာကို အိပ်မက်ထဲ ဆွဲခေါ်မယ်.. .. ။       ။




                                                               _____________________________________

 Pop Art ဟာ ပေါ့ပေါ့ပြီး အက်ရာထင်လာသလို ပေါ့

______ ဆူး ခ က် မ င်း ____________________________


စလိုက်မိပြီဆိုတာနဲ့ စလိုက်မီးတွေ ထွန်းထားသလို ပေါ့ အေးပေါ့
Electronic ဥပဒေအရ Cyber ယဉ်ကျေးမှုအရ E-mail အကောင့်
တစ်ခု ပိုင်ဆိုင်ရုံနဲ့ ထောင်ဆယ့်ငါးနှစ် ကျခွင့်ရှိတယ်ပေါ့ အေးပေါ့
ဆယ့်ငါးနှစ်ထဲကမှ ဒစ္စကောင့်တွေဘာတွေ ချပေးဦးမယ်ပေါ့ အေးပေါ့
ဒစ္စကိုမြူးဇစ်လေးဖွင့်ပြီး ကလိုက်မှာပေါ့ အေးပေါ့ စလိုက်မီးတွေကြားမှာပေါ့
စလိုက်မိပြီဆိုတာနဲ့ ကြားမှာပေါ့ အသံတွေ ဟိန်းပြီးထွက်လာတာပေါ့ အေးပေါ့
ကိစ္စက ထိပ်ဝကိုရောက်နေပြီဆိုတော့ အေးပေါ့ ၂၀၁၂ ထဲမှာ ဏီအဲY
မိန်းမယူမှာပေါ့ အေးပေါ့ စလစ်ပါစီးပြီး စနိုက်ပါ ထမ်းထားတော့ ကြည့်မကောင်း
ဘူးပေါ့ အေးပေါ့ စစ်ဖိနပ်စီးပြီး *စွာ စွာ စွာ စွာတေးလန် .. နှုတ်ခမ်းပေါ်မှာ မှဲ့နဲ့
ကောင်မလေးက စွာတေးလန်* ပေါ့ အေးပေါ့ လက်လုပ်လာဘ်စား ဆိုတော့
လက်မှတ်ထိုးပေးမှ ပါးစပ်လှုပ်ရတာပေါ့ အေးပေါ့ ဒါမျိုးက ဖြစ်တတ်ပါတယ်ပေါ့
ဖြစ်နေကျပဲပေါ့ အေးပေါ့ pop pop pop pop pop pop pop pop pop pop
pop pop pop pop pop pop pop pop pop pop pop pop pop pop pop
pop pop pop pop pop pop pop pop pop pop pop pop pop pop pop
P.O.P ပေါ့ ။

စာကြွင်း ။    ။ P.O.P = Purity of Politic
Foot Note - * Bobby Soxer ၏ သီချင်းစာသား



                                                               _____________________________________

 စတော်ကင်ရာသီဥတု

____ ဆူး ရ စ် နွ ယ် ________________


ရုပ်ရှင်ရုံအောက်က ဖြတ်လျှောက်ခဲ့ပါ
စတော်ကင်တွေ ကျပ်တယ်ဆိုတာ အားလုံးသိ
ကောင်မလေးကအော်တယ် (အသံချိုချိုနဲ့)
လုပ်ကြပါဦးရှင် လုပ်ကြပါဦး ..
နိုင်ငံကြီးသားတချို့က လက်ရှောင်လက်ရှောင်
စိတ်ဝင်စားသူများ မျက်စပစ်ကြ
ကောင်မလေးအော်နေတယ် (အသံချိုချိုနဲ့)
လုပ်ကြပါဦးရှင် လုပ်ကြပါဦး ..
မြို့က ဘာတရားမှမထွန်းကားပဲ ပိုက်ဆံမရှိတာကို
ထိုင်ဆဲတဲ့သူတချို့တွေ့လိုက်ရ
တချို့က  ဒါတွေကိုကြောက်ကြ
မြို့ဟာ မှောင်သထက် မှောင်
မီးတုတ်တွေနဲ့ ခရီးဆက်
လိုအပ်ချက်တွေ မိုးလိုရွာကျတဲ့ ရာသီမှာ
စတော်ကင်တွေသိပ်ကျပ်တာ ကိုယ်တွေ့မျက်မြင်
ကောင်မလေးအော်နေတုန်း (အသံသိပ်မချိုတော့)
လုပ်ကြပါဦးရှင် လုပ်ကြပါဦး....။ 



                                                               _____________________________________

လှိုင်းတွန့်

___________ (ေ တး ခ က် ) ________________

ပထမ မြင်လိုက်ရတဲ့ မြင်ကွင်းကို အခြေခံပြီး
ချနင်းလိုက် ချန်နင်းလိုက် .. လက်ယဉ်နေတဲ့ စိတ္တဇခြေရာ
မြေဆီမြေသားကြွယ်ကြွယ် လျှပ်စီးမှုထွက်ပေါက်နဲ့ ထွက်ခွာဖို့
တွန့်ဆုတ်နေသော ဆောင်းရာသီနှစ်ခြမ်းကို တစ်မျှင်ချင်း ချုပ်သီသွား
နှုတ်ခမ်းရာဟောင်းလောင်းလေး.. ပြုံးနေစေ
ခရီးလွန်စာတစ်အုပ်ရဲ့ အဆုံးသတ်စာကြောင်းဟာ
အပိုပစ္စည်းတစ်ခုဖြစ် .. ဒီ .. လူနှစ်ယောက်တည်းကွက်ပြီး ဆက်သွယ်ပြောဆို၍
မရခြင်းမှ ငေါထွက်လာသော အဆိပ်အတောက်
စိတ်ထောင်းလို့ကြေမွသွားတဲ့စိတ်နဲ့အတူ အိမ်ရှေ့လမ်းကလေးဟာ
ထွက်ပြေးတိမ်းရှောင် မျက်ရည်ကစက်လက် ခပ်သွက်သွက်လွမ်းမော
ဘေးကျပ်နံကျပ်အကွေ့မှာ ဆေးရုံတင်လိုက်ရသော လမ်းအဖြောင့်
တည့်တည့်ကြည့်လိုက်မိမှ တစ်ယောက်တည်း တွေပြီးတွေးနေ
သေရေးရှင်ရေးတမျှ ဖုတ်ပူမီးတိုက် သင်္ဂြိုလ်ပါ
အလောင်းမပါတဲ့ ဈာပနဟာ ငိုသံတွေ ပိုပိုဆူလာ
နယ်ရုပ်အနီရဲရဲ ခါးကနေ ဖြတ်စားတာ သွေးသံရဲရဲ
အတွေးရဲ့ ဒေါင့်(ထောင့်) လက်သုံးလုံးအကွာကို ဓားတုံးတုံးဖြင့်
ဇွိ အိ အိ အိ ဟုသန့်သန့်လေးထိုးသွင်းလိုက်သလို
တန်ဖိုးဖြတ်လိုက်ပေါ့ ဒါမှမဟုတ် သံချေးတက်လိုက်ပေါ့
သိုသိုသိပ်သိပ် သီချင်းတစ်ပုဒ်လုံး အသံဖမ်းပြီးမှ ပြန်လွှတ်ပေးတယ်
အသံလွှတ်ပြီး ပြန်ဖမ်းတယ် တစ်နာရီပြီးတစ်နာရီ ပိုပိုမြည်ဟီးလာတဲ့
နာရီသံဇောက်ထိုးကြီးတစ်ခြမ်း  အ ထီး ကျန် နေ သည်
အသားစများ ပဲ့ထွက်သွားပုံကို ဒီဇိုင်းလှလှလေးပေးပြီး ဈေးကြီးကြီးပါကင်ထုပ်
မီးဖိုဆီမရောက်ခင် ဒေါသနဲ့ ကြော်ချက်စားလိုက်တယ်
နည်းနည်းလေး ပေါ့နေတဲ့အတွက် လေနှင်ရာသို့ ပုံစံတစ်မျိုးဖြင့်
တစ်မျိုးချင်းစီလွင့်သွား ယုတ္တိဗေဒတွေစည်ကားသော ပျော်ပွဲစားအပြန်
လူပီသသောအမှုန်တွေချည်း သွန်ချ .. ဖွေးကနဲလမ်းပေါ်မှာ
ပုရွက်ဆိတ်ကမှ အများကြီး ကြီးနေဦးမယ် ဝိုင်းအုံပြီး ကိုက်ခဲနေတာ
အာဏာရ ရောဂါအသစ်ကျပ်ချွတ်
စိတ်ကူးယဉ်လေသူကြီး ပုံပျက်လာပြီးတစ်နေ့ မယဉ်ပါးသေးတဲ့သစ်ပင်မို့
အကြွေစောပြီး အသေစူးတယ် လက်နဲ့ရိုက်ပြီးပြန်စိုက်ပျိုးမှ ဒီလို ချို တယ်
သွေးကြောတွေထဲ နင်နေပြီ မလုံလောက်သေးသော ပမာဏများ
စိမ့်ဝင် စိမ့်ထွက် စိမ့်ချက်ကကမ်းကုန်
ဝံပုလွေအူသံမှာ အရောင်အဆင်းလှလှအမွှေးတွေ
ကျွတ်ပြီးစိမ့်ကျလာတာ မနားတမ်းကနေရတဲ့ ပုလွေသံ သို့မဟုတ် ကြေညာချက်
သတိ.. စောင့်ကြည့်နေပါသည် သတိ.. စောင့်ကြည့်နေပါသည် ..ချစ်ခင်မြတ်နိုးစွာ ။          ။



                                                               _____________________________________

ဖန်နီခွက်

___________ သံ ခဲ _____________________

သွားတွေနဲ့ ကိုက်ဖွင့်
“ထောက်” ခနဲ တောက်ထုတ်ခံလိုက်ရပေမယ့်
“ချွင်” ဆိုတဲ့ ဆည်းလည်းသံလိုမျိုး
တမံသလင်းပေါ် ခုန်ပေါက် ပြေးလွှားသွားခဲ့တယ်
ရယ်သံခပ်လွင်လွင်များရဲ့ ခပ်လှမ်းလှမ်းဆီကိုပေါ့
“ခွင့်လွှတ်ပြီးသားပါ အန်ကယ်လ်ကြီး
လက်ထဲက မိုက်ခရိုဖုန်းနဲ့ ပုခုံးသားဖြူဖြူလေး သာ မလွတ်ကျစေနဲ့” ။
ဖယောင်းခဲဖြူဖြူလေးနဲ့ အတူ
“ရှဲ” ခနဲ လောင်ကျွမ်းခံရပြန်ပေါ့
“ဖြတ်” ခနဲကျလာတဲ့ ရေစက်လေးတွေနဲ့အတူ
ကလေးတွေဆီက ပျော်ရွှင်မှုတချို့ အန်ကျလာဖို့
မီးတောက်တွေနဲ့ သူလောင်ကျွမ်းပြနေလေရဲ့
“ခွင့်လွှတ်ပြီးသားပါ ချာတိတ်ရယ်
အိပ်ရာဝင် ပုံပြင် တစ်ပုဒ်အတွက်နဲ့တော့ အိပ်ရာဝင် နောက်မကျစေနဲ့” ။
သူဘယ်သူလဲ
ဟာကျူလီလား
ဓမ္မဆရာလား
ကဗျာဆရာလား
ချာလီချက်ပလင်လား။
မညီညာတဲ့မြေကြီးပေါ်က
စားပွဲတစ်လုံးရဲ့ ခြေထောက်အောက်မှာ။
ခေါင်းဖြူကြီး နှစ်ယောက်ကြားက
ပလက်ဖောင်း ကျားကွက်တွေမှာ။
အန်ကယ်လ်ကြီးတွေ ကိုက်ဖွင့်ခဲ့တဲ့
ဘီယာပုလင်းတွေ ရဲ့ နှုတ်ခမ်းဝမှာ။
ဘုရားစင်ပေါ်က ဖယောင်းတိုင်လေး အောက်မှာ
ခင်ဗျားတို့ သတိမရတဲ့ ဖန်နီခွက်လေး တွေပေါ့။

*ဖန်နီခွက် = အအေးပုလင်း ဘီယာပုလင်းများ၏ အဖုံးငယ်လေး




                                                               _____________________________________

 ဖြစ်ဖြစ်သမျှ အမျှပါ / သာဓု သာဓု သာဓု

_________ေ သာ် ဇ င် အု န်း ____________________

တစ်ယောက်က မုန့်ဟင်းခါးဆို မုန့်ဟင်း ဝိုင်းခါးလိုက်ကြ
ဓာတ်ပုံလေးတွေ ဗီနိုင်းတွေ ဒီဗီဒီ စီဒီတွေ မှတ်တမ်းတင်တွေ
လက်ဖက်ရည်ဖိုးသာသာ တဲ့ လိုင်းကားပေါ်မှာ ရောင်းနေတာ
တစ်ယောက်က အသုတ်စုံဆို အသုတ် ဝိုင်းစုံလိုက်ကြ
စာအုပ်တွေ တကိုင်ကိုင် တီရှပ်တွေ ဝတ်လို့ ပြက္ခဒိန်တွေလဲ ပါ
ပွဲတွေမှာ ပြုံး ပျော် လက်ဆွဲနှုတ်ဆက် မိန့်ခွန်းစကား
ပါးစပ်လှုပ်
ဝုန်းခနဲ လက်ခုပ်သံ အားပေးမှုတွေနဲ့
တစ်ယောက်က ဇီးသီးဆို ဇီးကို ဝိုင်းသီးလိုက်ကြ
တစ်ယောက်က ပန်းသီးဆို ပန်းကို ဝိုင်းသီးလိုက်ကြ
သာရေး
နာရေး
လူမှုရေး
အကျိုးဆောင်များ ဘွဲ့တံဆိပ်များ ချီးမြှင့်ခံရ
ဂုဏ်ယူဖွယ်ရာ
ရေ/မြေ/လေ/မင်း/မီး ဘေး .. များသို့ အလှူငွေ ပေးအပ်
ဖျပ် / ဖျပ် / ဖျပ်
ဓာတ်ပုံရိုက်ရတာ လွယ်လိုက်တာ
ဟိုး .. ရှေး .. ရှေး .. တုန်း က
ဒေါက်ထောက်ထားရတဲ့ ကင်မရာ ဝတ်ရုံထဲ ခေါင်းဝင်လို့ရိုက်တဲ့ ဓာတ်ပုံဆရာ
အဖြူ/အမဲ ဖလင်ကူး/ဆေး အမှောင်ခန်းများ
ရှေးရှေးတုန်း အတတ်ပညာရှင်သာ ကိုင်ခွင့်ရတဲ့ ကင်မရာ
ခုများ လွယ်လိုက်တာ
ခုဖြစ် / ခုသိ / ခုဖြစ် / ခုမြင်
သင်လည်း သတင်းကြည့်သူ
သင်လည်း သတင်းထုတ်လွှင့်သူ
သင်လည်း မီဒီယာ
သင်လည်း ကမ္ဘာကြီးကို ဖြန့်ဝေသူ
သင်လည်း မှတ်တမ်းတင်သူ/သမိုင်းကိုရေးသူ
တစ်ယောက်က မြေကွက်ဆို မြေကို ဝိုင်းကွက်လိုက်ကြ
စလစ် / ပါမစ် / ဂရန် ..
၂၀'x၆၀' ၊ ၄၀'x၆၀' ၊ ၆၀'x၆၀' ၊ ၆၀'x၈၀' ၊ ၈၀'x၁၀၀' ၊ ၁၀၀'x၁၀၀'
လမ်းမ/ကျောကပ်/ထောင့်ကွက်/အတွင်း/လမ်းဦးတိုက် ..
ပစ်ထားလိုက် အစာမကျွေးရဘူး သူ့ဘာသာသူ တန်ဖိုးတက်လာမှာ
ဝယ်ထား ရတုန်းယူထား မစဉ်းစားနဲ့ ပေကပ်ကပ်မလုပ်နဲ့
ခင်ဗျားရဲ့တွေဝေမှု ဆိုတာ လန်းသွားတဲ့အခါ နောင်တမရနဲ့
အကျိုးဆောင်တွေ အကြောင်ဆိုးတွေ ဘာမှမသိဘဲ ငွေရင်းရင်
ငွေရမှာ ဆိုတဲ့ ငွေနဲ့ ငွေကိုကိုင်ပြီး လှုပ်ရှားနေကြတာတွေ
လမ်းမနဲ့နီးတယ် ဘူတာရုံနားမှာ နောင်ဘယ်နှနှစ်ကြာရင်
ဦးစားပေးအဆင့် .. စသည်ဖြင့် ..
တန်းစီကြနော် တန်းစီတဲ့ဇယားအတိုင်း ပေးမှာ
အဝိုင်းပတ်ယာဉ်ကို ဦးစားပေးပါ
ကြားကိုဖြတ်ပြီး ရွေးတဲ့အခါ
ရွေးတဲ့ကြားကို ခင်ဗျား ဘယ်လိုရောက်လာသလဲ ?



                                                               _____________________________________



အက်ဆေး


ဇာတ်သိမ်း

__________________ မိ ချ မ်း _________________________________

သူ ကျွန်တော့် ဖန်ခွက်တွေကို ခွဲပစ်တယ်။ သူ ကျွန်တော့် နှလုံးသား ကွဲနေတာကို
ပြန်မဆက်ပေးဘူး .. ။ အခုတော့ ကျွန်တော့်မှာ ဖန်ကွဲစတွေကိုပဲ လွမ်းနေရပါတယ်။

ကျွန်တော်ဟာ နာကျင်မှုတွေကို ဆေးလိပ်မီးခိုးငွေ့တွေအဖြစ် ပြောင်းလဲပစ်ပစ်နေမိ။
နေ့ရက်တွေဟာတငွေ့ငွေ့လောင်ကျွမ်းနေကြတုန်း။ အတိတ်ကာလဆိုတာ
လက်ရှိဘဝထက်ပိုပြီး မက်မောစရာကောင်းမှန်း သူသင်ကြားပေးသွားခဲ့သလို ..
အချစ်ဆိုတာ ထင်ထားသလောက်ပျော်ရွှင်စရာမကောင်းမှန်း .. ကျွန်တော်သိလာခဲ့ချိန်မှာပဲ
ကျွန်တော်လန့်နိုးခဲ့ရပါတယ်။

ကံဆိုးတဲ့အိပ်မက်တွေက ကျွန်တော့်အတွက်ဆို အမြဲ မှန်တယ်။ ကြေကွဲစရာဇာတ်သိမ်းဟာ
ခရီးအဝေးကြီးက လျှောက်လာရသလို နောက်ကျမှ ကျွန်တော်တို့ဆီကိုရောက်လာတယ်။
နှုတ်ဆက်စကားကလွဲပြီး ပြောစရာစကား သူ့မှာသိပ်ရှားနေပုံရတယ်။
ကျွန်တော်ဟာ ဒီနေ့ နေဝင်မသွားရင်သိပ်ကောင်းမှာပဲလို့ ပထမဦးဆုံးတွေးမိတဲ့ လူတစ်ယောက်ပါ။
ပြန်မလာတော့ဘူး ဆိုတဲ့ ကတိတစ်ခုကလွဲပြီး သူ ကျွန်တော့်ကို ဘာမှမပေးသွားဘူး။
ကျွန်တော့်မှာလည်း နာကျင်မှုကလွဲရင် သူ့ကိုပြစရာရုပ်ရှင်ကားမရှိတော့ပါ။
အခုတော့ သူ ထွက်သွားခဲ့ပြီ။ သူ ထွက်သွားခဲ့ပါပြီ။

တံခါးတွန်းဖွင့်သံကို ခင်ဗျားတို့ ကြားလိုက်ကြရဲ့လား!!!!!
ကျွန်တော်တို့နှစ်ယောက်ကြားမှာ ဝေးကွာခြင်းကလွဲရင်ဘာမှမရှိတော့ပါ။

ကွဲသွားတဲ့ ဖန်ခွက် အကွဲစတွေဟာ စားပွဲပေါ်မှာ ဒီအတိုင်း.....
အခု ကျွန်တော် နေ့ရက်တွေကို မီး- ရှို့- နေ- တာ

ဟောဒီ စီးကရက်မီးခိုးငွေ့တွေအတိုင်းပေါ့ ။ ။


                                                               _____________________________________


၁၂နာရီ ၃၇မိနစ်တွင် အိပ်စက်ခြင်း

_____________ ပို င် ဉာ ဏ် _________________________
    

ဒီညလည်း ခပ်စောစောအိပ်ဖြစ်မှာ မဟုတ်ဘူး။ မထူးပါဘူးကွာ။ စိတ်ကို ဝေါခနဲ မောင်းထွက်သွားလိုက်တယ်။ 

အလင်းနှစ် ၁၅ သန်းလောက်ရောက်တော့ ဖုန်းဝင်လာတယ်။ အဲအချိန်မှာ ကိုယ်က
ရှေ့ကစိတ်ကို ကျော်တက်နေတဲ့အချိန်။ အာရုံတွေ ရောထွေးရှုပ်ပွနေလို့ 

တစ်ယောက်တည်းထွက်လာပါတယ်ဆိုမှ။ နံပါတ်ကိုကြည့်လိုက်တော့ သုည တစ်လုံးတည်းက
ကိုယ့်ဆီဆက်နေတာ။ ဖုန်းပြောဖို့ သန္ဓေတည်လို့မရတာနဲ့ အဝင်ခေါ်ဆိုမှုတွေ ပိတ်ထားလိုက်တယ်။ 

ကိုယ်နဲ့ ကမ္ဘာကြီးနဲ့ကြား ဆက်သွယ်မှုဧရိယာပြင်ပကြီးတစ်ခုလုံး ခြားသွားတယ်။
ကမ္ဘာကြီးကို ကိုယ့်စိတ်နောက်မှာထားခဲ့ပြီး ဆက်မောင်းသွားတယ်။

လုပ်ရိုးလုပ်စဉ်အတိုင်းပဲ။ ကိုယ့် playlist တစ်ခုကို shuffle လုပ်လိုက်တယ်။ စိတ်ထဲကသီချင်းသံက  

ကိုယ့်နားစည်ထဲ တိုးဝင်လာတယ်။ “လူအ”တွေရဲ့ သီချင်းတစ်ပုဒ်ပါပဲလား။

"ဒီလိုညမျိုးရောက်တိုင်း ငါဟာလဲပြိုပြန်ရပြီ
အချိန်ဟာကုစားပေမယ့် လောင်မြိုက်ခြင်းမှာ မသတ်ငြိမ်းသာ"


ကိုယ့်နှုတ်ကနေ တိုးဖွဖွလေး လိုက်ဆိုဖြစ်တယ်။ ကိုယ်လည်း ပြောမပြတတ်တာတွေ ခံစားနေရတာကိုး။ 

စိတ်ဆောင်းဘောက်ထဲက သီချင်းသံက ကိုယ့်အာရုံတွေကို တစ်နေရာရာဆီ ဆွဲခေါ်သွားပြန်တယ်။

"အလင်းနဲ့မထိုက်သင့်ခဲ့ဘူး
ပြန်တောင့်တလည်းမထူး
ထင်မှတ်ထားခဲ့သလို မဖြစ်ချိန်"


အလင်းဖြူမျှင်တန်းတွေက စိတ်လေကာမှန်ကိုဖြတ်ပြီး ကိုယ့်မျက်နှာပေါ်ခပ်စောင်းစောင်းလေး ကျနေတာပဲ။ 

အခုမှအာရုံစိုက်မိတယ်။ ကိုယ်ဟာအလင်းနဲ့ထိုက်သင့်ရဲ့လားဆိုတာ မဖြစ်မနေတွေးမိတယ်။ 
သတိရစရာအတိတ်တွေကလည်း အများသား။ ကိုယ် ဘာကိုမှ ဆက်မတွေးဖြစ်တော့ရင်ကာင်းမယ်။

သိပ်မစဉ်းစားတော့ပဲ စက်ရှိန်မြှင့်လိုက်တယ်။ ရှင်းလင်းနေတဲ့ လမ်းမကျယ်ပေါ်မှာ ကိုယ့်စိတ်ဟာ အခုဆို 

တစ်နာရီ အလင်းနှစ် ၇၁ သန်းနှုန်းနဲ့ နောက်လှည့်မကြည့်စတမ်း ပြေးလွှားနေတယ်။
သီချင်းသံခပ်အုပ်အုပ်ကလည်း လေထုထဲ လွင့်ကျန်ရစ်ခဲ့တယ်။

"ဒီလိုညမျိုးရောက်တိုင်း ငါလေ မင်းကို သိပ်လွမ်းတယ်"

ကိုယ် မျက်တောင်ခတ်လိုက်မိတယ်။ မျက်ရည်တစ်စက် လွင့်ခနဲ။ အဲဒီသီချင်းသံက နောက်ကလေထုထဲ 

လွင့်ကျန်ခဲ့တာမဟုတ်ပဲ ကိုယ့်ရင်ထဲ စိုက်ပါလာမှန်း။ အား.........။
ကိုယ့်စိတ်ကို ဂငယ်ကွေ့ ကွေ့ပစ်လိုက်တယ်။
တစ်ဖက်ကစိတ်တွေ အရှိန်ပြင်းပြင်းလာနေတာလည်း ကိုယ်မသိတော့ဘူး။ 

ကိုယ်လည်းအရှိန်မလျှော့ဖြစ်ဘူး။

ကိုယ့်အာရုံတွေမှောင်အတိမကျခင် နောက်ဆုံးတစ်ခု တွေးမိတယ်။
ကိုယ်ကုတင်တစ်ခုခုပေါ် ပြန်ရောက်နေလိမ့်မယ်။ နောက်ပြီး ကိုယ်အိပ်ပျော်နေလိမ့်မယ်။


                                                               _____________________________________



ကျေးဇူးပြု၍  မတွေးခေါ်ပါနှင့်!

_________ စ စ် နို င် __________________________________________

 
                                                                   ( ၁ )

တကယ်တော့ ကျနော်တို့နှစ်ယောက် ဒီ့ထက်အများကြီးစောပြီး တွေ့ခဲ့ဖို့ကောင်းသည်။
အပြင်မှာ မိုးလေးတဖွဲဖွဲရွာနေပြီ။ ကျနော့်ဘောလ်ပင်လေး ကျိန်စာမိနေသည်။
လက်ပတ်နာရီထဲတွင် အမှန်တရားပုန်းခိုနေကြောင်း သင်ရိပ်မိပါစ....။
ကျေးဇူးပြု၍  မတွေးခေါ်ပါနှင့် !
ကံကြမ္မာသည် မျက်နှာပြောင်တိုက်ရဲလွန်းသော သတ္တဝါတစ်ကောင်သာ ဖြစ်ပါသည်။
ကျနော့်ကိုယ်ကျနော် တက်နင်းမိသွားသည် ။ ဘယ်လိုအသံမှထွက်မလာခြင်းသည် 

ဆူညံစွာဖြစ်နေရလေသည်။ ညရေးညတာဆောင်ထားသော ဓာတ်မီးလေးကျွမ်းသွားသည် ။
သတိရတိုင်း ဆေးလိပ်လျှော့သောက်ဖြစ်နေပါသည်။ နှင်းဆီတစ်ပွင့်ကို စာအုပ်ကြားထဲ ညှပ်လိုက်သည် ။
လေးဖြူ၏  "ဒါလီနေ့"သီချင်းကိုတော့ နားထောင်ဖြစ်ပါလိမ့်ဦးမည်။
ကျနော်သည် ကြေးနန်းစာတစ်စောင်မဟုတ်ပါဘဲလျက် ကျနော့်ကျောပေါ်တွင် 

လိပ်စာတစ်ခုကပ်ပါလာခဲ့သည်။ ကော်ဖီတူတူသောက်ဖို့ သူမကို လွမ်းပါသည်။


                                                                      (၂)

တကယ်တော့ မိုးလေးတဖွဲဖွဲရွာနေပြီ။
ကျနော်တို့နှစ်ယောက် ဒီ့ထက်အများကြီးစောပြီး အပြင်မှာတွေ့ခဲ့ဖို့ကောင်းသည်။
ကျနော့်ဘောလ်ပင်လေးထဲတွင် အမှန်တရားပုန်းခိုနေကြောင်း သင်ရိပ်မိပါစ...။
လက်ပတ်နာရီတွင် ကျိန်စာမိနေသည်။
ကျေးဇူးပြု၍  မတွေးခေါ်ပါနှင့် !
ကံကြမ္မာသည် မျက်နှာပြောင်တိုက်ရဲလွန်းသော ကျနော့်ကို တက်နင်းမိသွားသည်။ ကျနော်သည် 

သတ္တဝါတစ်ကောင်သာ ဖြစ်ပါသည်။ ဘယ်လိုအသံမှထွက်မလာသောကြောင့် ဓာတ်မီးလေးကျွမ်းသွားသည်။
ညရေးညတာသည် ဆူညံစွာဖြစ်နေရလေသည်။ သတိရတိုင်း ဆေးလိပ်ကို စာအုပ်ကြားထဲ ညှပ်လိုက်သည်။
နှင်းဆီတစ်ပွင့်အတွက် လျှော့သောက်ဖြစ်နေပါသည်။ လေးဖြူ၏ "ဒါလီနေ့"သီချင်းတွင် 

လိပ်စာတစ်ခုကပ်ပါလာခဲ့သည်။ ကျနော်သည် ကြေးနန်းစာတစ်စောင်ကို နားထောင်ဖြစ်ပါလိမ့်ဦးမည်။
သူမကိုလွမ်းဖို့ ကော်ဖီတူတူသောက်ပါသည်။


                                                                     (၃)

တကယ်တော့ ကျနော်တို့နှစ်ယောက် ကျိန်စာမိနေသည်။
ဒီ့ထက်အများကြီးစောပြီး မိုးလေးတဖွဲဖွဲရွာနေသည်။ ကျနော့်ဘောလ်ပင်လေး တွေ့ခဲ့ဖို့ကောင်းသည်။
လက်ပတ်နာရီကို ကျနော်တက်နင်းမိသွားသည်။ အမှန်တရားပုန်းခိုနေကြောင်း 

ကျနော့်ကိုယ်ကျနော် ရိပ်မိပါစ...။
ကျေးဇူးပြု၍  မတွေးခေါ်ပါနှင့် !
ကံကြမ္မာသည် သတ္တဝါတစ်ကောင်သာ ဖြစ်ပါသည်။

ဘယ်လိုအသံမှထွက်မလာခြင်းကြောင့် ဆေးလိပ်လျှော့သောက်ဖြစ်နေပါသည်။
သတိရခြင်းကို ညရေးညတာဆောင်ထားသည်။ ဓာတ်မီးလေးကျွမ်းသွားခြင်းသည် 

ဆူညံစွာဖြစ်နေရလေသည်။ နှင်းဆီတစ်ပွင့်တွင် လိပ်စာတစ်ခုကပ်ပါလာခဲ့သည်။
လေးဖြူ၏ "ဒါလီနေ့" သီချင်းကို စာအုပ်ကြားထဲ ညှပ်လိုက်သည်။
ကျနော်သည် ကြေးနန်းစာတစ်စောင်နှင့် ကော်ဖီတူတူသောက်ရင်း သူမကို လွမ်းပါသည်။


                                                                      (၄)

ကော်ဖီတူတူသောက်ဖို့ သူမကို လွမ်းပါသည်။
ကျနော်သည် ကြေးနန်းစာတစ်စောင်မဟုတ်ပါဘဲလျက် ကျနော့်ကျောပေါ်တွင် 

လိပ်စာတစ်ခုကပ်ပါလာခဲ့သည်။ နှင်းဆီတစ်ပွင့်ကို စာအုပ်ကြားထဲ ညှပ်လိုက်သည် ။
သတိရတိုင်း ဆေးလိပ်လျှော့သောက်ဖြစ်နေပါသည်။
ညရေးညတာဆောင်ထားသော ဓာတ်မီးလေးကျွမ်းသွားသည် ။ ဘယ်လိုအသံမှထွက်မလာခြင်းသည် 

ဆူညံစွာဖြစ်နေရလေသည်။ ကျနော့်ကိုယ်ကျနော် တက်နင်းမိသွားသည် ။
ကံကြမ္မာသည် မျက်နှာပြောင်တိုက်ရဲလွန်းသော သတ္တဝါတစ်ကောင်သာ ဖြစ်ပါသည်။
လက်ပတ်နာရီထဲတွင် အမှန်တရားပုန်းခိုနေကြောင်း သင်ရိပ်မိပါစ။
ကျနော့်ဘောလ်ပင်လေး ကျိန်စာမိနေသည်။ အပြင်မှာ မိုးလေးတဖွဲဖွဲရွာနေပြီ။
တကယ်တော့ကျနော်တို့နှစ်ယောက် ဒီ့ထက်အများကြီးစောပြီး တွေ့ခဲ့ဖို့ကောင်းသည်။
ကျေးဇူးပြု၍  မတွေးခေါ်ပါနှင့် !




                                                               _____________________________________


လူနှင့် ကြုံတုန်း ဆုံတုန်း အပြုံးများ


______ ဗ င်း ဆ င့် ဗ ယ် လ င် တို င်း _____________

ရောက်တုန်းလေး ခဏ အေးဆေးသက်သာ နေလိုပါသည်။ ဒီတိုင်း ထိုင်ဖြစ်ရဲ့ မဟုတ်လား။ ကိုယ်က 

အလိုက်သင့် စီးမျောခြင်းမှာ ငြိတွယ်သူတစ်ယောက်ရယ်..။
ကြုံတုန်းဆုံခိုက် ကြည်ကြည်မွေ့မွေ့ စကားလက်ဆုံကျ၊ နောက်တော့ အပြုံးနှင့် လက်ပြ၊ 

ဒီလိုဘဝမျိုးကို တောင့်တသည်။ လူဖြစ်တုန်းခဏ လူပီပီသသ နေလိုလှပါသည်။
   
တစ်ရံတစ်ခါက ရှိခဲ့ပြီ။ ခရမ်းရိပ်ညို့ပြာသော ကောင်းကင်.. အလွမ်းတေး ဆင်ထားသော 

ဝန်းကျင်ထဲ မှောင်မှောင်မဲမဲ ခံစားမှုတွေ..။ ကဗျာရေးလိုက်တိုင်း ကဗျာမဆန်ချင်ခဲ့ပါ။ 
ကဗျာပီသလျင်ပဲ တော်ပြီ..၊ ဤလို သည်လို ရောင့်ရဲလောဘ တက်ခဲ့ဖူးပြီ။ နောက်တော့ ဆန္ဒအရေခွံကိုချွတ်
လွတ်လွတ်လပ်လပ် ဝဲချင်ရာဝဲ လွင့်ချင်ရာ လွင့်ကြည့်ပြန်သည်။ လေမိသည့်အခါမိ 

တွယ်ငြိသည့်အခါလည်းရှိပေါ့လေ။ Personal Cult ခေါ် ပုဂ္ဂိုလ်ရေးကိုးကွယ်မှုမျိုး တရုန်းရုန်းတွေ့တိုင်း 
လည်ထွက်နေသည့် ရော်ရွက်ကြွေဝါဒ ကိုင်ဆုပ်ကြည့်တော့ ရောရောယောင်ယောင် အမောင်များစွာ 
မဲ့ရွဲ့ပြသွားတာ ကြုံဖူးပြီ။ နောက်တော့ သူတို့လည်း ကိုယ်လိုပဲ ဘာမှန်းမသိသည့် စကြာဝဠာကြီးတစ်ခုထဲ
ဒီလိုပဲ နစ်မြုပ်ပျောက်ဖုံးကုန်ကြသည်။ ထိုအခါ ဘေးတိုက်လွင့်မျောသူချင်း အပျင်းပြေတစ်ချက် 

ရယ်ပြတတ်ခဲ့သည်။ ဘာမှမဟုတ်ခဲ့ကြ။
   
ဘာမှမကြာလိုက်တာလား၊ အကြာကြီးကြာခဲ့တာလား ပြန်စဉ်းစားတော့ မနေ့တစ်နေ့ကလို။ 

ပုံရိပ်တွေ ဝေဝါးနေမှ ဟိုးအတိတ်ကလိုလို။ ထားခဲ့ရ.. မနေ့က သိပ်ချစ်တဲ့အကြောင်း။ သိခဲ့ရ.. တစ်နေ့က 
စာမျက်နှာများ ခြောက်သယောင်း။ ငိုကြွေးခြင်းများစွာ ဖြေသိမ့်ခဲ့ရ မနေ့ကပေါင်းများစွာထဲ အရုပ်တစ်ရုပ်လို..
ပြီးတော့ တိရိစ္ဆာန်တစ်ကောင်လို၊ နောက် ကလေးငယ်လို မတည်မငြိမ်၊ 

ခုမှ ပြန်ကြည့် ပြန်တွေး ပြန်ပြုံးဖြစ်တော့ မနေ့ကဟာ ရိုက်ကူးပြီးစီးသောရုပ်ရှင်ဇာတ်ကွက်ဖြစ်ခဲ့။ 
ကဗျာတစ်လုံး စာတစ်လုံးကျန်ခဲ့တာကပဲထာဝရတင်ရမယ့် မှတ်တမ်းလား။ 
မသေချာကမ္ဘာကြီးထဲ သေသေချာချာ လွဲခဲ့သော အမှားမှားအချော်ချော်လူသား ကိုယ်။ ကြုံခဲ့ ဆုံခဲ့တဲ့ 
ရင်ခုန်ဖက်တွေလည်း ဘဝထဲ မောရှာကြရော့မည်။ ကိုယ် အရိပ်ထဲက ထိုင်စောင့်ချင်ပါသည်။
   
ကြီးကြီးမားမားတစ်ယောက်ယောက် လာမည့်လမ်းလို ညတွင်းချင်း ဆပ်ပြာမှုန့်ဖြင့် ဆေးခံရသည့် 

သန့်ရှင်းမှုမျိုး စိတ်မသန့်။ အတောင်လည်း ခတ်ရ ပိုက်လည်း တိုးရ နစ်နာမှုမျိုး မနစ်ချင်။ သို့သော် ဒီနေရာမှာ
ရပ်နေသရွေ့ ဒီအငွေ့က ဟပ်နေဦးမှာပဲ ဖြစ်သည်။ လွတ်ရာလွတ်ကြောင်း 

ရွှေ့ပြောင်းနိုင်သော်လည်း နောက်တွဲကို ငဲ့ရသည့် ရထားအစင်းပေါင်းဘယ်လောက်ရှိပြီနည်း။ 
ခရီးသွားများပေးသည့်ငွေ တိုက်ရိုက်မရဘဲ နောက်ဆုံးလှေပါ ပေးလိုက်ရသည့် ကပ္ပတိန်မည်မျှ ရှိမည်နည်း။
လူသည် မိမိကိုယ်မှလွဲ၍ ဘာကိုမှ မထည့်ချင်သည့် အိတ်တစ်လုံးလား။ လူသည် ပတ်ဝန်းကျင်ရောဂါရပြီး 

စိတ္တဇဖြစ်ခဲ့ရသည့် သားကောင်လား။ မေးခွန်းတွေ ဖြေဖို့ လူထဲမှ ထွက်ခဲ့ပြီ။ မရှိခြင်းကသာ မေးခွန်းအားလုံး 
ဖြေဆိုနိုင်ပါလိမ့်မည်။
   
မရင်းနှီးသူတစ်ဦး ကျွမ်းဟန်ဖြင့် နှုတ်ဆက်တော့ အပြုံးမြမြ ပီပီသသ ပြုံးပြဖြစ်ပါသည်။ 

ခရီးသွားဟန်လွှဲချင်းအတူတူ ငြူစူခြင်း ကင်းစေလို၏ ။ ကျောခိုင်းလိုက်ကြသော်လည်း 
ရိုးရှင်းချိုလွင်သောအပြုံးက ရင်ထဲစိမ့်ဝင်ကြည်လင်ပါသည်။ တစ်ဖန် ပြန်၍ တွေ့ကြလျှင်ဖြင့် 
လက်ဆွဲနှုတ်ဆက် သံသရာအတွက် မိတ်ဖော်ဆွေမွန်ဖွဲ့ချင်ပါသေးသည်။ တစ်ယောက်တည်းလည်း
လျှောက်နိုင်၊ နှစ်ယောက်တွဲလည်း ရောက်နိုင်ပါသည်။ 


ဤခရီး ဆုံးမည်မသိသေးသောကြောင့် ပြည့်စုံလို ပြည့်စုံငြားခရီးသွားများရှာမိ။ 
မျက်ရည်တစ်ပေါက်တလေ လွင့်ကျခဲ့ရင်လည်း ရှိပါစေ.. ကျေနပ်လို့။ 
အမှတ်တရများစွာထဲမှာ သူလည်း သဲပေါ် အရာထင်ခွင့် ရှိပါသည်။ 
ကိုယ်လည်း ခြေရာများနှင့် ဖြတ်လျှောက်သွားခွင့် ရှိနေပါသည်။ နွေ.. နေပူလည်း
လူပီသစွာ အပြုံးတစ်ပွင့် စွဲစွဲမြဲမြဲနှင့် လှမ်းနိုင်ရဲဖို့ စိတ်တင်းထားရဦးမည်။
ဤခရီး မပြီးသရွေ့ပေါ့။


                                                               _____________________________________

ဟာသ


ဟာသထဲမှ ဟာသလေးများ


အရေးကြီးတဲ့ဆုံးဖြတ်ချက်

“မင်းတို့လင်မယား ရန်ဖြစ်သံမကြားဘူး
အရမ်းအဆင်ပြေတာပဲနော်”

“ဒါပေါ့ နည်းကောင်းလေးရှိတယ်လေ။”

“ဟာလုပ်စမ်းပါအုန်းသူငယ်ချင်းရယ်
အားကိုးပါတယ်။ ဘယ်လိုနည်းလဲ။”

“တစ်ခုခု ဆုံးဖြတ်ချက်ချစရာရှိရင် အသေးအဖွဲတွေဆို
သူ့ကိုဆုံးဖြတ်ခွင့်ပေးလိုက်တယ်လေ။
အရေးကြီးတဲ့ဆုံးဖြတ်ချက်ကတော့ ငါကပဲချမှတ်ရတာပေ့ါ။”

“ဟုတ်ပြီဟေ့။ ဒါနဲ့ အသေးအဖွဲဆုံးဖြတ်ချက်နဲ့
အရေးကြီးတဲ့ဆုံးဖြတ်ချက် ကို ဘယ်လိုခွဲသလဲ။”

“အင်း ခုချိန်ထိတော့
အရေးကြီးတဲ့ဆုံးဖြတ်ချက်
တစ်ခါမှမပေါ်သေးပါဘူးကွာ”

======================

ဆရာဝန်နဲ့ သူ့ လူနာ


“ခင်ဗျားရဲ့ ချောင်းဆိုးသံကို ကျွန်တော်မကြိုက်ချင်ဘူး။”

“ကျွန်တော် တခြားလို မဆိုးတတ်ဘူး ဒေါက်တာရယ်။’’

========================

မှားယွင်း ရလဒ်

“မင်းနဲ့ငါနဲ့ ညားလာတာ အိမ်ထောင်သက်တမ်း ၁၀ နှစ်ရှိပြီ။”
တကယ်တမ်းပြောရရင် အဲ့ဒါ မှားယွင်းမှုတစ်ခုရဲ့ ရလဒ်ပဲ။”

“ဘာပြောတယ်ရှင့် ။ ရှင်းစမ်းပါဦး”

“မင်းကို စတွေ့တဲ့နေ့က ငါ လေချွန်မိတာ
မင်းကို ခေါ်တာ မပာုတ်ဘူး။ တက္ကစီ သမားကို။”



                                                               _____________________________________


                                    ၀တ္ထုတို






အချစ်သည်ဘာသာစကားမလို၊နားလည်မှုနှင့် အကောင်းမြင်မှုပဲ လိုသည်

______________ လျံ နိုး ____________________________________


သူစိမ်းသိုက်ထဲမှာ ဥကွဲသွားတဲ့ ငှက်တစ်ကောင်လို မြင်နေသမျှ ကြားနေသမျှ 

အားလုံးကို ကျနော် နားမလည် ။ ခံစားမိတာကတော့ ဘာကိုမှ ခံစားလို့ မရတာ ။

မြန်မာနိုင်ငံကနေ ဖိလစ်ပိုင်ကို ရောက်လာတာ သုံးရက် ။
ရောက်ရောက်ချင်း ကျောင်းတက်တော့ သင်ကြားရသမျှ သင်ခန်းစာတွေက 

ကိုယ့်အတင်းအဖျင်းပြောနေကြ သလိုလို ။ ကျနော် ဘာဖြစ်လို့ အမေရိကန်တစ်ယောက် မဖြစ်ခဲ့ရတာလဲ ။
အာရှထဲမှာရှိတဲ့ တစ်ခုတည်းသော အင်္ဂလိပ်စကားပြောနိုင်ငံ ဖိလစ်ပိုင်မှာ 

ကိုယ်တစ်ယောက်တည်း ကွက်ပြီး အရူးလုပ်ခံရသလိုလို ။

“Hello”

ကျောင်းပြန်တဲ့လမ်းမှာ နှုတ်ဆက်လာတဲ့ အနောက်က အသံကို လှမ်းကြည့်လိုက်တယ် ။ 

အတော်ချစ်စရာ ကောင်းတဲ့ ဖိလစ်ပိုင်မလေး ၊
အသားဖြူဖြူ နဲ့ ။ လူမှုရေးအရ ပြန် ဟိုင်း လိုက်သည် ။
ကံဆိုးချင်တော့ ကောင်မလေးဘက်က စကားဆက်ပြောသည် ။

“Are You Going Home”

(Home ပါတော့ အိမ်ပြန်နေတာလား မေးတာပဲ ဖြစ်ရမယ် ဆိုပြီး)

“Yeah, Why?

(ဒုက္ခပဲ ကိုယ့်ပါးစပ်ကိုယ် ပြန်ရိုက်ပစ်ဖို့ကောင်းသည် စပ်ဆော့ပြီး သွားပြန်မေးမိလိုက်တဲ့ အပြစ်)

“Nothing, Just Asking
Because I Am Going Home, Too”

“Yeah”

“By The Way, How Long Have You Been Here?”

(ဒီမေးခွန်းကစပြီး ပြသနာတက်ပါသည် ။ နောက်ဆက်တွဲ မေးခွန်းများကို Yeah, Yes, Um No ဆိုသော
စိတ်ထဲရှိသိသမျှမှတ်သမျှရှားပါးစကားလုံးများနှင့် ကျနော် အရှက်ကွဲခဲ့ရပါသည်။)

“သား အခုလို စာကြိုးစားတာ မြင်တော့ အမေတို့ အရမ်းဝမ်းသာတယ်
ဒါပေမဲ့ အခုလောက်ထိတော့ မကောင်းဘူးပေါ့ သားရယ် ။
ကောင်းတယ်ဆိုတဲ့အရာတွေတောင် အလွန်အကျွံမကောင်းဘူးကွဲ့”

နေ့မနား ညမအိပ်ဘဲ အင်္ဂလိပ်စာနဲ့စကား ကြိုးစားသောကြောင့် အိပ်ရာထဲ လဲ ၊ ဖျားနေသော ကျနော့်ကို 

အမေက ဆုံးမနေခြင်း ဖြစ်သည် ။ကျနော့် စိတ်ထဲတွင်တော့ အရှက်ကွဲခဲ့သော ကောင်မလေး နှင့် အင်္ဂလိပ်လို
ရည်ရည်လည်လည် မွှတ်နေအောင် စကားပြန်ပြောဖို့ကလွဲပြီး ဘာမျှ မရှိ ။

ဒီနေ့ ကျနော် ရာသီဥတုခေါင်းစဉ်အောက်က အမေးအဖြေစကားလမ်းကြောင်း အပြောအဆိုများကို 

အင်္ဂလိပ်လို အလွတ်ကျက်လာခဲ့ပါသည် ။  ဖြတ်လမ်းသုံးလိုက်ခြင်းဖြစ်သည် ။
 ကောင်မလေးနှင့် အင်္ဂလိပ်လို မွှတ်နေအောင် ပြန်ပြောဖို့ဖြစ်သည် ။

“The Weather Is So Good Today”

(ကျနော် စကားစလိုက်ခြင်းဖြစ်သည်)

“Yea, It Is”

“See, The Clouds Are Clear Today”

“Yes, Uh, I Have A Question To Ask You?”

“What?!!”

“What Is The Currency In Your Country”

(ကောင်မလေးက ခေါင်းစဉ်ပြောင်းလိုက်တော့ နောက်တခါ ကျနော် အရှက်ကွဲခဲ့ရပြန်ပါသည်)

စိတ်ဓာတ်လည်း ကျပါသည် ။ ကျောင်းကလည်း ပိတ်တော့မည် ။ ဒါပေမဲ့ ကောင်မလေး နဲ့ မွှတ်နေအောင် 

စကားပြန်ပြောဖို့က  စိတ်ထဲတွင် ရှိနေပါသေးသည် ။ ဒါကြောင့် အင်္ဂလိပ်စာ အင်္ဂလိပ်စကားကို ကျနော် 
ဆက်လေ့လာနေပါသည် ။ မခံချင်စိတ်ဖြစ်သည် တွန်းအား(Motivation) ဖြစ်သည် ။
ကောင်မလေးကလည်း ကျနော့်ကို စကားသာ မပြောတာအပြုံးမပျက် နှုတ်ဆက်မပျက် ။ 

ဒါပေမဲ့ ကျနော့် ရင်ထဲမှာတော့ ကောင်မလေးရဲ့အပြုံးများမှာ လှောင်ပြုံးများလိုလို ။

အချိန်သည် ဖြတ်သန်းမောင်းနှင်မှုအလင်းနှစ် မြန်ဆန်လွန်းသောကြောင့်ကားတစ်စီးဖြစ်ခဲ့ပါလျှင် 

ကျနော် စီးရဲမည် မဟုတ်ပါ ။ ကျောင်းပြန်ဖွင့်တော့ ကောင်မလေး ကျောင်းပြောင်းသွားပါပြီ ။ ကောင်မလေး ကြောင့် ကြိုးစားခဲ့သမျှသည် သဲထဲရေသွန် … ရရှိခဲ့တဲ့ အမြတ်က ???

ဘယ်လိုပဲဖြစ်ဖြစ် ကောင်မလေးကို ကျနော် ပြန်ရှာရမည် ။

ကောင်မလေးကြောင့် ကြိုးစားထားခဲ့တဲ့အတိုင်း ကောင်မလေးနဲ့ စကားပြန်ပြောရမည် ။ အခု ကျနော် 
Conversation တစ်ခု(ဘာပဲလာလာ)အတွက် ပညာစုံပြီ ဟု ထင်ပါသည် ။အရိုးကြေကြေအရေခမ်းခမ်း 
လိုက်ရှာပါမည် ။

သုံးလတိုင်တိုင် အပူတပြင်းရှာခဲ့သည့်အတွက် ဇွဲဆုရခဲ့ပါသည် ။ဒါပေမဲ့ အဲ့ဒီဇွဲဆုကို ကျနော် 

ဆွတ်ခူးရကျိုးမနပ်ပါချေ ။

“သမီးလေးပြောတဲ့ မြန်မာသူငယ်ချင်းဆိုတာ ကောင်လေး ထင်တယ် ။
အင်း ပြောရမှာတော့ မကောင်း ဘူးကွယ် လွန်ခဲ့တဲ့ နှစ်လလောက်က
သမီးလေး အက်ဆီးဒင့်ဖြစ်ပြီး ဦးနှောက်ထိသွားရှာတယ် ။
အခု အဲ့ဒီအကျိုးဆက်က အာရုံကြောထိပြီး ဆွံ့အ နားမကြားဖြစ်သွားတယ်ကွယ်”

ကျနော် ခဏမှင်သေနေမိသည် ။ ကောင်မလေးကတော့ ကျနော့်ကို မျက်လုံးနဲ့ရယ်ပြပါသည် သူ့ကြောင့် 

ဝမ်းမနည်းဖို့ အဓိပ္ပာယ်နှင့် ။ ကျနော့်အဖြစ်ကလည်း တွေ့တွေ့ချင်း ဝမ်းသာလွန်းတော့ ဝမ်းပန်းတသာ
အားရပါးရ နှုတ်ဆက်သည် ။ နောက် အာပေါင်အာရင်းသန်စွာဖြင့် အင်္ဂလိပ်စာကို သူနှင့်ပြောဖို့ ဘယ်လောက် 

ကြိုးစားခဲ့ရကြောင်း ပြောပြသည် ။ ကောင်မလေးကတော့ ခြေဟန်လက်ဟန်ဖြင့်
နားမကြားရကြောင်း စကား မပြောနိုင်ကြောင်း ပြောပြရှာသည် ။ဒါကို ကျနော်က စနောက်နေသည် ဟု 

ထင်သည် ။နောက် သူ့အမေရောက်လာပြီး အကြောင်းစုံ ရှင်းပြသည် ။

ဒီလိုနဲ့ ကျနော် အိမ်ပြန်ရောက်တော့ ကောင်မလေးအကြောင်း ပြန်စဉ်းစားမိသည် ။

 နောက် ကိုယ့်ကိုကိုယ် မေးခွန်း တွေ ပြန်မေးနေမိသည် ။

(၁) ကောင်မလေး နဲ့ ဘာလို့ ဒီလောက်တောင် စကားပြောချင်ရတာလဲ ???
(၂) အရှက်ကွဲတာ မခံချင်လို့ သက်သက်ပဲလား???
(၃) ဘာလို့ ကောင်မလေးကို သံယောဇဉ်ဖြစ်ပြီး အပူတပြင်းလိုက်ရှာခဲ့တာလဲ ???
(၄) ကောင်မလေး ကို ဘာကြောင့် သနားနေမိတာလဲ  ???
(၅) ကောင်မလေး နဲ့ စကားပြောဖို့ကို ဒီအချိန် ဒီအခြေအနေထိ ဘာလို့ စိတ်မကုန်သေးတာလဲ ???

မေးခွန်းများစွာအတွက် အဖြေတစ်ခုကိုပဲ လုံလုံလောက်လောက်ရလိုက်ပါသည် ။

“ကောင်မလေးကို ကျနော်ချစ်သည်”

“အချစ်သည် ဘာသာစကားမလို နားလည်မှုနှင့် အကောင်းမြင်မှုပဲ လိုသည်”

ကျနော် ကောင်မလေးအတွက် လက်ဟန်ခြေဟန်ဘာသာစကား(ဆွံ့အ နားမကြားဘာသာစကား) ကို 

အချိန်ကုန်ခံ အပင်ပန်းခံပြီး အချိန်အတော်ကြာ အပတ်တကုတ်ကြိုးစားပြီးသောနောက်ပိုင်းမှာ
ကောင်မလေးနှင့် ဆက်ဆံရေးပိုတွင်ကျယ်လာသည် ။
ဆက်ဆံရေး(Communication) ကနေ သံယောဇဉ်ဟူသော (မသိစိတ်)ဆက်နွယ်မှု(Relationship) ဖြစ်ပေါ်လာသည် ။
ကျနော်တို့ နှစ်ယောက်ကြားက သံယောဇဉ်ကို ကျနော် တစ်ဖက်ကမ်းခတ်
ယုံကြည်စိတ်ချသောနေ့တစ်နေ့မှာ ကောင်မလေးကို ဖွင့်ပြောလိုက်သည် ။

ကျနော့်မှာ ဆွံ့အ နားမကြားနှလုံးသားတစ်စုံရှိပါသည် ။



                                                               _____________________________________


ဆုတောင်းကြမ်းသူများ

_________ သ င်း ကွဲ _____________________________


ကျွန်တော့်မှာ ငါးမျှားတံတစ်ချောင်းရှိတယ် ။ ငါးမျှားတံဆိုပေမယ့် ထုံးစံအတိုင်း ငါးမျှားချိတ်ပါ 

ပါပြီးသားဖြစ်မယ်ဆိုတာ တကူးတက ထည့်ပြောနေစရာ မလိုတော့ဘူးထင်ပါတယ် ။ 
ကျွန်တော့်မှာ အိမ်နီးချင်းတစ်ယောက်ရှိတယ် ။ အဲ .. မှားသွားတယ် ။
ကျွန်တော့်မှာ အိမ်နီးချင်း နှစ်ယောက်ရှိတယ် ။ ကျွန်တော့်အိမ်ရဲ့ ခြေရင်းဘက်မှာ

 အောင်စည်သူ ဆိုတဲ့လူ နေပြီး ၊ ကျွန်တော့်အိမ်ရဲ့ ခေါင်းရင်းဘက်မှာ စည်သူအောင် ဆိုတဲ့လူ နေတယ် ။
အောင်စည်သူက ကျွန်တော့်သူငယ်ချင်း ကဗျာဆရာရဲ့ နာမည်နဲ့ ဆင်တူ (ထပ်တူကျ) ပြီး စည်သူအောင်က 

ကျွန်တော့်အစ်မ ငယ်ငယ်တုန်းက ထားခဲ့ဖူးတဲ့ ရည်းစားရဲ့ နာမည် ဖြစ်တယ် ။
ကျွန်တော့်ခေါင်းရင်းအိမ်က စည်သူအောင်ဟာ ကျွန်တော့်အစ်မရဲ့ ရည်းစားဟောင်း မဟုတ်သလို ၊ 

ကျွန်တော့်ခြေရင်းအိမ်က အောင်စည်သူဟာ ကျွန်တော့်သူငယ်ချင်း ကဗျာဆရာ မဟုတ်ဘူး ။

တစ်ရက်မှာ ကျွန်တော့်အိမ်နီးချင်း အောင်စည်သူက ကျွန်တော့်ရဲ့ ငါးမျှားတံကို လာငှားတယ် ။ 

အဲ့ဒီနေ့မှာပဲ ကျွန်တော့်အိမ်နီးချင်း စည်သူအောင်က ကျွန်တော့်ခြံထဲမှာ တီကောင်လာတူးတယ် ။
အောင်စည်သူ့မှာ တီကောင်ရှိလို့ ကျွန်တော့်ဆီက ငါးမျှားတံ လာငှားတာ ဖြစ်နိုင်တယ် ။ 

စည်သူအောင့်မှာ ငါးမျှားတံရှိလို့ ကျွန်တော့်ခြံထဲမှာ တီကောင်လာတူးတာ ဖြစ်နိုင်တယ် ။
သူတို့နှစ်ယောက် အတူတူ ငါးသွားမျှားမှာ ဖြစ်နိုင်သလို ၊ သူတို့နှစ်ယောက် တစ်နေရာစီ 

ငါးသွားမျှားမှာလည်း ဖြစ်နိုင်တယ် ။ အသေချာဆုံးကတော့ အောင်စည်သူက ကျွန်တော့်ငါးမျှားတံကို
ငှားသွားပြီး ၊ စည်သူအောင်က ကျွန်တော့်ခြံထဲမှာ တီကောင် လာတူးသွားတယ် ။

ခဏနေတော့ ကျွန်တော် အိပ်လိုက်တယ် ။ အောင်စည်သူ့ကို ငါးမျှားတံ ငှားလိုက်ရလို့ အိပ်လိုက်ခြင်း 

မဟုတ်သလို ၊ စည်သူအောင့်ကို တီတူးခွင့် ပေးလိုက်ရခြင်းကြောင့် အိပ်လိုက်တာ မဟုတ်ဘူး ။
ကျွန်တော့်ရဲ့ လိုအပ်ချက်အရ ကျွန်တော် အိပ်လိုက်တယ် ။
ကျွန်တော့်ရဲ့ ဖြစ်တည်မှုအရ ကျွန်တော် အိပ်လိုက်တယ် ။

အိပ်မက်ထဲမှာ အောင်စည်သူက ကျွန်တော့် ငါးမျှားတံမှာ မိနေတဲ့ ငါးတစ်ကောင်ဖြစ်နေတယ် ။ 

ပုံပြင်ထဲကလို ဆုသုံးဆု တောင်းခိုင်းပြီး သူ့ကို လွှတ်ခိုင်းတယ် ။ 
ကျွန်တော် ပထမဆုံးဆု တောင်းလိုက်တယ် ။ ပြည့်သွားတယ် ။ ကျွန်တော် ဒုတိယဆု တောင်းလိုက်တယ် ။
ပြည့်သွားတယ် ။ ကျွန်တော် တတိယဆုကို တောင်းလိုက်တယ် ။ ကျွန်တော် 

ဆုတောင်းလိုက်တဲ့အတိုင်း ရှေ့က ဆုတောင်းနှစ်ခု ပျက်ပြယ်သွားတယ် ။ ဘာမှမပြည့်စုံခြင်းဟာ 
 အလုံးစုံပြည့်ဝခြင်းပဲ လို့ ကျွန်တော် ခံယူထားတယ် ။ ကျွန်တော် အိပ်မက်ဆက်မက်တယ် ။

အိပ်မက်ထဲမှာ စည်သူအောင်က ကျွန်တော် တူးနေတဲ့ ခြံထဲက တီကောင်တစ်ကောင် ဖြစ်နေတယ် ။ 

ကျွန်တော် စည်သူအောင့်ကို လက်ညှိုးနဲ့ခြေပြီး သတ်ပစ်လိုက်တယ် ။ ဘာဆုမှ တောင်းစရာ
မလိုတော့သလို ၊ ဘာဆုတောင်းမှ ပြည့်စရာမလိုတော့ဘူး ။

ကျွန်တော် အိပ်မက်က လန့်နိုးလာတယ် ။ အောင်စည်သူက ကန်ထဲမှာ ငါးမျှားရင်း ငါးအကြီးကြီး (များများ) 

ရပါစေလို့ ဆုတောင်းလို့ကောင်းတုန်း ။ စည်သူအောင်က ခြံထဲမှာ ဟိုဟိုသည်သည် ဆွရင်း 
တီကောင်များများ ရပါစေ လို့ ဆုတောင်းလို့ ကောင်းတုန်း ။ ကျွန်တော်က ဂျက်ကမ္ဘာ
ဆေးပေါ့လိပ်ကို ဖွာရှိုက်လို့ကောင်းတုန်း ။


                                                               _____________________________________

ကေသရာဇာမှန်လျှင် မုတ်ဆိတ်မရိတ်

______ ရ င် န င့်ေ အာ င် __________________



၁။

တစ်နေ့ကပဲ လက်ဖက်ရည်ဆိုင်တစ်ဆိုင်မှာ ကျုပ်တို့အဖွဲ့ ဆုံဖြစ်ကြတယ်ဗျ။ ပန်းချီဆရာ 

ကိုဘသက်။ တေးရေးဆရာ အေတီမိုး။ ဗိသုကာဆရာ ကျော်ထွန်း။ တည်းဖြတ်ဆရာ  ကိုကိုငြိမ်း ရော။ နောက် စာရေးဆရာလူငယ်အချို့နဲ့။ မိုဘာက အဖြူလေးတောင်ပါသပေါ့။
အဲဒီမှာ ကိုဘသက်က စလိုက်တဲ့ စကားပေါ့ ။

“ကိုရင်နင့်အောင် …. ခင်ဗျား မှန်ကော ကြည့်ဖြစ်ရဲ့လား”

“ဘာလို့လဲဗျ… အစမရှိ အဆုံးမရှိနဲ့ ခင်ဗျားစကားက”

“ဘာဖြစ်ရမလဲဗျ … ခင်ဗျားကိုယ် ခင်ဗျားလည်း ပြန်ကြည့်ဦး .. ဆံပင်က ဘုတ်သိုက် …
နှုတ်ခမ်းမွှေး.. မုတ်ဆိတ်မွှေးတွေက ကြည့်လို့ကို မဟန်တော့ဘူးဗျ….”

“အော် .. အဲဒါလား …. မအားဘူးဗျာ…
မုတ်ဆိတ်ရ်ိတ်ဖို့ကို မအားဘူး …..”

“အန် … မုတ်ဆိတ်ရိတ်ဖို့တောင် မအားတဲ့လူတော့
ကျုပ် ခုမှပဲ တွေ့ဖူးတော့တယ် ရင်နင့်အောင်ရေ …”

ကိုကိုငြိမ်းက ရေနွေးကြမ်းငှဲ့ရင်း တအံ့တသြကြီး ဆိုတယ်။ ကျုပ်ကလည်း 

ဘာပြန်ပြောရင်ကောင်းမလဲဆိုတာ မသိသေးခင်မှာပဲ အဖြူလေးက စကားစတယ်။ လာပြီ။ လာပြီ။ 
သူ့ထုံးစံအတိုင်း ကျုပ်ကို မြှောက်ပြောတော့တာပေါ့ ။

“ဟာ.. ဦးငြိမ်းရ… ကိုရင်နင့်အောင် လုပ်နေတဲ့ အလုပ်တွေ ကြည့်ပါဦး
ခုလိုနည်းပညာခေတ်ထဲမှာ အမှီလိုက်နေရတဲ့ အွန်လိုင်းဝက်ဘ်ဆိုက်တွေ …
နောက် ဘာတဲ့ အီးကောမက်စ်တဲ့ .. ပြီးတော့  မေးလ်ဆာဗာတွေဆိုလား….
ချက်ဆာဗာတွေဆိုလား.. အစုံလုပ်နေတယ်… ဒါတင်လား .. မပြီးသေးဘူး… တစ်ဘက်မှာ သူဝါသနာပါတဲ့ 

သီချင်းက ရေးလိုက်၊ ဆိုလိုက်သေး… ပြီးတော့ ဒီဇိုင်းက ဆွဲလိုက်သေး”

ကျုပ်ကတော့ အဖြူလေးတော့ စပြီ ဆိုတာ သိလိုက်ပါပြီ။ (အမှန်တော့ သူပြောနေတာတွေ ကျုပ်က 

ဘာတစ်ခုမှ ကောင်းကောင်းသိတဲ့ကောင်မဟုတ်) တစ်ဖွဲ့လုံးက လည်း သူ့စကားကို အဟုတ်မှတ် 
နားထောင်နေတာကိုး။ သူကလည်း မပြီးသေးဘူး၊ ဆက်ပြောတယ်။

“ပြီးတော့ မိုဘာဆိုတဲ့ ဆိုရှယ်ဘလော့ခ်တစ်ခုမှာလည်း …
စာတွေက ရေးရ …. သူ့လောက် အလုပ်များတာ … မုတ်ဆိတ်ရိတ်နိုင်မလား” တဲ့။

ကဲ။ ကျုပ်က ဘာပြန်ပြောရမလဲ။ အားလုံးက အဖြူလေး စကားကို နားထောင်ပြီးတော့
သည်လိုမှတ်ချက်ပြုကြတယ်။

“လေးစားပါတယ် ကိုရင်နင့်အောင်” တဲ့။

“အဟမ်း .. အဟမ်း ..”

ဘာပြန်ပြောရမှန်း မသိတော့ ကျုပ်ကလည်း ချောင်းဆိုးလိုက်တာပေါ့။

ကိုကျော်ထွန်းက
“ဟုတ်တယ်ဗျို့ .. ကိုရင်နင့်အောင်ရေ .. ကျုပ်တို့တော့ …
အမြဲအားယားနေတဲ့ အချိန် .. ခင်ဗျားလို အလုပ်တကယ်လုပ်နိုင်တဲ့ လူတွေကို အားကျတယ်ဗျို့ …”

လို့ သူတို့ချင်း တင်သွင်းလိုက်၊ ထောက်ခံလိုက်နဲ့ပေါ့ဗျာ။ အဖြူလေးကလည်း မပြီးသေးဘူးဗျ။

“ဒါပေါ့ .. ကိုကျော်ရ .. ကိုရင်နင့်အောင်လို လူမျိုး ..ကျုပ်တို့ နိုင်ငံမှာ အများကြီးလိုတယ်ဗျို့…”

ကဲ။ ကြီးလိုက်တဲ့စကား။

“အဲ … တော်ကြပါတော့ဗျာ .. ကျုပ်လည်း ခင်ဗျားတို့ မြှောက်လို့ မျက်နှာကျက် ကပ်နေပြီ”

ကျုပ်က စကားလမ်းကြောင်း ပြောင်းလို့ အဲဒီနေ့က ထပြန်လာခဲ့ပါတယ်။
အမှန်တော့ ကျုပ်ကလွဲလို့ ဘယ်သူမှ မသိဘူးဗျ။ ကျုပ် မုတ်ဆိတ်မရိတ်တဲ့ အကြောင်း။
မအားလို့ မရိတ်ရအာင် ကျုပ်က ဘာကောင်မို့လို့လည်းဗျာ။ ခင်ဗျားကော သိချင်လား။ သိချင်ရင်လာခဲ့။
တိုးတိုးလေးပြောပြမယ်။ ဒါက ထိပ်တန်း လျို့ဝှက်ချက်နော်။


၂။

ကျုပ်တို့ ဗမာစကားပုံတစ်ခုရှိတယ်လေ။ ဘာတဲ့။
“စားရကံကြုံတော့ မုတ်ဆိတ်ပျားစွဲ” တဲ့။
ကဲ။ ခင်ဗျားကော။ စားရကံ မကြုံချင်ဘူးလား။ ကြုံချင်တိုင်း ကြုံလို့တော့မရဘူးဗျ။
အဲ။ ကြုံလာရင်တောင် ခင်ဗျားမှာ မုတ်ဆိတ်ရှိမှ ဖြစ်မှာ။ ဟုတ်တယ်။ ကျုပ်လည်း 

စားရကံလေးများကြုံမလားလို့ပါ။ ကြုံလာရင်လည်း ပျားစွဲသာအောင် မုတ်ဆိတ်မရိတ်ဘဲ
ထားထားတာဗျ။ ဒါကို လူတွေ မေးလာရင် ကျုပ်က စကားကြီး စကားကျယ်နဲ့ မုတ်ဆိတ်ရိတ်ဖို့တောင် 

မအားဘူးလို့ ပြောလိုက်တယ်လေ။ ဟား ..ဟား ..ဟား… ။
သိတယ်။ အဲလို..။ ခင်ဗျား မရယ်နဲ့။


၃။

သည်လိုနဲ့ ကျုပ်မှာ အလုပ်တွေလုပ်လိုက်။ စာတွေလျှောက်ရေးလိုက်။
(လျှောက်ရေးတာကို ပို့စ်မော်ဒန်လို့ ခေါင်းစဉ်က တပ်လိုက်သေး)။ နောက်၊အရက်ကလေးသောက်လိုက်။ 

စကားတွေလျှောက်ပြောလိုက်။ မလုပ်တာတစ်ခုပဲ။ မုတ်ဆိတ်လုံးဝ မရိတ်တော့ဘူး။
မရိတ်တော့ မုတ်ဆိတ်က သစ္စာရှိတယ်။ တော်တော်ကြီး (ကြည့်မကောင်းအောင်) ရှည်လာတယ်။
ဒါကိုပဲ။ အချို့က အထင်ကြီးကြတယ်။ အချို့က အထင်သေးကြတယ်။
မုတ်ဆိတ်ရှည်ရှည်၊ မျက်နှာချွန်ချွန်၊ လူရုပ်တောင် မပေါက်တော့တဲ့ ကောင်တွေ့ရင်
ဘယ်သူလဲမမေးနဲ့ ကျုပ်ပဲ။ ကောင်မလေးတွေကဆို ဒီဘဲကြီးက ဘာလဲဟ ဆိုတဲ့ ပုံစံနဲ့
ဝေးဝေးက ရှောင်တယ်။ ကျုပ်ကတော့ ဂရုမစိုက်ပါဘူးဗျာ။ ဘာဖြစ်လဲ။ သူတို့မှ မသိတာ။ 

ဘယ်တော့ ပျားလာစွဲမလဲ စောင့်နေတာလေ။
အဲ။ ခက်နေတာက။ ကျုပ်နေတဲ့ မြို့ကြီး ပြကြီးမှာ ပျားလာစွဲဖို့နေနေသာ။
ပျားဆိုလို့ တစ်ကောင်မှ မတွေ့ရဘူး။ ခက်ပေဘူးလား။ ရှိတော့ရှိတယ်။
ယင်ကောင်တွေ။ ဟား ..ဟား..။ မုတ်ဆိတ်ကြီးနဲ့ မျက်နှာက အဆီပြန်၊
ချွေးက ပြန်တော့ နေရခက် ထိုင်ရခက်နဲ့။ ယင်ကောင်တွေက မုတ်ဆိတ်နား လာပြီး ရစ်သီရစ်သီ 

လုပ်ရင်တော့ ကျုပ်သိပ်မုန်းတယ်ဗျ။ လက်နဲ့ ခါရမ်းပြီး သည်ကောင်တွေကို နှင်ထုတ်ရတယ်။
စိတ်ထဲမှာတော့ ဒီယင်ကောင်တွေ .. သွားစမ်း။ မတန်မရာ။ ပျားစွဲဖို့ထားပါတယ် ဆိုပြီးတော့ပေါ့။


၎။

မိတ်ဆွေတစ်ယောက်ကို မသိမသာ မေးကြည့်မိတယ်။

“နေပါဦး … ဒီမြို့မှာ ပျားမရှိဘူးလား … ကျုပ်နေလာတာကြာပြီ … ပျားလည်းမတွေ့ဘူးနော်”

သူက ဘာလဲဟဆိုတဲ့ ပုံစံနဲ့ မျက်လုံးကြီးပြူးပြီး ပြန်ပြောတယ်။

“ဘာလုပ်မလို့တုန်းဗျ .. ခင်ဗျားက ပျားကို”

“ဘာရယ်မဟုတ်ဘူး… မေးကြည့်တာပါ”
လို့ လျှောချလိုက်ရတယ်။

ဟုတ်တယ်လေ။ ဆက်ပြောလို့ သူကဇွတ်မေးရင် ကျုပ်ရဲ့ လျှို့ဝှက်ချက်ကြီးက ပေါ်မှာ စိုးရတာကိုး။
တစ်ရက်တော့ဗျာ။ စာအုပ်တစ်အုပ်ကို ဖတ်ရင်း ကျုပ်အတွက် သိပ်ကို အဖိုးတန်တဲ့ သတင်းတစ်ခု

ပါလာတယ်။ တောတစ်တောမှာ ပျားတွေ အများကြီးရှိတဲ့အကြောင်း။
ဟာ။ ဟုတ်ပြီ။ ကျုပ် အဲဒီတောကို သွားမယ်လို့ ဆုံးဖြတ်ချက်ချလိုက်တယ်။


၅။

မပူပါနဲ့ဗျာ။ ရှိသမျှ အလုပ်တွေ ပစ်ပြီး ကျုပ်က အဲဒီတောကို သွားပြီ။ ဇာတ်လမ်းက အဲဒီမှာ 

စတော့တာပဲ။ တောကြီးကိုရောက်တော့ ။
အားပါးပါး။ တောကြီးက တော်တော်နက်တယ်ဗျို့။ မြိုင်ရာဇာတွတ်ပီဆိုရင်တော့ ဒီတောကို 
ဘယ်လောက်နက်နဲကြောင်း စာသီဖွဲ့လို့ အမဲလိုက်ပြီပေါ့။ ထားပါ။ ကျုပ်က တွတ်ပီမဟုတ်တော့ 
ပျားရှိတဲ့နေရာကို ရှာရမယ်လေ။ အမဲလိုက်ရအောင်လည်း ကျုပ်က သားကောင်တွေအကြောင်း
ဘာမှ နားလည်တဲ့ကောင်မဟုတ်။ ပျားတွေကို တွေ့ရင်တော့ ….။ အင်း ……….ဟဲ...ဟဲ…။ 

ကျုပ်ကတော့ ကိုယ့်အတွေးနဲ့ကိုယ် ကြိတ်ရယ်လို့။အဲသည်နေ့က တစ်နေကုန်နီးပါးပဲ 
ကျုပ်တောထဲ လျှောက်ကြည့်တယ်။ တောင်တွေကိုတက်လိုက်။ လျှိုမြောင်တွေထဲဆင်းလိုက်။
သစ်ပင်တွေကို လျှောက်ကြည့်လိုက်။ တောင်ကျချောင်းတွေကပါသေး။ ရေတံခွန်တွေက ပါသေး။ 

ဒါပေမယ့် ပျားဆိုလို့ လုံးဝမတွေ့ရသေးဘူး။ ငါဖတ်လိုက်ရတဲ့ စာအုပ်မှာတော့ ဒီတောမှာ ပျားတွေ 
အများကြီးရှိတယ်ဆိုပဲ။ ဘယ်နေရာပါလိမ့်နော်။ တောကြီးကလည်း နက်လိုက်တာဗျာ။
ကျုပ်မှာ ပါလာတဲ့ သံလိုက်အိမ်မြှောင်ကို သုံးပေမယ့်လည်း ကျုပ်မပြန်တတ်တော့ဘူး။ 

နည်းနည်းလည်း ကြောက်လာတယ်။ ပြီးတော့ တဖြည်းဖြည်း မှောင်လာပြီလေ။ ဘယ်လိုလုပ်မတုန်း။
ပင်က ပင်ပန်း။ ချွေးက ပြန်။ မုတ်ဆိတ်ကလည်း ချွေးတွေရွှဲနဲ့။ သေလုမျောပါး။

အဲလိုနဲ့ လျှိုကြီးတစ်ခုကို အဆင်း။ သစ်ပင်ကြီးတစ်ပင်အကွယ်က 

ထွက်လာတဲ့ တောကောင်ကြီးတစ်ကောင်နဲ့ ပက်ပင်းကြီး တိုးပါလေရောဗျာ။ ဘာကောင်ထင်လဲ 
ဟင်။ သေပြီ။ ခြင်္သေ့ကြီးဗျ။ လည်ဆံမွှေးဖွားဖွားကြီးနဲ့။ မျက်လုံးနီနီကြီးက ကျုပ်ကို 
အစိမ်းလိုက်ဝါးစားတော့မယ့်ပုံ။


၆။

“အဲ…. ကိုခြင်္သေ့ကြီး … နေကန်းလား… အဲ.. နေကောင်းလား”

“ဘာကွ”
ဆိုပြီး ခြင်္သေကြီးက ကျုပ်ကို သေသေချာချာကြည့်တယ်။

ကြည့်တာမှ ကျုပ်ကို ၀ိုင်းကြီးပတ်ပတ်လုပ်ပြီး ကြည့်တာဗျ။ ကျုပ်က အလယ်မှာ။ သူက ကျုပ်ကို 

ပတ်ပြီးကြည့်နေတယ်ဗျာ။ စဉ်းစားကြည့်.။ ကျုပ်မှာတော့ ဒူးတွေကလည်းတုန်လို့။
ချွေးတွေကလည်း ပြန်လို့။ ခြင်္သေ့ကြီးက ကျုပ်ကို သေချာကြည့်တယ်။ သူကြည့်တာက နောက်ဆုံး ကျုပ်ရဲ့ 

မုတ်ဆိတ်နေရာကို ရောက်သွားတော့ သူ့ရဲ့ မျက်လုံးကြီးက ပိုပြူးသွားတယ်။ ပြီးတော့ သူက မေးတယ်။

“နေစမ်းပါဦး  .. မင်းက ဘာအကောင်လဲ”

“ဗျာ … ကျုပ်က လူလေ”

“မဖြစ်နိုင်ဘူး…. လူဆိုရင် မုတ်ဆိတ်မွှေးက အဲလောက်မရှည်နိုင်ဘူး …
ငါစားဖူးတဲ့ လူတွေထဲမှာ မုတ်ဆိတ်အဲ့လောက်ရှည်တာ မရှိဘူးကွ”

မြတ်စွာဘုရား။ ငါစားဖူးတဲ့ လူတွေဆိုပါလား။ ကျုပ်တော့သွားပြီ။ ပြေးလို့လည်း 

လွတ်မယ့်ပုံမပေါ်။ သေပြီဆရာ။ သူနဲ့ ပြန်ချရအောင်လည်း ဘယ်လိုမှ မဖြစ်နိုင်တော့။ 
ဒီတော့ နေဦး။ ကြံရဖန်ရမှာပေါ့။

“ဟုတ်ပါတယ်.. လူတွေက မုတ်ဆိတ်သိပ်မရှည်ပါဘူး…ကျွန်တော်ကတော့ ခြင်္သေ့တွေရဲ့ မုတ်ဆိတ်ကို 

အားကျလို့ ခုလို ရှည်အောင်ထားထားတာပါ” လို့ ဖားရတာတာပေါ့။

ခြင်္သေကြီးက တစ်ချက်တွေဝေသွားတယ်။
ဟဲ။ ပိုင်တယ်မလား။

“အန်… မင်းက လူကလူပဲ ..ခြင်္သေ့တွေကို အားကျစရာလား…
ဒီမယ် ဟေ့ကောင် လူ … ကေသရာဇာ ခြင်္သေ့တို့မည်သည် မုတ်ဆိတ်မရိတ်ဘူးကွ..”

ဗျာ….။ ကေသရာဇာ ခြင်္သေ့တို့မည်သည် မုတ်ဆိတ်မရိတ်ဘူးတဲ့။ မိုက်လိုက်တဲ့ စကား။ 

ဒါဆို လူတွေက မုတ်ဆိတ်ရိတ်ရမှာလား။ မရိတ်ရင် ဘာဖြစ်မှာတုန်း။ အင်း။ မရိတ်ရင် အချို့လူတွေက
လူထူးလူဆန်းလိုကြည့်ကြမယ်။ အချို့လူတွေက ရွံကြမယ်။ ကျုပ်က ဘာပြန်ပြောရမလဲ စဉ်းစားနေတုန်း၊
သူက ကျုပ်အနားတိုးလာတယ်။

“အဲ … အစ်ကိုကြီး ခြင်္သေ့ .. ဘာလုပ်မလို့လဲဟင်”

“ဘာလုပ်ရမလဲ .. မင်းကို ငါ စားမလို့ပေါ့” လို့
ပြောပြောဆိုဆို .. ကျုပ်ကို ခုန်အုပ်လိုက်တယ်။

အား………………………………………………။


၇။

အဲဒီအိပ်မက်ကြီးမက်ပြီး လန့်နိုးလာတော့ ကျုပ် ရေချိုးခန်းထဲ အမြန်ပြေး၊ မုတ်ဆိတ်မွှေးတွေ 

ရိတ်ပစ်လိုက်တယ်။ ရင်တွေက တဒုန်းဒုန်းခုန်လို့။ ကြောက်လိုက်တာဗျာ။ ရိတ်ပစ်တယ်။
မုတ်ဆိတ်တွေကော။ နှုတ်ခမ်းမွှေးတွေကော။ အကုန်ပြောင်အောင် ရိတ်ပစ်လိုက်တယ်။
သြော်..။ လူဆိုတာ စားရကံကြုံအောင် စောင့်နေစရာမလိုဘူး မဟုတ်လား။
ကိုယ်စားရဖို့ ကိုယ့်ဘာသာ ရှာပေါ့ဗျာ .. လို့ ဖြေတွေးလေးတွေးရင်းပေါ့လေ။
ဒါပေမယ့် တစ်ခုပဲ။ ကျုပ်သိလိုက်ရတာက …. ။
ကေသရာဇာမှန်လျှင် (စားရကံ ကြုံလာဖို့အတွက်)  မုတ်ဆိတ်မရိတ်တဲ့။

ဝန်ခံချက်။    ။  Grigory Riklin ရဲ့ Tigers Wont’s Shave ဆိုတဲ့
ဝတ္ထုတိုကို ဖတ်၍ အတွေးတစ်ခုရကာ ရေးပါသည်။ သို့သော်
မူလ ဇာတ်လမ်းကို လုံးဝ မှီငြမ်းထားခြင်းမပြုပါ။



                                                               _____________________________________

အင်တာဗျူး


Digital ကဗျာဆရာမ Amaranth Borsuk နှင့် Interview
( ပုံနှိပ်နှင့် digital ကို ပေါင်းစပ်ပြီး ကဗျာပြုလုပ်ခြင်း )

·
_______________ ဟံ လ င်း ______________________________________________________

Amaranth Borsuk ( 1980 - ) ဟာ ကဗျာဆရာ (မ) ၊ စာပေပညာရှင်တစ်ယောက်ဖြစ်ပါတယ် ။ သူမရဲ့ထင်ရှားတဲ့
လက်ရာတွေဟာ Handiwork ( 2011 Slope Edition Poetry Prize အတွက် Paul Hoover က ရွေးချယ်ခဲ့တဲ့ ကဗျာ
စာအုပ် ) ၊ Tonal Saw ( The Song Cave , 2010 ) နဲ့ Brad Bouse နဲ့ တွဲထုတ်တဲ့ ပုံနှိပ် / digital ကပြား Between
Page and Screen 2011 တို့ဖြစ်တယ် ။ သူမဟာ 2011 အတွက် Gulf Coast Poetry Prizeကို ရရှိခဲ့သူလည်းဖြစ်ပြီး
သူမရဲ့ကဗျာတွေ ၊ essay တွေနဲ့ ဘာသာပြန်တွေကို ပုံနှိပ်လောကနဲ့ online media နှစ်ခုစလုံးမှာ ကျယ်ပြန့်စွာတွေ့
မြင်နေရတယ် ။ သူမဟာ University of Southern California ကနေ Ph.D in Creative Writing & Literature ဘွဲ့
ကို ရရှိထားတယ် ။ လက်ရှိအနေနဲ့ သူမဟာ Massachusetts Institute of Technology မှာ Creative Writing နဲ့
digital poetry ကို သင်ကြားပေးနေသူတစ်ဦးဖြစ်သလို Humanities ဘာသာရပ်ကို တက်ရောက်သင်ယူနေတဲ့
ပါရဂူဘွဲ့လွန်ကျောင်းသူတစ်ဦးလည်းဖြစ်တယ် ။ သူမရဲ့ထင်ရှားတဲ့ကဗျာလက်ရာတစ်ခုဖြစ်တဲ့ Between Page
and Screen အကြောင်းကို ဖော်ပြပေးလိုက်ပါတယ် ။ 2011 ခုနှစ်က dailybrink website မှာတွေ့ရှိခဲ့တဲ့ dailybrink
နဲ့ သူမတို့ရဲ့ interview ဖြစ်ပါတယ် ။ သူမရဲ့လက်ရာကို http://betweenpageandscreen.com မှာ
ကိုယ်တိုင်ကိုယ်ကျ သွားရောက်လေ့လာနိုင်ပါတယ် ။

မေး ။     ။ ခင်ဗျားရဲ့ ကိုယ်ရေးအကျဉ်းမှာ ခင်ဗျားဟာ digital poetry ကို ကြိုးပမ်းတည်ဆောက်သူတစ်ယောက်
သင်ကြားပို့ချသူတစ်ယောက်အဖြစ်ပါရှိတယ် ။ ခင်ဗျားအနေနဲ့ digital poetry ကို ဘယ်လိုအဓိပ္ပာယ်ဖွင့်ဆိုမလဲ ။



ဖြေ ။     ။ MIT မှာ ကျွန်မသင်တဲ့အတန်းအတွက်ကတော့ဖြင့် digital poetry ဆိုတာ ခေတ်ပြိုင် digital media ကို
သုံးပြီးဖန်တီးထားတဲ့ ဒါမှမဟုတ် ခေတ်ပြိုင် digital media သုံးပြီးဖတ်ရတဲ့ ဘယ်ကဗျာမဆိုပါပဲ ။ အတန်း
ထဲမှာ ကဗျာတွေရဲ့ digital video တွေဖန်တီးဖို့အတွက် အလိုအလျောက်စာသားထုတ်စက်တွေကို
programming သုံးပြီးဖန်တီးရတာ အစအဆုံး အကုန်လုပ်ရတယ် ။ ပြီး flash ကဗျာတွေ ဖန်တီးတာကောပေါ့ ။



မေး ။     ။ digital poetry ဟာ ခင်ဗျားသင်တဲ့အတန်းတွေပြင်ပမှာကော ဖြစ်ထွန်းသလား ။
ဒါဟာ ကဗျာလောကကြီးတစ်ခုလုံးရဲ့ အခန်းကဏ္ဍသစ်တစ်ခုလား ။



ဖြေ ။      ။ digital poetry ဟာ ရှင်သန်ဖွံ့ဖြိုးနေတဲ့ကဗျာပုံသဏ္ဍာန်တစ်ခုပဲ ။ digital poetry ကိုဖန်တီးနေတဲ့
စာရေးဆရာတွေ နဲ့ အနုပညာရှင်တွေ ပါဝင်တဲ့ အံ့မခန်း အဖွဲ့အစည်းတစ်ခုရှိတယ် ။ နှစ်နှစ်တစ်ကြိမ်
conference တွေလည်း သူတို့လုပ်ကြတယ် ။ ပြီးခဲ့တဲ့ May က conference မှာတောင် သူတို့ရဲ့
ဆယ်နှစ်မြောက်နှစ်ပတ်လည်နေ့အခမ်းအနားကို ကျင်းပခဲ့ကြသေးတယ် ။ အဲ့ဒီအဖွဲ့ဟာ ကျွန်မတို့တွေရဲ့
ကဗျာအပေါ် တွေ့ကြုံခံစားပုံ နယ်ခြားမျဉ်းတွေကို တွန်းထိုးချဲ့ထွင်ပေးနေတဲ့ နိုင်ငံတကာအဖွဲ့တစ်ခု
ပေါ့ ။ ပင်မရေစီးထဲကို အပြည့်အဝ လွှမ်းမိုးဝင်ရောက်နိုင်ခြင်းမရှိသေးဘူးလို့တော့ ထင်ပါတယ် ၊
ဒါပေမယ့် ကဗျာလောကရဲ့ ကြီးမားတဲ့အစိတ်အပိုင်းတစ်ခုတော့ဖြစ်တယ် ။



မေး ။     ။ Between Page and Screen ရဲ့ စိတ်ကူးအယူအဆအကြောင်းကို ပြောပြနိုင်မလား ။



ဖြေ ။     ။ ကျွန်မတို့ဟာ ဖန်သားပြင်တွေပေါ်မှာ ၊ လက်ကိုင်ပစ္စည်းကိရိယာတွေပေါ်မှာ ၊ computer တွေပေါ်မှာ
စာဖတ်နေကြရတာ များသထက်များများလာနေတယ် ။ အဲဒီ့လက်ရှိ စာဖတ်နေကြရတဲ့အခြေအနေကို
ရည်ညွှန်းဖို့ စာအုပ်တစ်အုပ်ကို ဖန်တီးချင်နေခဲ့ကြတဲ့ Brad နဲ့ ကျွန်မတို့ဆီကနေ Between Page and
Screen အတွက် idea ထွက်လာတာပေါ့ ။ ဒါပေမဲ့လည်း စာအုပ်တွေကိုကိုင်တွယ်ထိတွေ့လို့ရတဲ့
ရုပ်ဝတ္ထုပစ္စည်းလေးတွေအဖြစ်နဲ့ အမှန်တကယ်မြတ်နိုးကြသူတွေ ကျွန်မအပါအဝင် အများကြီးရှိသေး
တယ်လေ ။ ကျွန်မအတွက်ကျတော့ ကျွန်မဟာ စာရေးဆရာတစ်ယောက်ဖြစ်တာကြောင့်သာမကဘဲ
စာအုပ်ပြုလုပ်ခြင်းအနုပညာနဲ့စပ်လျဉ်းတဲ့ ကျောထောက်နောက်ခံတစ်ခုလည်းရှိတဲ့အတွက်ကြောင့်
စာအုပ်တွေကို ရုပ်ဝတ္ထုပစ္စည်းတွေအဖြစ် မြတ်နိုးမိတာပါပဲ ။ Augmented Reality * ဟာ
" စာသားအနေနဲ့ စာမျက်နှာနဲ့ဖန်သားပြင် နှစ်ခုလုံးကိုရရှိဖို့လိုအပ်တဲ့ ဒီစူးစမ်းလ့လာရေး space အတွက်
စပ်ချုပ်ထားတဲ့အရာ " ကျနေတာပဲ ။



မေး ။     ။ ဒီ project ထဲက ခင်ဗျားရဲ့ လုပ်ဖော်ကိုင်ဖက် Brad ဆီမှာ နည်းပညာကျောထောက်နောက်ခံတစ်ခု
ရှိတယ်နော် ။ မှန်တယ်မဟုတ်လား ။



ဖြေ ။     ။ Brad ဟာ website အသုံးပြုသူတွေ အဆင်ပြေချောမွေ့မှုရှိဖို့ ကြိုးစားတယ် ။ Flash နဲ့လည်း
စိတ်ဝင်စားစရာတွေ အများကြီးလုပ်ခဲ့ဖူးတယ် ။ ဆိုတော့ နည်းပညာကိစ္စတွေအားလုံးအတွက် သူ့ကိုယုံကြည်စိတ်ချ
နိုင်မှန်း ကျွန်မသိခဲ့တယ် ။ ဒါတင်မက စာအုပ်ဟာဘယ်လိုပုံဖြစ်နိုင်သလဲ ဆိုတာကိုပါ ကျွန်မတို့ပြောဖြစ်ခဲ့
ကြသေးတယ် ။ 3D ပုံ ထုတ်ဖို့အတွက် ဖြစ်နိုင်ခြေအလားအလာကို ဆွေးနွေးကြတာပေါ့ ။ အဲဒီ့ဆွေးနွေးမှု
ကနေ ကျွန်မကိုနှိုးဆွလှုံ့ဆော်ခဲ့တာက စာသားအနေနဲ့ perform လုပ်နိုင်မယ့် တခြားနည်းလမ်းတွေ
အကြောင်း စဉ်းစားတွေးခေါ်မိစေဖို့ပေါ့ ။ စာရေးဆရာတစ်ယောက်ဆိုတာက 2D လောက်ကိုပဲ စိတ်ကူး
ချင်ကြတာ ။ ပြီးတော့ စာစီစာရိုက် graphic နဲ့ လုပ်တယ်ဆိုရင်တောင်မှ ပြင်ညီတစ်ခုပေါ်က အမြင်ပိုင်း
ဆိုင်ရာ arrangement တစ်ခုသာသာပဲရှိသေးတာလေ ။ Augmented Reality ရဲ့ ထူးခြားမှုတစ်ခုက
ဘာလဲဆိုတော့ သူက ဝုန်းခနဲပေါက်သွားတဲ့အရာတစ်ခု ဖြစ်နေတာပဲ ။ 3D ဆန်ဆန် လုပ်ဖို့စဉ်းစားခဲ့ကြ
တာဟာ ကျွန်မတို့အတူတူလုပ်ခဲ့ကြတာတွေထဲက တစ်ခုပေါ့ ။



မေး ။     ။ Augmented Reality နဲ့အထူးသဖြင့်စပ်လျဉ်းတဲ့ အသွင်ပြောင်းဖြစ်နိုင်ခြေတစ်ခုကို ခွင့်ပြု
ထည့်တွက်ခဲ့တဲ့ ကဗျာပိုင်းဆိုင်ရာတွေကကော ။



ဖြေ ။     ။ ( စဉ်းစားလျက် ) အကြောင်းတစ်ချက်က ကဗျာဆိုတာ အများအားဖြင့် ဘာသာစကားအကြောင်း
စကားလုံးတွေကို အသေးစိတ်စစ်ဆေးခြင်းအကြောင်း ဖြစ်နှင့်ပြီးသားပါ ။ Between Page and
Screen မှာ Page နဲ့  Screen ဆိုတဲ့ စကားလုံးတွေအပေါ် အလေးအနက်သုံးသပ်ထားတဲ့ ကဗျာတွေ
ပါတယ် ။ စာလုံးတွေကို  အပေါ်အောက် ၊ ရှေ့နောက် ၊ ဘယ်ပြန်ညာပြန် ရေးနေကြတဲ့ သူတို့
( Page and Screen ) မှာ အပြန်အလှန် စာဝှက် message လိုမျိုးတွေ ရှိကြတယ် ။ သူတို့ရဲ့ ကိုယ်ပိုင်
နာမည်တွေအတွက် စကားလုံးတွေဟာ ဘာအဓိပ္ပာယ်ရှိသလဲဆိုတဲ့အကြောင်း message တွေပေါ့ ။
သူတို့တွေဟာ စကားလုံးရင်းမြစ်ဗေဒအထိ ဖောက်ထွင်းပြီး ဘာသာစကားနဲ့ တကယ်ကို
ကစားနေကြတာပါ ။



မေး ။     ။ စာအုပ် သရုပ်ပြ video ကို ကြည့်ရတာဟာ ဒီ project ရဲ့ ခေါင်းစဉ်အကြောင်းကို တွေးတောကျန်ရစ်နေ
စေတယ် ။ Page ကိုတွေ့တယ် ။ Screen ကို တွေ့တယ် ။ ပြီးတော့ Between ဆိုတာကို ပိုသိချင်သွား
ခဲ့တယ် ။ သူတို့နှစ်ခုကြားမှာ ဘာရှိသလဲ ။ စိတ်ကူးယဉ်ခြင်းများလား ။ စာဖတ်သူများလား ။



ဖြေ ။     ။ အဲ့မေးခွန်းအတွက် ရှင့်မှာရှိနေတဲ့အဖြေတွေကိုတော့ ကျွန်မသဘောကျတယ် ။ " Between ဆိုတာ
ဘာလဲ ၊ Between ကို ဘယ်လိုနားလည်ကြသလဲ " ဆိုတာဟာ ဒီ project ကတင်ပြဖို့ ကြိုးစားထားတဲ့
မေးခွန်းတစ်ခုဖြစ်တယ်ထင်တယ် ။ ကျွန်မအနေနဲ့ကတော့ စာဖတ်သူဆိုတာ ရှိကိုရှိတယ် ။
ဘာလို့လဲဆိုတော့ စာဖတ်သူမရှိဘဲ ကဗျာတွေဘယ်တော့မှပေါ်ထွက်လာမှာမဟုတ်လို့ ။ စာအုပ်ကို
ကိုင်ဖို့ ၊ web စာမျက်နှာကိုဖွင့်ဖို့ ၊ ဖန်သားပြင်ပေါ်က ကဗျာတွေကို ကြည့်ရှုဖို့ တစ်စုံတစ်ယောက်
ကတော့ရှိရမယ် ။ အဲဒါအပြင် စပ်ကူးမတ်ကူး  ကြားကိစ္စ ( in - between ) လိုမျိုးကလည်း Page နဲ့
Screen တို့အကြား ဖြစ်ပေါ်လာတဲ့ဆွေးနွေးပြောဆိုမှုအတွက် ရည်ညွှန်းချက်တစ်ခုပါပဲ ။ ဆိုတော့
ပုံသဏ္ဍာန်နဲ့ အကြောင်းအရာ နှစ်ခုလုံးအတွက် ရည်ညွန်းချက်တစ်ခုပေါ့ ။



မေး ။     ။ နည်းပညာကကော ဘယ်လိုအလုပ်လုပ်တာလဲ ။ လူအများစု အသုံးပြုနှင့်ပြီးသား နားလည်ထားနှင့်
ပြီးသား တစ်ခုခုနဲ့ ဆင်တူသလား ။



ဖြေ ။     ။ ကျွန်မတို့တွေ အပြန်အလှန်ဆက်သွယ်နေနှင့်ပြီးသားနည်းပညာတွေနဲ့ တော်တော်လေးတူပါတယ် ။
ရှင့်မျက်နှာအနီးတဝိုက်မှာ Animation တွေလွင့်မျောနေစေမယ့် Skype Plug-in တစ်ခု ရှင့်မှာရှိကောင်း
ရှိမယ် ။ Between Page and Screen ကို Flash နဲ့ရေးထားတာ ၊ ရှင့် webcam က ဖန်သားပြင်ပေါ်က
အရုပ်ပေးပို့မှုကို ချုံ့လိုက်တာနဲ့ သူက အဖြူအမည်းတွေအဖြစ်ပြောင်းသွားစေပြီး လေးထောင့်ကွက်
တွေကို ရှာရော ။ လေးထောင့်ကွက်တစ်ခုကိုတွေ့ပြီဆိုတာနဲ့ အဲ့လေးထောင့်ကွက်ရဲ့အတွင်းပိုင်းကို
ဖတ်ရော ။ ပြီး ပုံစံအသွင်ကို သိရပြီဆိုတာနဲ့ လိုက်ဖက်တဲ့ animation တွေ ထွက်ပေါ်လာတော့တာပဲ ။
သူက လေးထောင့်ကွက်တွေရဲ့ ပုံပျက်ယွင်းနေတဲ့ထောင့်တွေကို အသုံးချပြီး လေးထောင့်ကွက်ရဲ့
တည်နေရာကို စစ်ဆေးဆုံးဖြတ် ၊ ပြီး အဲ့ပုံရိပ်ကတစ်ဆင့် အဲ့ပုံရိပ်ရဲ့ 3D ကို ပုံဖော်နိုင်တာ ။ အဲဒီတော့
ရှင်ရွှေ့လိုက်တာနဲ့ ပုံရိပ်ကလည်း လိုက်ဖက်တဲ့ Fashion တစ်ခုခုနဲ့ ရွေ့သွားမှာ ။ ဒါဟာ နည်းပညာသစ်
တစ်ခုအနေနဲ့သာမကပါဘူး ။ ရှင့်အနေနဲ့ ကြီးမားကျယ်ဝန်းတဲ့ နေရာတွေ ဥပမာ Virtual Reality Space
လိုနေရာတွေ ( မျက်မှန်တွေ နားကြပ်တွေတပ်ရတဲ့ 3D ရုပ်ရှင်ရုံလို ပုံရိပ်ယောင်အရှိတရား နေရာတွေ )
မှာသာ ကစားနိုင်ခဲ့တဲ့ Augmented Reality ဟာ အခု ရှင့်ဆီကို အိမ်သုံး computer တစ်လုံးရဲ့ flash
ကနေတစ်ဆင့် ရောက်ရှိလာတာကလည်း အသစ်အဆန်းတစ်ခုပဲပေါ့ ။



မေး ။     ။ ပါဝင်တဲ့နည်းပညာအပေါ် စိတ်လှုပ်ရှားစေမှုကြောင့် စာအုပ်ရဲ့အကြောင်းအရာဟာ တစ်နည်းနည်းနဲ့
နောက်ကောက်ကျ မှေးမှိန်သွားပြီလား ။



ဖြေ ။     ။ လုံးဝမမျှော်လင့်ပါဘူး ။ အနည်းဆုံးတော့ စာရေးဆရာတစ်ယောက်ဖြစ်တဲ့ ကျွန်မအတွက် မဟုတ်ပါဘူး ။
စာအုပ်ပြုလုပ်ခြင်းအနုပညာနဲ့ Digital poetry နှစ်ခုစလုံးမှာ လက်ရာဟာ သူ့ ကြားခံ Medium အတွက်
မေးခွန်းထုတ်နိုင်ရမယ်လို့ ကျွန်မယုံကြည်တယ် ။ သူတို့ တကယ် နှစ်ပင်လိမ်ကြရမယ် ။ စာအုပ်ထဲက
ကဗျာတွေဟာ သိပ်ပုံနှိပ်ဆန် / Digital ဆန်တဲ့ ပတ်သက်မှုကို ရှင်းပြဖို့ကြိုးစားထားတဲ့ စကားလုံးကစား
နည်းတွေနဲ့အပြည့်ပဲ ။ Page နဲ့ Screen တို့ဟာ သူတို့ရဲ့ စိတ်ကူးယဉ်ဆန်ဆန်ပတ်သက်မှုရဲ့ အကန့်
အသတ်တွေကို ပေါ်လွင်စေဖို့ကြိုးပမ်းကြတာနဲ့အမျှ စာဖတ်သူအနေနဲ့ သူတို့ရဲ့ ပတ်သက်မှုဟာ
ပိုကျယ်ပြန့်ပြီး  အကျပ်အတည်းဆိုက်နေမှန်း အာရုံခံမိမှာပါ ။
တချို့ လူတွေအတွက်ကျတော့ အကြောင်းအရာဟာ ဒုတိယကျတယ် ထင်ပါတယ် ။ ကျွန်မအတွက်တော့
ဒါ Okay ပါပဲ ။ စာအုပ်ကိုဖွင့်လိုက်ပြီး တစ်ခုခုဖြစ်သွားတာကိုမြင်လိုက်ရတဲ့ ကြည်နူးစရာအခိုက်အတန့်
ကလေးဟာ စာဖတ်သူရဲ့ တစ်ခုတည်းသောအတွေ့အကြုံဖြစ်တယ်ဆိုရင်တောင် Okay နေပြီ ။ ကျွန်မတို့
အမှန်တကယ်လုပ်ချင်ခဲ့တာက ဘာလဲဆိုတော့ " Pop-up စာအုပ်တွေကို ပထမဆုံးအနေနဲ့ ဆော့နေတဲ့
ကလေးတစ်ယောက်ပျော်ရွှင်နေသလိုမျိုး စိတ်လှုပ်ရှားစရာအာရုံတစ်ခုခု " ကို ရှင်တို့ခံစားရဖို့အတွက်
ဖန်တီးပေးဖို့ ။ လူကြီးတွေအတွက်ကျတော့ အဲ့နည်းနဲ့စိတ်လှုပ်ရှားရတဲ့စာအုပ်တွေ များများစားစား
မရှိဘူး ။ တွေ့ ခဲ့ကြရပြီတော့ ထင်ပါတယ် ။



မေး ။     ။ ဒီလုပ်ငန်းစဉ်ကြီးတစ်ခုလုံးရဲ့ အခက်ခဲဆုံးအပိုင်းကဘာလဲ ။
ထင်မှတ်မထားတဲ့ အခက်အခဲတစ်ခုခုများ ရှိခဲ့သလား ။



ဖြေ ။     ။ အခက်ခဲဆုံးအပိုင်းကတော့ စာအုပ်ကို ပုံနှိပ်ထုတ်ယူခြင်းနဲ့ လက်ချုပ်ချုပ်လုပ်ခြင်းပဲ ။ အစအဆုံးလုပ်ဖို့
တစ်လလောက်တောင်ကြာခဲ့တယ် ။ ကျွန်မက Artist edition ဆယ့်နှစ်မျိုးလုပ်ခဲ့တယ် ၊ Siglio ပုံနှိပ်
တိုက်က လူထုဈေးကွက်အတွက် edition ကို ထုတ်ဝေမယ်ဆိုတော့ ကျွန်မတို့တွေ တုန်လှုပ်ဝမ်းသာ
ခဲ့ရတယ် ။ စာအုပ်ကို ပိုကျယ်ပြန့်တဲ့ ပရိသတ်ကြီးဆီ ဖြန့်ချိဖို့အကြောင်း စဉ်းစားရတာဟာ ကျွန်မတို့
အတွက် အဟုတ်ရင်ခုန်စရာပါပဲ ။ ထုတ်ဝေသူ Lisa Pearson ဟာ ကျွန်မတို့တွေ စိတ်ကူးကောင်း
ကောင်းနဲ့ ရသပါပါ လုပ်နေကြမှန်း သဘောပေါက်သွားခဲ့ပြီး စာပေနဲ့အမြင်ပိုင်းဆိုင်ရာ ရောစပ်ထားတဲ့
စာအုပ်တွေကိုထုတ်ဝေဖို့  ရည်ရွယ်တော့တယ် ။ လှပါတယ် သူ့စာအုပ်တွေ ။





မေး ။     ။ ရုပ်ဝတ္ထုပစ္စည်းတစ်ခုအနေနဲ့ စာအုပ်ရဲ့အရေးပါမှုအကြောင်းကို စောစောက ခင်ဗျားနည်းနည်း      
ပြောခဲ့တယ်နော် ။ Between Page and Screen ကို ဖန်တီးခဲ့တုန်းက တကယ့်စာအုပ်အစစ်ကို
ဖန်တီးခဲ့တဲ့နေရာမှာ ဘယ်အရာဟာ  ခင်ဗျားအတွက်အရေးပါခဲ့သလဲ ။



ဖြေ ။     ။ ကန့်သတ် edition အတွက် စာအုပ်ပြုလုပ်ခြင်းအနုပညာနဲ့ အရည်အသွေးမြင့် ပုံနှိပ်ထုတ်ယူခြင်း
အကြောင်း ပြောဆိုထားတာဟာ အရေးကြီးပါတယ် ။ Animation ကို ပုံဖေါ်ပေးသူတွေဟာ ရာစုနှစ်လယ်
စာအုပ်အနုပညာရှင် Dieter Roth ကိုအမှတ်ရစေတယ် ။ ပုံစံတွေအများကြီးကိုက်ဖြတ်ထားတဲ့
စာအုပ်တွေလိုမျိုး ၊ ခြားနားတဲ့ design အမျိုးမျိုးနဲ့စာရွက်တွေဟာ တစ်ခုပေါ်တစ်ခုထပ်နေတဲ့
စာအုပ်တွေလိုမျိုး စာအုပ်လှလှလေးတွေ သူလုပ်ခဲ့တယ် ။ သူလုပ်နေကျ ပုံစံတစ်ခုဖြစ်တဲ့ လေးထောင့်
ကွက်ပုံစံကို ကျွန်မလုပ်ချင်ခဲ့တယ် ။ အကောင်းစားပုံနှိပ်စက္ကူကို စာစီ ၊ ပုံနှိပ် ၊ ထုတ်ယူပြီး
လက်ချုပ်ချုပ်ထားတယ် ။ အစဉ်အလာအတိုင်းလည်း ဖြစ်အောင်ပေါ့ ။



မေး ။     ။ ဒီပုံနှိပ်တစ်ဝက် digital တစ်ဝက် လောကထဲကို စတင်ဝင်ရောက်ဖို့ တာစူနေတဲ့
ကဗျာဆရာတွေအတွက် ခင်ဗျား ဘာအကြံဥာဏ်ပေးမလဲ ။



ဖြေ ။     ။ ( စဉ်းစားလျက် ) နည်းပညာရဲ့ကန့်သတ်ချုပ်ချယ်မှုကို မခံယူပါနဲ့ လို့ ပြောရမှာပဲ ။ ရှင်တစ်ခုခုလုပ်ချင်ရင်
ရှင့်ကိုလုပ်ဖြစ်ဖို့အကူအညီပေးနိုင်မယ့် တစ်ယောက်ယောက်ကိုရှာပါ ။ ရှင်ဟာ စာရေးဆရာတစ်ယောက်
ဆိုရင် ရသဗေဒကို မေ့မပစ်ပါနဲ့ ။ ရှင်ဟာ ရသသမားတစ်ယောက်ဆိုရင်လည်း စကားလုံးတွေအကြောင်း
ကို မေ့မပစ်လိုက်ပါနဲ့ ။ နှစ်ခုစလုံးဟာအရေးကြီးလို့ပါ ။



မေး ။     ။ ဒါဟာခင်ဗျားရဲ့အံ့မခန်း project နဲ့ စပ်လျဉ်းတဲ့ ပြည့်စုံတဲ့အကြံဥာဏ်ပါပဲ ။ So thank you ။
ခင်ဗျားနဲ့ Brad နောက်ကော ဘာတွေလုပ်ဦးမှာလဲ ။



ဖြေ ။     ။ Immersive ( 3D စနစ်ဆန်ဆန် Surround ဆန်ဆန် ) ဖြစ်တဲ့ ၊ interactive ဖြစ်တဲ့ website သီးသန့်
ကဗျာအတွေ့အကြုံတစ်ခုကို ဖန်တီးဖို့အတွက် X-Box ( Video game ) နဲ့ တွဲအလုပ်လုပ်နိုင်မယ့်
အခွင့်အလမ်းတွေကို ရှာဖွေနေပါတယ် ။ အနာဂါတ် project အနေနဲ့က ကဗျာဆရာ Kate Durbin နဲ့
တွဲပြီး ကျွန်မတို့အတူရေးခဲ့တဲ့ကဗျာတွေပါဝင်တဲ့ e-book တစ်အုပ်လုပ်နေပါတယ် ။ Excess Exhibit
လို့ ယာယီနာမည်ပေးထားတယ် ။


Note :

Augmented Reality = computer / digital အထူးပြုထားသော
အတုအယောင်အရှိတရားနည်းပညာတစ်မျိုး




                                                               _____________________________________


Download Zone


ခရမ်းရိပ် အွန်လိုင်း အနုပညာ မဂ္ဂဇင်း ဖေဖော်ဝါရီ အား အောက်ပါလင့်တွင် ဒေါင်းလုပ်ရယူနိုင်ပါသည် ။



ခရမ်းရိပ် အွန်လိုင်းအနုပညာမဂ္ဂဇင်း [ ဖေဖော်ဝါရီ ၂၀၁၂ ]




                                                               _____________________________________


 ခရမ်းရိပ် မဂ္ဂဇင်းသို့ စာမူများပေးပို့လိုပါက purpleshademagazine@gmail.com သို့ ပေးပို့နိုင်ပါတယ် ။
အားပေးမှုအား အထူး ကျေးဇူးတင်လျက် ။ ။ ။

- ခရမ်းရိပ် အွန်လိုင်းအနုပညာ -



ဆက်လက်ကြိုးစားပါဦးမည်

0 comments:

Post a Comment