Saturday, 16 June 2012

ခရမ်းရိပ် အနုပညာမဂ္ဂဇင်း { ဇွန် ၂၀၁၂ }

with 0 comments



                                        ကဗျာ




ChRoMe.eXe ကို DoUbLe cLiCk လိုက်တယ် 

- ဟိဏ်းဝေ -

တကယ်ကိုရူးတာပဲ မှားယွင်းခြင်းဘယ်နှစ်ခုမြောက်နဲ့ဒီနေ့လဲ အမြဲမှားယွင်းခြင်းရဲ့ ထုံးစံအပေါ်

မလိုတမာမှုနဲ့ ဆဲရေးစီရင် လေ့လာမှုနည်းပါးခြင်း မှာ အနုပညာသည်လည်း တစိမ်းပြင်ပြင်သာ
ဖြစ်တာကြောင့် အလင်းအောက်မလျှောက်ရဲတဲ့စိတ်ဟာ အမှောင်ထုထဲပိတ်မိနေတာ ဘာမှမဆန်း
တော့သလို အများညီလို့ဆင်ထားတဲ့ လမ်းလွှဲ လမ်းခွဲ တွေမှာ အရည်မရ အဖတ်မရ ဇာတ်လမ်းတွဲ
ကို ဖလှယ်စပ်ယှက် ပြီး မြိန်ရေယှက်ရေ နေကြပုံ ပင်လယ်ကို ငါးမျှားချိတ် တပ်ပြီး အိတ်ကပ်ထဲ
ချလိုက်တော့ မျှော်လင့်ထားတဲ့ ပုံစံခွက်ထဲ က ဖယောင်းခဲ ဟာ ပြိုကွဲသွားတယ် အဓိပ္ပါယ်တွေ
ရှာနိုင်သေးရဲ့လားလို့ မေးခွန်းကို ကြိုတင်သိရှိပြီးသား မျက်နှာပေးနဲ့ ကျွန်တော်ထင်တာကတော့ကို
အထပ်ထပ်အခါအခါ သုံးစွဲ ဆင်ခြင်စဉ်းစားမှုကို ဓားလွယ်ခုတ်သုတ်ပစ်လိုက်တဲ့ လူသားတစ်ယောက်လို
မသိခြင်း ဗလာနတ္ထိတွေကိုလည်း ဖုံးကွယ် ဖေ့စ်ဘွတ် ထဲမှ အလွယ်တကူ Like နှိပ်ခြင်းမှ ရရှိလာသော
မိတ်ဆွေများ နှင့် အသံကြီးကြီးကြားတိုင်း အကောင်ကြီးကြီး မြင်တတ်တဲ့ စိတ်ဓာတ် ဟာ တစ်စစီ
စုတ်ဖြဲထားတဲ့ အဆက်အစပ်တွေထဲကနေပြီး တစ်ကြောင်းဆွဲ ပန်းချီကားကို ဘုရားသခင်၏ ဆံတော်များ
ဟု လိပ်ဖြစ်သွားသော ကြမ်းပိုးအထိ သောက်လေသောက်လေ ငတ်မပြေ အစဉ်အလာ မိုးခါးရေဟာ
ကျောက်ဆောင်ကျောက်သားများပေါ် တသွင်သွင် တစိမ့်စိမ့် သူတို့လည်း ချိုမြိန်မှုအပြည့်နဲ့
ကိုယ့်စိတ်ကိုသိမ်းပိုက်မယ်ကြံနေတဲ့ မိန်းမပျိုတစ်ယောက်ရဲ့အသက်ရှူသံလို အတွင်းသားထဲအထိ
တုန်ယင်မြည်ဟီး ဓားထစ်ခံထားရတဲ့လှေဟာ ရှောင်ဖယ်လို့မရတဲ့ တစ်ခုတည်းသော သယ်ယူ
ပို့ဆောင်ရေးကိုယ်စားလှယ်လို ဘာမှန်းမသိတဲ့ ရွေ့လျားမှုတွေထဲ ငြိမ်သက်မျောပါ ဒီနားထိ ဇာတ်ရည်
မလည်သေးတော့ ရပ်နားရမလိုလို ဆက်သွားရမလိုလို တောက်လျှောက်လိုက်နေခဲ့တဲ့ သားကောင်
ရဲ့သေနတ်ကိုင်ပြီး တန်ပြန်ချောင်းမြောင်းခြင်းကိုခံရတယ် နားထဲမှာ ရေနွေးငွေ့ရထားတစ်စင်း
ဖြတ်မောင်းသွားသလို အတွေးတွေမီးခိုးတလူလူ ညရဲ့အိပ်ရာတွန့်ကြေချိန်မှာ မအိပ်သေးသူ ရဲ့
ပုစ္ဆာတွေ သိမှုထဲ ဖြတ်ပြေးနေ အရင်လိုပြန်ဖြစ်ဦးမလားတွေ ထပ်မမေးမနေ ပါနဲ့တော့ စိတ်ဓာတ်ဟာ
နေမွန်းတည့်ချိန် တိတိ မှာ နေရှိရာပကတိ အနေအထားရဲ့ ဆန့်ကျင်ဘက်လားရာသို့ လရောင်ကို
ငေးကြည့်ရင်း လွင့်သွားတဲ့ လိပ်ပြာလို Suicide လုပ်သွားတဲ့ အသိဥာဏ် နည်းနည်း ယဉ်ကျေးမှုနည်းနည်း
သွေးရဲရဲ သံရဲရဲ ဘလိတ်ဓားလေးအပါအဝင် အပြစ်မြင်မျက်လုံးများ နဲ့ ဝေဖန်သုံးသပ်မှုတွေအပေါ် ကျေကျေ
နပ်နပ် ကိုယ်ကိုယ်တိုင် ပစ်မှတ်ပြန်ဖြစ်သွားတဲ့ မုဆိုးလို ဆင်ဖမ်းမလို ကျားဖမ်းမလိုနဲ့ အတွေးမဲ့
ရေးသားစရာမဲ့ သွားသလိုမျိုးနဲ့ အပေါ်ကို ပြန်မော့ကြည့်ပြီး ChRoMe.eXe ကို DoUbLe cLiCk လိုက်တယ်။ 



-----------------------------------------------------------------



တိုးတိုးလေးမိုးထားတဲ့ယဉ်ကျေးမှုမှာ မိုး ပါတယ်
- ဂျူနို -


ပူခနဲခါဆင်းသွားတဲ့ နာကျင်မှုဟာ ထူးထူးနက်နက်လှတယ်မပြောလည်း ရတယ်

အသံတိတ်ရုပ်ရှင်ကားနှင့် မိမိကိုယ်ကိုရေနှစ်သတ်ခြင်းတို့ ဘာတို့

အဖြူ အမဲထဲ ပြန်ရောက်သွားတယ်

ကြည်သွားတာပေါ့ အာရုံရှေ့မှာ မိုး ပဲပိတ်နေတယ်

"ဂျူဒက်စ်" ရှေ့ကဖယ်စမ်းပါ ဖယောင်းစထဲမှာ မိုး ပါတယ်

နေ့တိုင်းမျှော်တဲ့ညက အားနာပါးနာတောင် မရွာဘူး

ခါးကော့ထားပါ

““ကံ့ကော်ရေ.............................!! ! !!!””

ကော်ဖီခါးခါးတစ်ခွက်နဲ့ တက် တက်လာတဲ့ Notification တွေ

Desktop ပေါ် မိုးတွေ ရွာနေတယ် လက်ဖျားမှာ မိုး တွေ ရွာနေတယ်

ရင်ဝကို ထီးနဲ့ ဆောင့်တွန်းလိုက်

အို .. မိုးတွေရွာနေတယ် ဝဲပြီးကျလာတဲ့ဝတ်ဆံထိပ်ဖျားတောင် ရေစက်တွေနဲ့

အသံလည်း မထွက်ဘူး

အာသာပြေရုံ နှုတ်ခမ်းဖိကိုက်ထား

* “သည်မိုးမှောင်တုန်း မောင် ပုန်းပါရစေ ခင်” *

ကမ်းလှမ်းချက်မပါပဲ ကဗျာတွေပွင့်တယ်

ဝဋ်နာ ကံနာဆိုတာမျိုး

စိတ်ရိုင်းတွေ မြို မြိုချ

သီးကင်းလေးတွေမှာ မိုးစက်လက်နဲ့ ။
............................

မိုး = (Noun) မိုး

(Verb) အုပ်မိုးသည်။

Credit: မိုးသက်လေနှင်(ဂီတနက်သန်ကိုစောညိန်း)
----------------------------------------------------------------- 

 
ကမ္ဘာကြီးကို ကိုယ်ဝန်ဆောင်ထားတဲ့ကဗျာ
- လင်းလက်တာရာ -



မျက်ရည်စက်လက် ကမ္ဘာကြီးပါ

ဒီကဗျာထဲမှာ ဟာသတွေထည့်ထားတယ်
အရွဲ့တွေနဲ့  ကမ္ဘာကြီးပါ
ဒီကဗျာထဲမှာ အကောင်းမြင်စိတ်တွေထည့်ထားတယ်
ငွေသံကြေးသံ နံစော်နေတဲ့ ကမ္ဘာကြီးပါ
ဒီကဗျာထဲမှာ သမ္မာအာဇီဝ ရနံ့တွေ ထည့်ထားတယ်
အံလွဲမှုတွေနဲ့ ကမ္ဘာကြီးပါ
ဒီကဗျာထဲမှာ တကယ့်အဖြစ်အပျက်တွေထည့်ထားတယ်
ပွက်ပွက်ဆူကမ္ဘာကြီးပါ
ဒီကဗျာထဲမှာ မေတ္တာတရားတွေထည့်ထားတယ်
မိုက်မိုက်မဲမဲကမ္ဘာကြီးပါ
ဒီကဗျာထဲမှာ ယဉ်ကျေးမှုတွေထည့်ထားတယ်
အိုမင်းရင့်ရော်ကမ္ဘာကြီးပါ
ဒီကဗျာထဲမှာ ရှုမျှော်ခင်းအသစ်တွေထည့်ထားတယ်
ညစ်ညမ်းကမ္ဘာကြီးပါ

ဒီကဗျာထဲမှာ လေကောင်းလေသန့်တွေထည့်ထားတယ်
ခေတ်လွန်နည်းပညာ ကမ္ဘာကြီးပါ
ဒီကဗျာထဲမှာ သဘာဝတရားတွေထည့်ထားတယ်
အော်သံတွေနဲ့ ကမ္ဘာကြီးပါ
ဒီကဗျာထဲမှာ လူ့အခွင့်အရေးတွေထည့်ထားတယ်
သံသရာတွေနဲ့ ကမ္ဘာကြီးပါ
ဒီကဗျာထဲမှာ သေခြင်းတရားတွေထည့်ထားတယ်
ကြက်ခြေခတ်ကမ္ဘာကြီးပါ
ဒီကဗျာထဲမှာ အမှန်တရားတွေထည့်ထားတယ်
အမြှောက်အဆံတွေနဲ့ ကမ္ဘာကြီးပါ
ဒီကဗျာထဲမှာ သံလွင်ခက်တွေထည့်ထားတယ်
ဒီကဗျာရဲ့ လွတ်လပ်ပေါ့ပါးမှုကသာ
ဒီကမ္ဘာကြီးရဲ့ လေးလံကျဉ်းကျပ်ခြင်းတွေကို
လွယ်လင့်တကူထည့်ထားနိုင်ခြင်းဖြစ်ကြောင်း ။ ။


----------------------------------------------------------------- 
သူငယ်ချင်းများအားနုတ်ဆက်သည့်နေ့ က ဖဲဝိုင်းတစ်ခုနှင့်တည့်တည့်တိုးခဲ့
- လူခါး -

နံပါတ်(၁) အိမ်
လုလု
မန္တလေးတိုင်း၊ အောင်ပင်လယ်၊ ဘိုးဘိုးကြီးနတ်စင်
မြန်မာပြည်တွင် ဝင်ငွေမရှိ
ယခု တစ်ရက် RM 21 ရင်းဂစ် ဝင်
မလေးရောက်ကြာချိန် ၂ နှစ်နှင့် ၅ လ
RM 30 ရှုံး
မြန်မာငွေနှင့် ခုနှစ်ထောင့်ကိုးရာ ငါးဆယ်ခန့် ။

နံပါတ်(၂)အိမ်
ဟီးရိုး
မန္တလေးတိုင်း၊ နွားထိုးကြီး၊ လက်ဝဲ
မြန်မာပြည်ဝင်ငွေ တစ်ထောင်၊ ထောင့်ငါးရာ
ယခု တစ်ရက် RM 30 ရင်းဂစ်ဝင်
မလေးရောက်ကြာချိန် ၃ နှစ်နှင့် ၇ လ
RM 250 ရှုံး
မြန်မာငွေနှင့် ခြောက်သောင်းခြောက်ထောင်နှစ်ရာငါးဆယ်ခန့် ။

နံပါတ်(၃)အိမ်
ရန်နိုင်လင်း
ဧရာဝတီတိုင်း၊ ညောင်တုန်း
မြန်မာပြည်ဝင်ငွေ အလုပ်ရှိလျှင် ထောင့်ငါးရာ
အလုပ်မရှိလျှင်.........၊
ယခု တစ်ရက် RM 50 ရင်းဂစ်ဝင်
မလေးရောက်ကြာချိန် ၄ နှစ်
RM 800 ရှုံး
မြန်မာငွေနှင့် တစ်သိန်းငါးသောင်းကိုးထောင်ခန့် ။

နံပါတ်(၄)အိမ်
ကို ZAY
ရန်ကုန်တိုင်း၊ မင်္ဂလာဒုံ @ ကမ္ဘာအေး
မြန်မာပြည်ဝင်ငွေ တစ်သောင်း
စနေ၊ တနင်္ဂနွေ ငါးသောင်း(လွန်ခဲ့သောရှစ်နှစ်ခန့် က)
ယခု တစ်ရက်RM200 ရင်းဂစ်ဝင်
RM 1000 ကျော် ရှုံး
မြန်မာငွေနှင့် နှစ်သိန်းခြောက်သောင်းငါးထောင်ကျော်။

နံပါတ်(၅)အိမ်
တရုတ်အဘိုးကြီးတစ်ယောက်
ကျွန်တော် သူ့ကိုမေးစရာမလိုတော့ပါဘူး
မကြာခင်မှာ သူ
စက်ရုံအသစ်တစ်ရုံ ဆောက်ပါလိမ့်မယ် ..။...။

 
----------------------------------------------------------------- 

နားထဲမှာ ဒီအသံတွေပဲ ကြားနေရတယ်
-မာင်ရေချမ်း -


ရုပ်မြင်သံကြားကိုပိတ်ထားတယ် ၊ သတင်းစာတွေကို ပိတ်ထားတယ် ၊
စားပွဲပေါ်မှာ နှင်းဆီဖြူပွင့်တွေဟာ ကျိုးပျက်ကြေမွလို့
ထွက်နေကျ ( ဖတ်နေကျ ) ဂျာနယ်တွေထဲက ညိုပုပ်ပုပ်အနံ့တွေထောင်းထောင်းထ ၊
သွေးနံ့ ၊ချွေးနံ့၊ ယမ်းနံ့တွေပဲ၊၊ တစ်ယောက်နဲ့တစ်ယောက်က ၊ တစ်ယောက်ကတစ်ယောက်ကို မမြင်ကြဘူး ၊
မြင်သမျှ ဓားတွေ ၊ မီးတောက်တွေ ၊၊
အိပ်မက်တွေကိုအတူတူဖွာရှိုက်ဖို့ တစ်ယောက်ရင်ဝကိုတစ်ယောက် လှမ်းကြည့်ခွင့်တောင်မရှိတော့ဘူးတဲ့လား
ဒါဟာ လွန်ခဲ့လေသော ကမ္ဘာပဲ ၊၊ အသားစားဘီလူးတွေ ကိုင်စွဲသမျှ နွယ်မြက်သစ်ပင်တွေဟာ ဓားတွေဖြစ်လာ ၊

စာသင်ကျောင်းလေးက ခေါင်းလောင်းသံလေးဟာတိတ်လို့၊၊
စားပွဲဝိုင်းပေါ်ရောက်မလာသေးတဲ့ ဖြစ်တည်ခြင်းတွေ ၊၊ တရွေ့ရွေ့.......၊၊
ဒါတွေအားလုံးရဲ့ တရားခံ ၊ ဘယ်သူဘယ်ဝါ အမည်တပ်ခွင့်မရှိ်ဘဲ အလျော်အစားကြမ်းတယ် ၊၊
ဒီ.....အသံတွေ... ၊၊ ဒီ..D...D...အသံတွေပဲ ကြားနေရတယ် ၊၊ ဒီခရီး အဆုံးထိ မရောက်သေးဘူးလား အမေအိုတစ်ယောက်က ခပ်တိုးတိုးပြော၊၊ ဒီလမ်းလျှောက်တဲ့ ခြေဖဝါးတွေ သွေးတောက်တောက်ကျလို့၊၊
ကဲ.....နားထောင်စမ်း
မိုးခြိမ်းသံတွေကြားတယ် ( ဒါ မရွာတဲ့ မိုးကွဲ့ )
အပြောင်းအလဲဆို မြွေအရေခွံချွတ်လဲသလိုပဲ
တစ်နွေပြီးတစ်နွေ
တစ်မိုးပြီးတစ်မိုး
ဒီဝါကျတွေဟာ အဆုံးမရှိဘူး။။
နာရီတွေဟာ ဆုံးရှုံးခြင်းသက်သေ
ဒါ မုန့်လုံးကိုစက္ကူကပ်တဲ့သဘောပဲ
ကဲ.....ရှိစေတော့။

-----------------------------------------------------------------

အသံ = အသံ + အသံ
-မာင်မိုးချို ၊ မင်းလုလင် -

 


နားထဲ တိုးဝင်လာတဲ့ လေတိုက်နှုန်းက လေးလေးပင်ပင်ရှိလွန်းတယ် တိုးတိုးရှရှ
အထိအရှလည်း များတယ်ဆိုတော့ ကျုပ်တို့အသုံးတော်ခံမယ့် ဇာတ်ဝင်ခန်းက
မြန်နှုန်းမြင့်တယ် ငါ့လူ မြန်နှုန်းမြင့် ကွန်နက်ရှင်တွေလို ၊
မြန်နှုန်းမြင့် လေတိုက်နှုန်းတွေလို သူလိုငါလို ပြန်တမ်းတွေလို ၊
ဒီရပ်ကွက်နဲ့ ဒီပြဇာတ် ကို လူစကားတစ်လုံး သူစကားတစ်လုံး ၊
သူတစ်ခွန်းငါတစ်ခွန်းနဲ့ ကားလိပ်စ ကတော့ ဖြည်းဖြည်းချင်းပေါ့ ။
လူက ခေတ်ပျက်တန်းစား ၊ နေရေးစားရေးလောက် ခေါင်းနောက်တဲ့ ဘဝ
ဘယ်ခေတ်မှာ ဘယ်လိုဆိုတာ ပြန်ပြောဖို့ အတော်ခက်မယ် အပြင်းစား
ကော်ဖီတစ်ခွက်လို မြိုချမိသမျ ခါးရှရှပဲ ငါ့လူ ။
တိုးဝှေ့ကျော်ခွသွားတဲ့ အကောင်းစားမျှော်လင့်ချက်ဟာ မြိုချပစ်လို့မရတဲ့
လေအန်မှု အစာမကြေစရာရှိရင်လည်း အံကိုကြိတ်ပြီး မျက်ရည်ချလိုက်ကြတာပေါ့ဗျာ
ဆိုင်းသံကြားရင်တော့ ကွေးနေအောင်သာ က ။ ကပေါ့ ငါ့လူ ကပေါ့ ။
ဆိုင်းသံကြားတာပဲ ဖြစ်ဖြစ် .. ရွှေ့ဆိုင်းထားလိုက်သည်ပဲ ဖြစ်ဖြစ်ပေါ့ ။ ကျုပ်တို့က
ကကို ကရမယ့် ဘဝ ကိုယ့်နှုတ်ခမ်းနာ နဲ့ ကိုယ့်မုန့်ဆီကြော်ပဲ ။ ဘယ်လိုပဲ
အလဲအထပ်ရိုက်ရိုက် ။ ခေါက်ရိုးကျိုးပီးသား ဆန္ဒဆိုတော့ ဘယ်လို ပမာဏမျိုးပဲဖြစ်ဖြစ်
အလိုလို ခေါင်းညိတ်ပီးသားပေါ့ ငါ့လူ ။ ပြီးတော့လည်း အရာထင်သည်ပဲဖြစ်စေ
အရင်ဌာနေဆီပဲဖြစ်စေ ဆုပ်တော့လည်း စူးကြရုံပဲ စားတော့လည်း ရူးကြရုံပဲ ဆိုတော့
ထွေးပြီးတဲ့ တံတွေး ခဏပြန်ကောက်သိမ်းတဲ့ လူလိုလူတွေကြားထဲ
မျက်စိရှင်ရှင်သာ ထား ငါ့လူ မျက်စိတစ်ဖက်ကိုမှိတ် ဘဝဆိုတဲ့
လမ်းမပေါ်ကိုလျှောက်သွားဖို့ ဘယ်လို စိတ်မျိုး ဒါမှမဟုတ် ဘယ်လို ပကာသနမျိုးတွေကို
အိတ်ကပ်ထဲကောက်ထည့်သွားရမလဲ ။ တွေးမိတိုင်း ရင်ဘတ်ထဲ
တဆစ်ဆစ်နဲ့ ငါ အတ္တနည်းလိုက်ပုံများဆိုပြီး ။ ပြီးလွယ်စီးလွယ်
မွေးထားတဲ့ သိက္ခာက နေဖို့ညစာ ဘယ်လုံလောက်ပါ့မလဲ ။ တစ်နေ့
တိုးလိုက် တစ်နေ့နီးလိုက် ။ နောက်ဆုတ်သွားတဲ့ ခန္ဓာထဲက သွေးတွေလို
တဖြည်းဖြည်းမွေးမြူလာတဲ့ အရေးပေါ်စကားလုံးတွေလို မျက်ခွံအောက်မှာ
တငွေ့ငွေ့ အဖြူရောင်သန်းလာတယ် ။ နေ့ရော ညရောပေါ့ ကိုယ့်လူရာ ။
သံသရာ ကို လက်ခမောင်းမခတ်နိုင်သရွေ့တော့ ဟိုဘက်ကမ်း
ဒီဘက်ကမ်း လက်လှမ်းမီသလောက်လေး ဖြည့်တွေးတွေးနေရတာပေါ့ ။
လူက ဟိုတစ်စ ဒီတစ်စ ဘာမှ မရေရာ ။ မွေးရာပါ အနာတစ်ခုလို
ဘယ်ဘက်လက်ဖျံက ညာဘက်လက်ဖျံကို မနာလိုဖြစ်လို့ အဖြူအမည်းပြဇာတ်မှာ
အလင်းရောင်အားနည်းမှုက သွေးရိုးသားရိုးဟုတ်ပါ့မလား သွေးထွက်လွန်နေတဲ့ ဆန္ဒ
တစ်စုံတရာကတော့ ကမ္ဘာကိုမှောင်စေခဲ့ပြီ ငါ့လူ လူလူသူသူရှိရိုးအမှန်ဆိုတော့ ရှိကြီးခိုးပါရဲ့
လေသံတိုးတိုးတွေကို တံခါးဖွင့်မပေးလိုက်ပါနဲ့ ။

-----------------------------------------------------------------
တစ်ခုကိုပဲ ရွေးပါ - စိတ်အဆာပြေ တိုက်တဲ့စစ်
- ပိုင်ဥာဏ် -



စစ်ပွဲတွေကြားထဲပဲ ယောက်ျားဆန်ဆန် လူကြီးလူကောင်းဆန်ဆန်

အမှတ်(၂) လမ်းမကြီးဟာ သေရေးရှင်ရေး မသေမရှင်အရေး god damn it
နေချင်တယ် နေချင်သလိုနေတယ် နေတတ်သလိုလို
ယာဉ်စွန်းတန်းချင်း တေ့လွဲလွဲသွားတယ် (ပျံသန်းဆိုက်ရောက်ရာ)
နယ်မြေအကန့်အသတ်နဲ့ - လက်နက်တပ်ဆင်မှုနဲ့ - ငြိမ်းချမ်းရေးဆွေးနွေးပွဲနဲ့
ဗဟုဝါဒရဲ့ ဗဟုဝါဒီများ ထိန်းချုပ်ထားသော ရင်ထိုးတံဆိပ်အချို့ သတင်းအစုံအလင်မှာ
၂၀၁၂ ဗဟိုဟာ အဆာပြေထစားတဲ့ ညလယ်စာ cut off
တစ်ယောက်ကပြောတယ်
ဆိုကာမှ အဲဒီအချိန်ကာလ ကျော်တက်ခံလိုက်ရခြင်း
... DNA war ...
ကဲ ထ - ကတုတ်ကျင်းထဲက ထတော့
ဟောဟိုမှာ မီးခိုးတန်းရှည်ရှည်တွေ တွေ့လား
ကျွန်တော့်နာမ်ရုပ်မဲ့ဘန်ကာကို 60mm mortar တွေနဲ့ ၊ ဆိတ်ငြိမ်စိတ်နဲ့ ၊ တဝုန်းဒုန်းဒုန်း
Jesus Christ! What the fucking hell!!
ဒါဟာ ဘဝ
လို့ပြောလိုက်ဖို့ရာ စောလွန်းနေသလိုလို နောက်ကျနေသလိုလို အရာရာဟာ မှိုင်းသွားတယ်
ဘယ်ဘက်စစ်နံဟာ ပုဒ်မ ၁၄၄ နဲ့ ငြိသွားတယ် ကျေးဇူးပြုပါ အလံဖြူ
ဒါအကောင်းဆုံးပဲ / နောက်ကြည့်မှန်တစ်ချပ်တော့ အကောင်းအတိုင်း ကျန်မယ်
ထင်ရတာပဲ စစ်ဆိုတာ ပြုလုပ်ခြင်း "- war is making -"
ကျုပ်တို့ သန်းခေါင်ယံမတိုင်ခင် အမှတ်(၂) လမ်းမကြီးကို သိမ်းနိုင်ရင် နက်ဖြန်
ဗြိတိန်ကျွန်းကို ၅၃ မျဉ်းပြိုင် ဆွဲနိုင်ပြီ ၊ တောင်အင်္ဂလန် - မြောက်အင်္ဂလန် ဟုတ်
ခင်ဗျားနဲ့ ကျွန်တော်နဲ့ကြားက မျဉ်းပြိုင်က နံပါတ်ဘယ်လောက်များ အခုလို အပြိုင်ဝေးတုန်း
ခက်တာက ကျုပ်တို့မှာ အိမ်ဖြူတော်မှ / ကရင်မလင်မှ မရှိတာဗျာ “၃၈”
မျဉ်းပြိုင်နံပါတ် ဘယ်လောက်များက အခုလို အပြိုင်ဝေးတုန်း ခင်ဗျားနဲ့ ကျွန်တော့်ကြား
တစ်ခုပဲ ရွေးပါ / ရေးပါ စိတ်အဆာပြေလို ပြေငြား
အရွယ်ရောက်တဲ့အခါ
ဟုတ်ကဲ့ - အမိန့်ရှိပါ
မဟုတ်ပါဘူး - နံပါတ်မှားနေပါတယ် ခပ်ဟဟလေး
facebook ပေါ် မတင်ခင် စစ်ကြီးများပြီးမလားလို့ ဆို -
ဟမ် !

-----------------------------------------------------------------
ပွဲဖြစ်ရင် လန်းတယ် ပင်ပန်းတယ် သဘောမထားနဲ့
ပွဲပြီးမီးသေ တို့တွေလှော်ကြမယ်လေ
- သ်ာဇင်အုန်း -


အားလုံး ကြိုက်စရာမရှိပါဘူး

တစ်ခုတည်း ကြိုက်ရင်ရတယ် ရွေးလေ ငေးမနေနဲ့ ရတုန်းယူထား
အဖတ်တင်တယ် အဖတ်ဆယ်မရရင် အရည်သောက်
ဟောက်စားတွေ မြှောက်စားတွေ တွေဝေမနေနဲ့ အသက်ရဲ့
အန္တရာယ်မှာ အစားအစာ အဝတ်အထည် အနေအထိုင် ဟော ..
ပိုလာပြီ ကားတစ်စီးလောက် ဟော .. ကဲလာပြီ ကမ္ဘာကြီးကိုတောင်
လက်ခုပ်ထဲထည့်ထားချင်တာ ပဒေသာပင် ပျောက်သွားရတာလည်း
အကြောင်းကြောင်းသော အကြောင်းကြောင့် အကျိုးတရားကို
ရရှိတာ ဒီနေရာမှာ ကြော်ငြာခဏခဏဝင်တာ ရောင်းဖို့မဟုတ်ဘူး
ညာဖို့ကြော်တာ စားအုန်းဆီပဲ ဖြစ်ဖြစ် ကြော်ချင်တာနဲ့ ကြော်
ညှော်ခံပြီးစားရဖို့ အရေးကြီးတာ ဘာ ဘာ ဘာမှရွေးစရာမရှိရင်
မျက်စိမှိတ် ရွေးလိုက် ပွဲဆိုတာက ပြသူရယ် ကသူရယ် ကြည့်တဲ့
သူရယ် ပွဲဈေးတန်းရယ် တကယ့်တကယ်မှာ ပွဲစီစဉ်သူလက်ထဲမှာ
ကြိုတင်လက်မှတ် လျှော့ဈေး ကံစမ်းပွဲ ဒီပွဲလေးကို ဒီလိုဖန်တီးထား
တာက အားလုံးကြိုက်စရာမလိုဘူး

+++++++++++++++++++++++++++++++++++++++++++++++++++++++

                                       အက်ဆေး
 

နွေဦးရာသီ၏ သံတူကြောင်းကွဲ စံပယ် - ငဂျူလိုင် -

လွန်ခဲ့သောအတိတ်မှမြစ်ဖျားခံလာသော အက်ကွဲသံတစ်ခုသည် ကျွန်တော့်နှလုံးသားအား တံခါးခေါက်၏။
ရူးသွပ်စွာ နာရီလက်တံတစ်ချို့ကို သတ်ပစ်လျှက် အမှတ်မရှိ တံခါးဖွင့်ပေးလိုက်သည်။ ဒဏ်ရာဟောင်းထဲမှ
သွေးစများလတ်ဆတ်လာသည်။ အတိတ်ကိုပြန်လည်အသက်သွင်းသော မှော်ဆရာမှာ ကျွန်တော်ဖြစ်သည်။
သင်တို့၏အတိတ်များကို ပြန်လည်တူးဖော်ကြည့်ပါ။ အပွင့်ဟောင်းထဲမှ ရနံ့သစ်ကိုရရှိပါလိမ့်မည်။
အနာမကျက်၍ ပြည်တည်လျှင် မိမိတာဝန်သာဖြစ်သည်။ သူ(မ)ထံမှ ရွှန်းလဲ့ချိုမြသောအပြုံးကို
မျက်ရည်တစ်ဂါလံပေး၍ဝယ်ယူခဲ့ရသည်။ စတော်ကင်ဝတ်၍ နေကာမျက်မှန်တပ်ထားသော ထိုမိန်းမသည်
ကျွန်တော့်ထံမှမျက်ရည်တစ်ဂါလံကိုအသုံးပြု၍ အနာဂတ်သို့ ဟန်းနီးမွန်းထွက်သွားသည်။ ထိုခရီးနောက်သို့
ကျွန်တော့်သံယောဇဉ်ညှပ်ဖိနပ်ပါသွားသည်မှာ မှားယွင်းသောအမှန်တရားဖြစ်သည်။ အမှန်တရားဆိုသောအရာတွင်
အတိတ်ရှိပါသလား။ အဖြေမရှိသော မေးခွန်းများစုဝေးကာ တယောထိုးနေကြသည်။ ဘယ်မှာလဲဟု မေးလာခဲ့ပါက
ကျွန်တော့်ရပ်ဝန်းတွင်ဖြစ်သည်။ တိတ်ဆိတ်ခြင်းထဲတွင် အနေကြာ၍ ထိုအရာသည်ပုပ်သိုးသွား၏။
ဆင်တူဝတ်ရန်ပြောပြီးနောက်နေ့တွင်ကျွန်တော်တို့ ထပ်တူမကျခဲ့ကြ။ ရူးသွပ်ခြင်းသည် ဘာသာဗေဒတစ်ခုဖြစ်လျှင်
ကျွန်တော်သည် ထိုဘာသာ၌ ဂုဏ်ထူးအကြိမ်ကြိမ်ထွက်ခဲ့ဖူးပါသည်။ အလွဲတွေရောက်ခဲ့ပုံက အဆန်းသားဟု
ပြောခဲ့ဖူးတာသေချာသော်လည်း ဘယ်တုန်းကဆိုသည်ကို မမှတ်မိတော့။ ကျွန်တော် ဗောက်ပျောက်ရန်
ခေါင်းလျှော်သောနေ့ က သူ(မ)ရာသီလာသည်။ ကျွန်တော်ဆံပင်ညှပ်သောနေ့ က သူ(မ)ခြေသည်းဆေးဆိုးသည်။
ကဲ ဘယ်တတ်နိုင်မလဲ ဆေးထည့်လို့ မရတဲ့ ဝေးကွာမှုကို အစိမ်းချုပ်ချုပ်လိုက်ရုံပေါ့ ။

ထူထဲသောနှုတ်ခမ်းတစ်စုံကြောင့် ဘဝမှာအပျောက်အရှများခဲ့ရသည်။ နေခြည်မျှင်များက မြစ်ပြင်ထက်တွင်
တလက်လက်တောက်ပကာ ဖိတ်စက်စင်နေ၏။ နွေရဲ့ အစောဆုံးသေဆုံးသူမှာ ကျွန်တော်ဖြစ်နေပြန်သည်။
လိင်စိတ်ဆိုသည်မှာ မည်သည့် မိန်းမပျိုနှင့်မဆို ဖြစ်ပေါ်နိုင်သော်လည်း အချစ်စိတ်မှာသူ(မ) ဥယျာဉ် ၌
ခိုအောင်းပုပ်သိုးလျှက်ရှိသည်မှာ ကြာပြီဖြစ်သည်။ တပ်မက်မှုကြောင့် သူ(မ)အား ယဉ်ကျေးစွာ စိတ်ဖြင့်ပြစ်မှားမိသည်ကို
ကျွန်တော်တောင်းပန်ရန် လိုအပ်ပါသလား မိတ်ဆွေ။ ကျွန်တော် သူ(မ) နှင့် နွေဦးရာသီတို့သည်
သံတူကြောင်းကွဲများသာဖြစ်ခဲ့ကြသည်။ ထိုသို့ ဖြင့် ကျွန်တော် သူ(မ) နှင့် နွေဦးရာသီတို့သည်
စာလုံးပေါင်းများမှားယွင်းခဲ့ကြ၏။ ကျွန်တော် သူ(မ) နှင့် နွေဦးရာသီတို့  အက်ကွဲခြောက်သွေ့မှုကို
အပူတပြင်းရှာဖွေမိခဲ့ကြသည်။ စိုစွတ်မှုအား နားလည်ရန် ကျွန်တော် သူ(မ) နှင့် နွေဦးရာသီတို့ သူငယ်တန်းမှစ၍
ပြန်လည်သင်ယူရဦးမည်။ ရေမော်လီကျူး တစ်ခုချင်းစီတွင် ဟိုက်ဒြိုဂျင်အက်တမ်နှစ်လုံးနှင့် အောက်ဆီဂျင်အက်တမ်တစ်လုံးတို
့ပါဝင်နေကြကြောင်းကို ကျွန်တော် သူ(မ) နှင့် နွေဦးရာသီတို့ မသိရှိခဲ့ကြခြင်းမှာ နားလည်မှုဘာသာတွင် ကျရှုံးခဲ့ကြ၍ဖြစ်သည်။
ကျွန်တော် သူ(မ) နှင့် နွေဦးရာသီတို့သည် ဆယ်စုနှစ်၏ အိုဇုန်းလွှာပေါက်ကွဲမှုတွင် ထိပ်ဆုံးမှပါဝင်ခဲ့ကြသည်။
ကျွန်တော် သူ(မ) နှင့် နွေဦးရာသီတို့သည် ငရဲမီးများရောပြွန်းသော ငြီးငွေ့ဖွယ်ကိရိယာများသာ ဖြစ်ခဲ့ကြသည်။

လှပသောအိမ်မက်ဆိုးတစ်ခုအတွက် ကျွန်တော်အိပ်ရာစောစောဝင်ခဲ့သည်။
ဘင်လာဒင်နှင့် ဦးသန့်၊ ဆူနာမီနှင့် လေပြေညင်း၊ ကျွန်တော် သူ(မ) နှင့် နွေဦးရာသီတို့  အိပ်မက်ထဲ၌ ရောထွေးဆက်ယှက်စွာ
ကခုန်နေကြသည်။ တေးသွားသံစဉ်မှာ လွှမ်းပိုင်၏ တစ်ရာတန် သီချင်းဖြစ်မည်ထင်သည်။ (သဲကွဲထင်ရှားစွာမကြားရ)။
စံပယ်ဟုထင်၍ ကောက်ယူမွှေးရှိုက်မိသောအရာမှာ ကျွန်တော့်မျက်ရည်ဖြစ်နေသည်။ ထိုသို့ ဖြင့် နွေဦးရာသီတစ်ခုလုံး
စံပယ်များဖြင့်စိုစွတ်လျှက်ရှိတော့သည်။ ယနေ့ မှစ၍ကျွန်တော် နှင့်သူ(မ) အား သံတူကြောင်းကွဲစံပယ်များဟု
ပြောင်းလဲခေါ်ဝေါ်ကြပါရန် အသိပေးအပ်ပါသည်။

-----------------------------------------------------------------
အမြန်ပြန်လာပါ ရောဘတ်
- စစ်နိုင် -

နာ့စ်မတစ်ယောက်ယောက်က ငါ့နာမည်ကို ခေါ်လိုက်သလိုပဲ။ ဟုတ်ချင်မှဟုတ်မယ်။ မသေချာဘူး။
အပြင်မှာမိုးတွေ ရွာမနေရင်ကောင်းမှာ။ ငါငြိမ်ငြိမ်လေးထိုင်နေတာ ဘယ်လောက်ကြာပြီလဲ။ အမြန်ပြန်လာပါ ရောဘတ်။
သက်တမ်းတစ်ဝက်ကျော်ကျော်လောက် မပြောဖြစ်ခဲ့တဲ့စကားတွေ စုဗူးလေးထဲထည့်ထားတယ်။
ချောင်းတဟွတ်ဟွတ်ဆိုးတယ်။ မျက်ရိုးတွေကိုက်လာတယ်။

ငါ ဘယ်ခရီးမှမသွားဖြစ်တာကြာပြီ။ ငါသိမ်းထားတဲ့ရုပ်ရှင်လက်မှတ်တစ်ချို့အသက်ဝင်လာတယ်။
အနာဂတ်တွေသေသွားတယ်။ အမြန်ပြန်လာပါ ရောဘတ်။ ဒီအကြောင်းတွေသိကာစက ဝက်သစ်ချပင်ကြီး ရယ်တယ်။
စွန်ကြိုးလေးပြတ်သွားတယ်။ အမေရိကန်သမ္မတအပြောင်းအလဲဖြစ်တယ်။ ညဆယ့်နှစ်နာရီဟာ ၂ နှစ်တိတိကြာခဲ့တယ်။
ဒေါက်တာမိုးဇက်က ငါ့ကိုလိုက်ရှာနေတယ်။ ကော်ရစ်တာထောင့်က အုတ်နံရံဖြူဖြူကြီးပေါ်မှာ သွေးစက်တွေနဲ့ ငါ
ကဗျာရေးခဲ့တယ်။ ဒီနားတစ်ဝိုက်က လူတွေကို ငါတကယ်သဘောမကျဘူး။ ဒါကို ဘယ်သူမှ မရိပ်မိသေးဘူး။
အမြန်ပြန်လာပါ ရောဘတ်။ မနက်ဖြန်မနက်မှာ ငါ နေရောင်ခြည်နဲ့ ချိန်းထားတယ်။ ဝိုင်းနံပါတ် B3 နဲ့ ချိန်းထားတယ်။
Yellow Coffee Shop နဲ့ ချိန်းထားတယ်။
   
ဆေးစစ်ချက်အဖြေထဲမှာ ကျန်းမာရေးတွေပြန်ပါမလာဘူး။ လက်ကိုင်ပုဝါကို ဖြန့်ကြည့်တယ်။
Shopping Center တစ်ခုကိုတွေ့တယ်။ လေပြည်လေညင်းဟာ ငါ့လက်ထဲမှာ အမြစ်ပါကျွတ်ပြီး ပါလာတယ်။
အမြန်ပြန်လာပါ ရောဘတ်။ ၂၀၁၀ ဟာ အသက်ရှင်နေတုန်းပဲ။ ဆင်းဒဝစ်ခ်ျ တစ်ခုဟာ ဟိုဘက်ခေတ်ထဲကနေ
ငါ့လက်ထဲကို ပြုတ်ကျလာခဲ့တယ်။‘မင်္ဂလာပါ’ လို့ အစာအိမ်က နှုတ်ဆက်တယ်။ ကျောက်တုံးကြီးက မျက်ရည်ကျနေတယ်။
ဘုရားကျောင်းက ဝတ်ရွတ်သံတွေ ကြားမိတယ်။ တောင်ပေါ်လမ်းလေးကို လွမ်းမိတယ်။ အမြန်ပြန်လာပါ ရောဘတ်။
ဘေးအိမ်ကစန္ဒယားတီးသူဟာ ညဥ့်နက်သန်းခေါင်ထိ ဇွဲကောင်းဆဲ။ သူ့ ငါးမျှားချိတ်မှာ ကျော်ကြားမှုတွေ မိနေတယ်။
   
ဒီဆေးရုံကြီးက သိပ်ခြောက်ခြားစရာကောင်းတယ်။ မည်းနက်မှုဟာ စင်္ကြန်လမ်းလေးပေါ် ပြေးပြေးလွှားလွှား။
ငါ သတင်းစာဖတ်နေတယ်။ တစ်စုံတယောက်နဲ့ လက်ဆွဲနှုတ်ဆက်တယ်။ လူမည်းတစ်ယောက်ယောက်နဲ့ စကားလက်ဆုံ
ကျချင်စိတ်လည်း ဖြစ်နေတယ်။ ပန်းခြံခုံတန်းလျားလေးပေါ်က ဂျစ်ပစီလေးတစ်ယောက် လှမ်းပြုံးပြတာ မြင်ရတယ်။
အမြန်ပြန်လာပါ ရောဘတ်။ အောက်စဖို့ဒ် တက္ကသိုလ်ကြီး နေမကောင်းတာ ဖြစ်ဖို့များတယ်။
   
ဒေါက်တာမိုးဇက်က သိပ်စိတ်ပူတတ်တယ်။ ဒီရက်ပိုင်းအတွင်း မိုးကောင်းကင်အပြာကြီးကိုပဲ ငါ မော့ မော့ ကြည့်ဖြစ်တယ်။
လမ်းဘေးတီးဝိုင်းလေးတစ်ခု၊ ကလေး ၃ ယောက်ရဲ့ ဖျော်ဖြေမှု၊ ဓမ္မသီချင်းတွေဆို မင်း သိပ်ကြိုက်တတ်တယ်။ ဂီတာလည်း
ပုံမှန်တီးတတ်တယ်။ ငါ လမ်းကြုံတိုင်း လယ်စောင့်တဲလေးဆီ သွားတယ်။ ဂျုံခင်းတွေကို မင်း အကြောင်းတွေသွား,သွားပြောပြတယ်။
အမြန်ပြန်လာပါ ရောဘတ်။ နေကြာပင်တွေ အရွယ် ရောက်နေပေ့ါ။
   
သက္ကရာဇ်တွေ ပြောင်းသွားတယ်။ ဘေးအိမ်ကအဘိုးကြီး မျက်စိကွယ်သွားတယ်။ ဆိုဖီယာလေး တစ်ယောက်လည်း
စိတ်ကစားတတ်လာတယ်။ အမြန်ပြန်လာပါ ရောဘတ်။ မုန်တိုင်းအချင်းဟာ ပေ ၁၀၀ ၀န်းကျင်မှာ ရှိတယ်။ လူတွေ ဘေးလွတ်ရာကို
သွားကြတယ်။ ငါ့လက်ဖဝါးထဲ သွေးစ၊ သွေးနတွေ ပါလာတယ်။ စာပို့သမားလေးဟာ မင်းအကြောင်းကို မကြာခဏမေးတတ်တယ်။
ငါ့သွေးခုန်နှုန်းကို သူတို့ စမ်းသပ်ကြည့်ကြတယ်။ ငါ့အရှေ့မှာ ငါ ရပ်နေတာ တစ်ယောက်မှမမြင်ဘူး။ ငါ စာတွေပိုရေးဖြစ်လာတယ်။
ညဆို မအိပ်ဖြစ်တာများလာတယ်။ အမြန်ပြန်လာပါ ရောဘတ်။ ဒီရက်ပိုင်းအတွင်း ငါ ချောင်းတွေ သိပ်ဆိုးလာတာပဲ။
   
မင်းဓာတ်ပုံကို နံရံပေါ်မှာချိတ်ထားတယ်။ မင်းစိုက်ခဲ့တဲ့ထင်းရှူးပင်ရိပ်လေးမှာ ငါမကြာခဏသွားထိုင်တယ်။ ငါ့ဓားမြှောင်ရိုးမှာ
မင်းနာမည်ရှိတုန်းပဲ။ ကျောင်းတုန်းကအဖြစ်တွေ ပြန်သတိရမိတယ်။ နာ့စ်မလေးက ငါ့နာမည်ကို အော်ခေါ်တယ်။
အမြန်ပြန်လာပါ ရောဘတ်။ ငါ့မှာ ဆောင်းရာသီတွေ သိပ်မကျန်တော့ဘူး။ မီးလင်းဖိုကြီးလည်း ပြန်ပြင်ရဦးမယ်။
ငါနဲ့အတူတူ ဆေးရုံတက်တဲ့ သူငယ်ချင်းကပြောတော့ “ရောမ ခေတ်ကြီး သိပ်မှောင်တာပဲ” တဲ့။ ငါ့ကိုလည်း “အကူအညီလိုလား”
မေးတယ်။ အမြန်ပြန်လာပါ ရောဘတ်။ သံယောဇဉ်တွေ နေလောင်ရင် အရောင်ပြောင်းကုန်မယ်။
ဆုတ်ခေတ်ပဲဖြစ်ဖြစ်၊ ဆန်းခေတ်ပဲဖြစ်ဖြစ်၊ ကိုယ်ပိုင် အသံထွက်နဲ့ နေချင်တယ်။ “ခင်ဗျား ဆေးရုံတက်ရမယ်” လို့
ဒေါက်တာမိုးဇက်က ငါ့ကိုပြောတယ်။ လိမ္မော်ချိန်ရောက်လာတယ်။ ငါ ချောင်းဆိုးတိုင်း အနာဂတ်တွေ ရဲရဲနီအောင် ပါလာတယ်။
အမြန်ပြန်လာပါ ရောဘတ်။ င့ါဘောလ်ပင်လေး နေမကောင်းတော့ဘူး။ လမ်းမှာတွေ့တဲ့ကလေးတိုင်းကို ချောကလက်တွေ
ဝေပေးရင်း ငါမျက်ရည်ကျရတယ်။
   
တစ်ယောက်ယောက်က အကြံပေးလာတယ်။ ငြိမ်ငြိမ်လေးထိုင်နေမယ့်အစား ပန်းခင်းတွေကို ကြည့်နေပါလားတဲ့။
ငါ့ စွန်ကြိုးလေးပြတ်သွားတယ်။ ဘယ်သူမှမမြင်ဘူး။ ငါတစ်ယောက်တည်း လျှောက်မသွားဖြစ်တော့ဘူး။ အိပ်မက်တွေ
ကျိုးတိုးကျဲတဲပဲ မက်လာတယ်။ အမြန်ပြန်လာပါ ရောဘတ်။ မြေထဲပင်လယ်ကို သွား ကြမယ်။ နာတာလူးပွဲတော်ချိန်ကို
ရောက်ချင်တယ်။ လူအိုရုံတွေမှာ လုပ်အားပေးချင်တယ်။ စတိုးဆိုင်အကြီးကြီးတွေ တွေ့တိုင်း ဦးထုပ်သေးသေးလေးတွေ
ဝင်,ဝင် ဝယ်ဖြစ်တယ်။ ဘုန်းတော်ကြီး ဂျွန်ဟားဗက်စ် ကို သတိရတယ်။ အမြန်ပြန်လာပါ ရောဘတ်။ ငါ ပထမနှစ်စာမေးပွဲကို
ပြန်ဝင်ဖြေချင်တယ်။ ဒေါက်တာမိုးဇက်က ငါ့ဆေးစစ်ချက်ကို ကြည့်နေတယ်။ ငါက မင်းအကြောင်းကို တွေးနေတယ်။
အမြန်ပြန်လာပါ ရောဘတ်။ ဒီဆေးရုံကြီးလည်း မလုံခြုံတော့ဘူး။ အသက်ရှူသံတော်တော်များများကို ကုတ်အင်္ကျီအိတ်လေးထဲ
ငါထည့်သိမ်းထားရတယ်။ ဝက်သစ်ချပင်ကြီး  အိုလာတယ်။ သန်းခေါင်ယံအချိန်ကို လွန်သွားတယ်။ ငါက ဆေးရုံကုတင်ပေါ်မှာ
ငြိမ်သက်စွာ။ လက်ကိုင်ပုဝါလေးဟာ ကြမ်းပြင်ပေါ် လွင့်ဝဲကျသွားတယ်။ နာ့စ်မလေး ငိုနေပြီ။ ဒေါက်တာမိုးဇက် ဟာ
ဝမ်းနည်းမှုကို နားကြပ်လေးထဲ ထည့်သယ်သွားခဲ့တယ်။ မိသားစုဟာ မျက်ရည်အရွှဲသားနဲ့။ အမြန်ပြန်လာပါ ရောဘတ်။
Dimension တွေထဲကနေ ငါ လွတ်မြောက်လာခဲ့ပြီ။



+++++++++++++++++++++++++++++++++++++++++++++++++++++++

                                                                            ခရမ်းရိပ်ဟာသ

နောက်ဆုံးမေးခွန်း


စိတ်ကျန်းမာရေးဆေးရုံတစ်ခုတွင် ဝေဒနာပျောက်ကင်းပြီဟုထင်ရသော လူနာများအား ဆေးရုံဆင်းလက်မှတ်အတွက် စစ်ဆေးနေ၏။


ဒေါက်တာ။ ။ ခင်ဗျားကို မေးခွန်းလေးတွေမေးမယ်။ ခင်ဗျားဖြေနိုင်ရင် ခင်ဗျားဆေးရုံကဆင်းလို့ရပြီ။

လူနာ။ ။ ဟုတ်ကဲ့ မေးပါ။
ဒေါက်တာ။ ။ အခန်းတစ်ခန်းထဲမှာ သိပ်လှတဲ့ကောင်မလေးတစ်ယောက်နဲ့ ခင်ဗျားကို နှစ်ယောက်ထဲထားမယ်ဆိုရင် ခင်ဗျားဘာလုပ်မလဲ။
လူနာ။ ။ ကျွန်တော်ပထမဆုံး သူ့ကိုစကားပြောပြီးစည်းရုံးမယ်။
ဒေါက်တာ။ ။ ဟုတ်ပြီ
လူနာ။ ။ ပြီးတော့သူကြည်ဖြူလာရင် သူ့ပုခုံးလေးကိုကိုင်ပြီးနမ်းမယ်။
ဒေါက်တာ။ ။ ဟုတ်ပြီ ပြီးတော့..
လူနာ။ ။ ပြီးတော့ သူ့အင်္ကျီလေးကိုချွတ်လိုက်မယ်။
ဒေါက်တာ။ ။ အင်း.. ဆက်ပါဦး…
လူနာ။ ။ သူ့အောက်ကစကတ်ကိုလည်းချွတ်လိုက်မယ်။
ဒေါက်တာ။ ။ ပြီးတော့ကော..
လူနာ။ ။ ပြီးတော့… သူ့အတွင်းခံအင်္ကျီနဲ့ အတွင်းခံဘောင်းဘီကိုလည်းချွတ်လိုက်မယ်။
ဒေါက်တာ။ ။ ဒီအတိုင်းဆို ခင်ဗျားအခြေအနေတော်တော်ကောင်းနေပါပြီ။ နောက်ဆုံးခင်ဗျားဘာလုပ်မလဲ။
လူနာ။ ။ နောက်ဆုံး… အင်း .. လွယ်ပါတယ်။ ကြိုးတပ်ပြီး လေးခွလုပ်ပစ်မယ်။
----------------------------------------
သူ့ဆုတောင်း


ပင်လယ်တစ်ခုတွင်း ခရီးသွားသင်္ဘောတစ်စင်းပျက်ရာမှ လူသုံးဦးသည် ကျွန်းတစ်ခုသို့ အတူတကွရောက်လာကြ၏။ ထို့ကြောင့် အတူတကွ အစာရေစာအတွက် လိုက်လံရှာဖွေရာမှ မီးခွက်တစ်လုံးကို တွေ့ရှိကြ၏။ မီးခွက်ကြီးကို ဖွင့်လိုက်သောအခါ အတွင်းမှ အငွေ့တထောင်းထောင်းနှင့် မီးခွက်စောင့်ဘီလူးကြီးထွက်လာ၏။


မီးခွက်စောင့်ဘီလူး။ ။ မိတ်ဆွေတို့ သင်တို့နှစ်သက်ရာ ဆုတစ်ဆုစီ တောင်းကြပါ။ ကျွန်ုပ် ဖြည့်ဆည်းပေးပါမည်။

ပထမလူ။ ။ ခင်ဗျားတကယ်ပြောတာလား။ ဒါဆို ကျုပ် ကိုယ့်နိုင်ငံကို ကိုယ်ပြန်ရောက်ချင်တယ်။
မီးခွက်စောင့်ဘီလူး။ ။ ဖြစ်စေ။

ပထမလူ ပျောက်ကွယ်သွား၏။


ဒုတိယလူ။ ။ ကျွန်တော်က ကျွန်တော့်နိုင်ငံမှာ ဘီလီယံနာသူဌေးကြီးဖြစ်ချင်တယ်။

မီးခွက်စောင့်ဘီလူး။ ။ ဖြစ်စေ။

ဒုတိယလူပျောက်ကွယ်သွား၏။


တတိယလူ။ ။ မီးခွက်စောင့်ဘီလူးကြီး ကျုပ်ဆုတောင်းရင် ခင်ဗျားတကယ်ဖြည့်ပေးမှာလား။

မီးခွက်စောင့်ဘီလူး။ ။ ဖြည့်ပေးမှာပေါ့။ ခုနကလူနှစ်ယောက်တောင် ဆုတောင်းပြည့်သွားကြတာ ခင်ဗျား အမြင်ပဲမလား။
တတိယလူ။ ။ အင်းဟုတ်ပြီ။ ဒါဆို အခု ကျွန်တော် တစ်ယောက်ထဲ ပျင်းတယ်ဗျာ။ ခုနကလူနှစ်ယောက်ကို ပြန်ခေါ်ပေး။
-----------------------------------------------
သူ့အဖြေ


ဆရာမ။ ။ ရှမ်းပြည်နယ် တောင်ပိုင်းရဲ့မြို့တော်က ဘာမြို့လဲ။

ကျောင်းသား။ ။ တောင်ကြီးပါ ဆရာမ။
ဆရာမ။ ။ ဟုတ်ပြီ။ ဒါဆို ရှမ်းပြည်နယ် မြောက်ပိုင်းရဲ့မြို့တော်ကကော။
ကျောင်းသား။ ။ မြောက်ကြီးပါ ဆရာမ။
-----------------------------------------------
ဖြစ်ပုံက


ညသန်းခေါင်အချိန် စာကြည့်တိုက်မှူးဆီသို့ တယ်လီဖုန်းလာလေသည် ။


ဖုန်းခေါ်သူ။ ။ စာကြည့်တိုက်ဘယ်အချိန်ဖွင့်သလဲခင်ဗျ ။

စာကြည့်တိုက်မှူး။ ။ မနက်ကိုးနာရီ ဖွင့်ပါတယ် ။ ခင်ဗျားဘယ်လိုစိတ်ကူးနဲ့ ညအချိန်မတော်ကြီးဖုန်းဆက်တာလဲ။
ဖုန်းခေါ်သူ။ ။ အခု ကိုးနာရီမထိုးသေးဘူးလားဗျ။
စာကြည့်တိုက်မှူး။ ။ မထိုးသေးဘူး .. ဘာလို့ကိုးနာရီမထိုးသေးခင် စာကြည့်တိုက်ထဲဝင်ချင်တာလဲ ။ မနက်မှ အေးအေးဆေးဆေးလာပေါ့ ။
( စာကြည့်တိုက်မှူး မှ ဒေါသဖြစ်သောလေသံဖြင့် ပြန်ဖြေ၏ ။ )
ဖုန်းခေါ်သူ။ ။ စာကြည့်တိုက်ထဲဝင်ချင်လို့မဟုတ်ပါဘူး။ ကျွန်တော် စာကြည့်တိုက်ထဲကထွက်ချင်လို့ပါ ။
---------------------------------------------------
ဒါလဲ ဟုတ်တာပဲ


( Biology စာသင်ခန်းတစ်ခုတွင်ဖြစ်သည် )


ဆရာမ။ ။ ဖိုးစီ . . . သွားမရှိတဲ့ သက်ရှိနှစ်မျိုးလောက် ပြောပြပါ ။
ဖိုးစီ။ ။ အဘိုး နဲ့ အဘွား ပါ ဆရာမ ။

+++++++++++++++++++++++++++++++++++++++++++++++++++++++

                                                            ၀တ္တုတို
 
ဒဏ်ရာ
- လျံနိုး -

မောင့်ကို ချစ်တယ် …
ေ မာ င့် ကို  ချ စ် တ ယ် …
ေ  မာ  င့်  ကို   ချ  စ်  တ  ယ် …
. . . .  . . . .  . . . . . .   ။။။။။။။။။။။။။။
အသံဖိုင်ကို သူ ပိတ်လိုက်သည်။ ဒီစကားသံကို ကြားတိုင်း ကြည်နူးပီတိအပြုံး မပြုံးမိအောင် ထိန်းထားပါလျက်နဲ့
ပြန်ပြန်ပြုံးမိနေတဲ့အခါ အခုချိန်ထိ မမေ့နိုင်ကောင်းလား၊ စိတ်မနာနိုင်သေးရကောင်းလားဆိုပြီး သူ့ကိုယ်သူ
ဒေါသအပြင်းအထန်ထွက်သွားမိသည်။
သူ ဆိုသူ၏ အမည်မှာ သုခ ဖြစ်ပြီး သူ(မ) ဆိုသူ၏ အမည်မှာ ရတနာ ဖြစ်ပါသည်။ သုခနှင့် ရတနာတို့ ချစ်ခြင်းကိုယ်စီနဲ့
တွေ့ဆုံခဲ့ပါသည်။ စိတ်လွတ်ကိုယ်လွတ်ချစ်ခဲ့ကြပါသည်။ ဒါပေမဲ့ လူ့ဓမ္မတာအတိုင်းဆိုရမလား။ သုခရတနာတို့ရဲ့
တွေ့ဆုံခြင်းပြီးတဲ့အခါ ချစ်လျက်နဲ့ပဲ ခွဲ/ကွဲ ခွာ/ကွာ ခြင်းလည်း ဖြစ်ပျက်ဖို့ အခြေအနေက အကြောင်းဖန်လာတော့သည်။
ဒီလိုမဆုံနိုင်အောင် ဝေးသွားကြတဲ့အခါ …။
ရတနာ မျက်ရည်စစနှင့် သုခ ကို နှုတ်ဆက်နေခဲ့တဲ့အချိန် သုခ စကားတစ်ခွန်းမှ ပြန်မပြောခဲ့ပါ။ ဘာပြန်ပြောရမှန်းလည်း မသိပါ။
စကားလုံးတစ်လုံးတလေမှလည်း ထွက်အောင် မပြောနိုင်ခဲ့ပါ။ တကယ်လို့ သုခသာ ရုပ်ရှင်မင်းသား ဖြစ်ခဲ့လျှင် ဒါရိုက်တာက
သုခကို “မသွားပါနဲ့” (သို့) “ကိုယ့်ကိုယ်ကို ဂရုစိုက်ပါ” စတဲ့ စကားတစ်ခွန်းခွန်းကို ပြောခိုင်းမှာ ဖြစ်သည်။ ဒါပေမဲ့ ဒီဇာတ်လမ်းမှာ
ဒါရိုက်တာ မရှိပါ။ ဇာတ်ညွှန်းမရှိပါ။ မထင်မှတ်ဘဲ ဖြစ်ပေါ်လာတဲ့/ပြင်ဆင်ချိန်မရလိုက်တဲ့ ကိုယ်ပျောက်ကင်မရာမင်းရဲ့ လျှပ်တပြက်
ရိုက်ချက်တွေသာ ဖြစ်သည်။ ဆဲဆိုသံများ၊ ဒေါသများ နှင့် နှုတ်ဆက်ခဲ့တဲ့ လမ်းခွဲမဟုတ်ဘဲ၊ ချစ်လျက် နဲ့ ကွဲခဲ့တဲ့
ကကြိုးပျောက်လမ်းခွဲလေးသာ ဖြစ်ခဲ့သည်။ အခြေအနေအရ တာ့တာပြလိုက်ရတဲ့ လမ်းခွဲလေးသာ ဖြစ်ခဲ့သည်။
………………………………………………………..

“လောကကြီးမှာ မိန်းကလေးတွေ အများကြီးပဲ၊ ကြိုက်တဲ့တစ်ယောက် ရွေးယူ …”
“ကမ္ဘာကြီးက ကျဉ်းကျဉ်းလေးပါ ကံမကုန်ရင် ပြန်ဆုံမှာပေါ့ …”
“သိပ်ကြီးလည်း ခံစားမနေပါနဲ့ကွာ ဒါမျိုးမင်းကြုံရဦးမှာပါ …”
“၀ုန်းဒိုင်းကြဲခံစားပစ်လိုက် ဟေ့ရောင်၊ ဒီကိစ္စကို မျက်ရည်နဲ့ မျောချလိုက် …”
ပြန်တွေ့ရင်လည်း ပြန်မချစ်တော့မယ့် စိတ်မျိုးနဲ့ ရတနာ့ကို သူ့ဘဝရဲ့ အရေးပါအရာရောက်နေရာက အမြန်ဆုံး ထုတ်ပစ်ဖို့
သုခ ခက်ခက်ခဲခဲ ဆုံးဖြတ်ချက်ချလိုက်ပါသည်။ ပတ်ဝန်းကျင်ဖိအားကြောင့်လည်း မဟုတ်ပါ၊ အလေးအနက်မချစ်လို့လည်း မဟုတ်ပါ၊
စွန့်ပစ်ခံရခြင်းဒဏ်ရာအတွက် အကောင်းဆုံးကုသနည်းကို အကောင်းမြင်ဝါဒဖြင့် ရွေးပြီး ဆုံးဖြတ်ချက်လိုက်ခြင်းသာ ဖြစ်ပါသည်။
ရတနာ နှင့် ပြန်တွေ့နိုင်ပါသည်။ ဒါပေမဲ့ မသေချာ။ ပြန်တွေ့ရင်လည်း ဒီတိုင်းဆက်ချစ်နေဖို့ မသေချာ။ မျက်နှာချင်းဆိုင်
တွေ့နေရင်းလည်း အနေအေးလျှင် သွေးအေးသွားတတ်တာ မဟုတ်လား။ အနေဝေးတဲ့ လူတွေအဖို့တော့ … ။
နောက် ကိစ္စအားလုံးထဲကနေ မသေချာမှုတစ်ခုပဲ လုံးဝသေချာတဲ့အကြောင်း သင်ခန်းစာ ရလိုက်လို့ ဆုံးဖြတ်လိုက်တာလည်း
ဖြစ်သည်။ မသေချာမှုနောက်တစ်ခုက ရတနာအဖြေပေးတဲ့နေ့တုန်းက ရတနာ့အသံကို သွင်းထားခဲ့တဲ့ ဖုန်းထဲက အသံဖိုင်လေးကို
ဖျက်ပစ်သင့်၊ မဖျက်ပစ်သင့်။ ဒဏ်ရာကို ကုစားဖို့အတွက် အချိန်နှင့် ဆေးဝါးလိုအပ်သလို၊ အခု ရတနာ့ဆီကရတဲ့
ဒဏ်ရာကိုကုစားဖို့အတွက်၊ အချိန်နှင့် အသံဖိုင်လေး လိုအပ်ကောင်းလိုအပ်လိမ့်မည် ဖြစ်သည်။ ယတိပြတ်ဖြတ်တောက်လိုက်တဲ့
အရာအားလုံးမှာ အထိနာမှုတွေ ရှိပါသည်။ ဒါကြောင့် ဒီအသံဖိုင်လေးကို ဖျက်ပစ်လိုက်တဲ့အခါမှာလည်း သုခအတွက် အထိနာမှုတွေ
ရှိမည် မရှိမည်ကို မသေချာတဲ့ အတွက်ကြောင့်လည်း အသံဖိုင်လေးကို ဆက်သိမ်းထားပြီး သတိရတဲ့ ဒဏ်ရာကို ကုစားရန်
ဆုံးဖြတ်ချက်ချလိုက်သည်။
…………………………………………………………………

“သား … သား သား ထတော့လေ … ၈ နာရီထိုးနေပြီ နေမြင့်နေပြီ သားရဲ့။ သား သား ထတော့”
အသံရှင်ကိုမမုန်းပါရက်နှင့် ဒီစကား/အသံကို သုခ အရမ်းမုန်းပါသည်။ နောက် အိပ်ချင်မူးတူးနှင့် မျက်စိပင်မဖွင့်ပဲ ပြန်ဖြေလိုက်သည်။
“ဟာ အမေကလည်းဗျာ ခဏလေးပါဗျ .. ညက ကျနော် အိပ်ရာဝင်နောက်ကျလို့ ခဏလေး” ဆိုပြီး အသိစိတ် နှင့်
အကြားအာရုံများကို ဒုန်းဒုန်းချပိတ်ပြီး ဆက်အိပ်လိုက်သည်။
သူ့အိပ်ချိန်ကို အနှောင့်အယှက်ပေးတဲ့ အရာအားလုံးကို ခဏတာဖြစ်ဖြစ် တစ်ဘဝစာဖြစ်ဖြစ် သုခ အလွန်တရာ မုန်းတီးတတ်ပါသည်။
………………………………………………………………………….

နောက်ဆုံး အချိန်အကြာကြီးနေမှ သက်သာရာမရတဲ့အခါ၊ သက်သာရာရလိုရငြား အကြံဥာဏ်ကောင်းရလိုရငြား
သူ့အကြောင်းကို သူ့ကိုယ်သူသိသလောက်နီးနီးသိတဲ့ အဝေးမှာနေတဲ့ ငယ်သူငယ်ချင်း လမင်းထွန်းကို ဖြစ်ကြောင်းကုန်စင်
ပြောပြလိုက်မိလေသည်။ ရင်ဖွင့်ခြင်း လို့လည်း အမည်တပ်လို့ ရပါသည်။
……………………………………………………………………………..

မောင့်ကို ချစ်တယ် …
ေ မာ င့် ကို  ချ စ် တ ယ် …
ေ  မာ  င့်  ကို   ချ  စ်  တ  ယ် …
. . . .  . . . .  . . . . . .   ။။။။။။။။။။။။။။
ဒီအသံကြားတော့ ပီတိအပြုံးတစ်ဝက် ညည်းညူသံတစ်ဝက်နှင့် သုခ နိုးလာပါသည်။ ဒီအသံကို သုခ အရမ်းချစ်ပါသည်။
အရမ်းချစ်လို့ပဲ သွင်းထားခဲ့တာ မဟုတ်လား။ ညည်းညူသံအပြီး ခေါင်းကြည်သွားတော့ အသံကို ထပ်ခါ နားထောင်မိပြီး
ထပ်ခါ ပြုံးမိပါသည်။ ရတနာ့ကို စိတ်မနာနိုင်သေးပါ။ အရမ်းချစ်ပါသည်။ ဒါပေမဲ့ ….။
……………………………………………………………………………………………

သုခ အသံသွင်းစက်ထဲက အသံလေးကို မနက်ခြောက်နာရီအချိန်နှိုးစက်လုပ်ပြီး နိုးထပါသည်။ ဒုတိယနေ့ နိုးထပါသည်။
တတိယနေ့ နိုးထပါသည်။ စတုတ္ထနေ့ နိုးထပါသည်။ ပဉ္စမနေ့ နိုးထပါသည်။ ဆဌမနေ့ နိုးထပါသည်။ သတ္တမနေ့ နိုးထပါသည်။
……………………………………………………………………………………………..

ဒုတိယအပတ်ရဲ့ ပထမနေ့တွင်
မောင့်ကို ချစ်တယ် …
ေ မာ င့် ကို  ချ စ် တ ယ် …
ေ  မာ  င့်  ကို   ချ  စ်  တ  ယ် …
. . . .  . . . .  . . . . . .   ။။။။။။။။။။။။။။
ဒီတစ်ခါတော့ သူ မပြုံးနိုင်တော့ပါ။ အသက်ကို အကြာကြီးရှူသွင်းလိုက်ပြီး သက်ပြင်းကို ပြင်းထန်လေးလံစွာ ချလိုက်သည်။
သုခ ခက်ခက်ခဲခဲ နိုးထရှာပါသည်။ စိတ်ထဲတွင် သူ အလွန်တရာချစ်မြတ်နိုးခဲ့သော ရတနာကိုယ်တိုင် သူ့ကို လှုပ်နှိုးလိုက်သလို
သဘောနှင့် သူ အိပ်ရာမှ ထပါသည်။ ဒါပေမဲ့ ဒီအသံကို အမိန့်တစ်ခုလို သဘောထားမိသောကြောင့်
အနည်းငယ်စိတ်ပျက်/ညစ်မိသည်။ ဒါပေမဲ့ ဒီအမိန့်သံသည် ပျားသကာထက် ချိုမြိန်သည်။ နူးညံ့သည်။
……………………………………………………………………………………………….

တတိယအပတ် ပထမနေ့တွင်
မောင့်ကို ချစ်တယ် …
ေ မာ င့် ကို  ချ စ် တ ယ် …
. . . .  . . . .  . . . . . .   ။။။။။။။။။။။။။။
အသံဖိုင်မှာ သုံးခါပင် ပြန်မကြော့ရသေး။
“ဟာကွာ” ဆိုသော ဒေါသအသံနှင့်၊ အိပ်နေရာမှ ဝုန်းဒိုင်းကြဲ မတ်ခနဲ ထထိုင်လိုက်သည်။ သုခ သည်းမခံနိုင်တော့ပါ။
ခက်ခက်ခဲခဲထခဲ့ရတဲ့ မနက်ပေါင်းလည်း များလှပြီ။ ဒီတစ်ခါတော့ စိတ်လွတ်ကိုယ်လွတ် ဒေါသတကြီး အော်လိုက်မိသည်။
ငယ်အကျင့်ကို ဘယ်လောက်ချစ်ချစ် ဘယ်သူပြုပြင်ပေးလို့ ရမှာလဲ။ ပြုပြင်လည်း ခဏပေါ့။ ခဏလေးနဲ့လည်း ဘယ်သူမှ
မပြုပြင်နိုင်ဘူး။
……………………………………………………………………………….

ဒုတိယလ ဒုတိယပတ်၏ ဒုတိယမြောက်နေ့တွင် ..
မောင့်ကို ချစ်တယ် ..
နှစ်ခါပင် မကြော့ရသေး။ အသံမကြားရခင် အသံကြားမှာကြောက်ပြီး နိုးနေနှင့်သော သုခ “တောက်” ဟု ဒေါသဖြင့်
မြည်တွန်တောက်တီးပြီး၊ စိတ်နာနာနဲ့ ဖုန်းကို ပစ်ခွဲပစ်လိုက်သည်။ သည်းညည်းမခံနိုင်တော့ပါ။ ဒီနေရာမှာ ရတနာသာဆိုလည်း
အော်ဟစ်ပြီး တစ်ခုခုနဲ့ ပစ်ပေါက်မိမှာ အမှန်ပဲ။ နောက် စိတ်ပူပြီး အခန်းထဲပြေးဝင်လာတဲ့ အမေ့ကိုတွေ့မှ
အသိစိတ်ပြန်ဝင်လာသည်။ရတနာ့အသံကို မကြားချင်တော့ပါ။ လွမ်းစရာလေးများရှိလာလျှင်လည်း အသံကြားပြီး
ခက်ခက်ခဲခဲထရသော မနက်ခင်းအဖြစ်အပျက်စိတ်နာစရာများကို ပြန်တွေးမိပြီး သတိရတဲ့စိတ်များက အလိုလိုကုန်သွားသည်။
အသံဖိုင်လေးကို နားထဲ ပြန်ကြားယောင်မိတဲ့အခါတိုင်းလည်း ဒေါသထွက်ပြီး ပျို့ချင်ချင် ဖြစ်မိသည်။
အချိန်က စိတ်ဒဏ်ရာကို ကုစားသွားမည် ဆိုတဲ့စကားမှာ မမှန်ပါ။ ဘယ်လိုဒဏ်ရာဖြစ်ဖြစ်(မြင်နိုင်/မမြင်နိုင်)
ကုသနည်း/ကုထုံး လည်း လိုအပ်ပါသည်။
………………………………………………………………………………………………………..

စာကြွင်း။    ။ ဒဏ်ရာရသူ/သုခ၏ စိတ်နေသဘောထားကို အခြေခံပြီး သုခ ကို အကောင်းဆုံးစိတ်ကုထုံးပေးခဲ့တဲ့
လမင်းထွန်းကို စိတ်ဒဏ်ရာရှင်းရှင်းပျောက်တဲ့နေ့မှာ  သုခ ကျေးဇူးတင်စကားပြောလိုက်လေသည်။

----------------------------------------------------------------- 

ရီရယ်လစ်ဇင် အယ်လ်ဘမ်
- ဆူးခက်မင်း -

ဦးရဲစိုးထွန်း အိမ်ရှေ့ရေကပြင်တွင်ထိုင်၍ ဆေးပေါ့လိပ်ဖွာနေသည်။ သူ့ပုံစံကို ကြည့်ရသည်မှာ အေးအေးလူလူရှိလှသည်။
နကိုကတည်းကပင် အေးအေးလူလူနေတတ်သော စရိုက်ရှိ၍ဖြစ်၏။ တကယ်တမ်းလည်း အေးအေးလူလူနေသော
ဦးရဲစိုးထွန်းဖြစ်သည်။ ဇနီးသည်မရှိတော့သည့်နောက်ပိုင်း သားတစ်ယောက် သမီးတစ်ယောက်ဖြင့် အေးအေးလူလူနေလာခဲ့သည်။
သမီးအကြီးမ နာမည်က အေးအေး ဖြစ်ပြီး၊ သားအငယ်နာမည်က လူလူ ဖြစ်သည်။ ဦးရဲစိုးထွန်း အိမ်ရှေ့ရေကပြင်တွင်ထိုင်၍
အေးအေးလူလူ ဆေးပေါ့လိပ်ဖွာနေသည်။

ဦးရဲစိုးထွန်းသည် များသောအားဖြင့် ခွေးစကားပြောတတ်သည်။ သူ့အိမ်တွင် မွေးထားသော ခွေးကလေး
အစားသောင်းကျန်းကြောင်း၊ ညရေးညတာ စိတ်ချရကြောင်း၊ လူစိမ်းမြင်လျှင် ထိုးဟောင်တတ်ကြောင်း၊ စသည်ဖြင့်
ခွေးစကားများ ပြောခြင်းဖြစ်၏။ ထိုခွေးကလေးကို ဧက ဟု အမည်ပေးထားလေသည်။ ဦးရဲစိုးထွန်း သူ့ခွေးကလေး ဧကနှင့်
ပတ်သက်၍ ဂုဏ်ယူဝံ့ကြွားစွာ ပြောလေ့ရှိသည်မှာ “တစ်ကောင်တည်းပဲ .. ဒါပေမယ့် ဧက” ဟူ၏။

ဦးရဲစိုးထွန်းသည် တစ်ခါတရံတွင် တရားစကားလည်း ပြောတတ်၏။ တစ်ခါသား ရပ်ကွက်ထဲမှ အရက်သမား အောင်စည်သူက
အရက်ဖိုး ငွေနှစ်ရာချေးပြီး ပြန်မပေးဘဲ မလှိမ့်တပတ်လုပ်နေသောကြောင့် တရားစွဲမည်ဟု ခြိမ်းခြောက်လေသည်။ အောင်စည်သူမှာ
ထိုကိစ္စကို အခဲမကြေဘဲ ဦးရဲစိုးထွန်း၏ ခွေးကလေး ဧက ကိုသတ်ပြီး အရက်နှင့်မြည်းရန် ချက်စားမည် ကြံနေလေ၏။
အခွင့်မသာသေးသောကြောင့်သာ တော်ရော့သည်။

အေးအေးသည် ရပ်ကွက်ထိပ်တွင် ဆိုက်ကားနင်းသော ကျော်ကျော်ရှိန်းနှင့် မေတ္တာမျှနေလေသည်။ အေးအေးသည် ဦးရဲစိုးထွန်း၏
သမီးအကြီးမ ဖြစ်၏။ အေးအေးနှင့် ကျော်ကျော်ရှိန်းတို့ လမ်းထိပ်မီးကင်းတဲ၌ ချိန်းတွေ့နေချိန်တွင်၊ လူလူမှာ ဟိုဘက်ရပ်ကွက်ရှိ
အရက်ဖြူဆိုင်တွင် ပုလင်းထောင်နေသည်။ သူနှင့်သောက်ဖော်သောက်ဖက်မှာ သူ့ကိုယ်သူ မော်ဒန်လူငယ်ဟု ကြေငြာထားသော
စာရေးဆရာ စစ်နိုင်ဖြစ်၏။ သူ့ကိုယ်သူ စာရေးဆရာဟု ကြေငြာထားသဖြင့်သာ စာရေးဆရာ စစ်နိုင်ဟု ပညတ်ပြုရသော်လည်း၊
သင်း ဘာစာတွေရေးမှန်း လူလူ မသိချေ။ သူရေးသော စာများကိုလည်း မဖတ်ဖူးချေ။ သို့သော် သူ့လို ချာတိတ်ကို အဖက်လုပ်ပြီး
ပေါင်းတာ ဆိုလို့ ဒီစာရေးဆရာဟူသည့် အူကြောင်ကြောင်ငနဲတစ်ယောက်ပဲ ရှိသဖြင့် လူလူ့အတွက်တော့ ကျေနပ်စရာပင်။

မေဝိုင်း လမ်းကို ခပ်သွက်သွက်လျှောက်နေသည်။ တစ်နေ့လုံး အလုပ်မှာ ပင်ပန်းခဲ့သဖြင့်၊ ဗိုက်ထဲမှ
ဆာလှသည်လည်း တစ်ကြောင်း၊ ရေမိုးချိုးပြီး အိပ်စက်အနားယူချင်နေပြီလည်း ဖြစ်သဖြင့် ခြေလှမ်းကို မြန်နိုင်သမျှမြန်အောင်
လျှောက်နေခြင်းဖြစ်၏။ မေဝိုင်းနှင့် အေးအေးမှာ ကျောင်းတုန်းကတည်းက ခင်မင်ခဲ့သော သူငယ်ချင်းများ ဖြစ်သည်။
မေဝိုင်း အိမ်အပြန်လမ်းတွင် ကျော်ကျော်ရှိန်းနှင့် တွေ့ပါက ဆိုက်ကားအလကားစီးရလေ့ရှိ၏။ သူ့ကောင်မလေး၏
သူငယ်ချင်းမို့၊ ကျော်ကျော်ရှိန်းက ဆိုက်ကားဖြင့် လိုက်ပို့ပေးခြင်းဖြစ်သည်။ ဒီနေ့တော့ ကျော်ကျော်ရှိန်းနှင့် အေးအေးတို့
လမ်းထိပ်မီးကင်းတဲမှာ ချိန်းတွေ့နေသဖြင့် မေဝိုင်း လမ်းလျှောက်ပြန်လာရ၏။

ဦးရဲစိုးထွန်း သောက်လက်စ ဆေးပေါ့လိပ်မှာ စက္ကူပတ်နားထိ ရောက်နေပြီဖြစ်သည်။ အင်္ကျီအိတ်ကပ်ထဲ စမ်းကြည့်တော့
ဆေးလိပ်လက်ကျန် မရှိတော့ချေ။ ကဗျာဆရာတင်မိုး၏ ကဗျာတစ်ပုဒ် အမှတ်ရသွားသည်။
“ဆေးလိပ်လည်း တို ၊ နေလည်း ညိုပြီ ၊ ငါ့ကို ပြန်ပို့ကြပါလေ” ဟူသော ကဗျာဖြစ်၏။ ဆေးလိပ်လည်း တိုချေပြီ။
နေက ညိုရုံမက တော်တော်ပင် မှောင်မည်းနေပြီ။ ကိုယ့်ဟာကိုယ် အိမ်ရှေ့ရေကပြင်မှာ ထိုင်နေခြင်းဖြစ်သဖြင့်
ဘယ်သူ့ကိုမှလည်း ပြန်ပို့ခိုင်းစရာအကြောင်းမရှိ။ ကိုယ့်ဟာကိုယ် အိမ်ထဲဝင်ရုံပင်။ ကဗျာနှင့် ဘယ်လိုမှ မပတ်သက်။
ဆေးပေါ့လိပ်ကို မီးသတ်ပြီး အိမ်ထဲဝင်လာခဲ့သည်။ ခွေးကလေး ဧကကို အစာကျွေးရဦးမည်လေ။

ကျော်ကျော်ရှိန်းက သူနှင့် တစ်ခါတည်း ခိုးရာလိုက်ခဲ့ဖို့ အေးအေးကို ပြောသည်။ အေးအေးက အဖေ့ကိုကြောက်ကြောင်း၊
အဖေ သိသွားလျှင် သတ်မည်ဖြစ်ကြောင်း ပြော၏။ နောက်ဆုံးတော့ ကျော်ကျော်ရှိန်း လက်မှိုင်ချရသည်။ အချိန်လည်း
မနည်းတော့သဖြင့် သူမ ပြန်တော့မည်ဟု အေးအေးက ပြောရာ၊ ကျော်ကျော်ရှိန်းက ထုံးစံအတိုင်း
နှုတ်ဆက်သွားရန် တောင်းဆိုသည်။ ထို့နောက် သူမတို့နှစ်ဦး မျက်နှာချင်း နီးကပ်သွားလေသည်။ ည၏ အမှောင်ထုထက်
မီးကင်းတဲ၏ အမှောင်ရိပ်က ပိုမိုမည်းနက်လွန်းသယောင်။

လူလူ အတော်ရေချိန်ကိုက်နေပြီ။ စာရေးဆရာစစ်နိုင်မှာ သူ့မြင်ကွင်းတွင် နှစ်ထပ်ဖြစ်နေသည်။ ဒီငနဲ ပြောနေသော
ဒိုင်ကြောင်စကားလုံးတွေကိုလည်းမကြားတစ်ချက် ကြားတစ်ချက်။ အနုပညာသည် ပြည်သူ့အတွက် ဆိုတာလည်း ပါသည်။
နိုင်ငံရေးအသိ ရှိကြရမယ် ဆိုတာလည်း ပါသည်။ ဒီမိုကရေစီ ဆိုလား၊ ဘာဆိုလား အဲ့ဒါတွေလည်း ပါသည်။
သူ့အနေနဲ့တော့ ဒီငနဲ ပြောတာတွေ ဘာတစ်ခုမှ နားမလည်။ သူ သိတာ တစ်ခုပဲရှိသည်။ သူ အိပ်ချင်လှပြီ။

အိမ်ပြန်ရောက်ရောက်ချင်း ရေချိုးလိုက်သည်မို့ မေဝိုင်းတစ်ယောက် တော်တော်လန်းသွားသည်။
တစ်နေ့လုံး ပင်ပန်းနုံးချိထားသမျှ လျော့ပါးသွားရသည်။ သူတို့ အထည်ချုပ်လုပ်ငန်းဆိုတာကလည်း တစ်နေကုန်
တကုပ်ကုပ် ထိုင်ရာမထ ချုပ်နေရသည်မို့ အညောင်းမိလှ၏။ လစာနည်းသော်လည်း စက်ချုပ်သည်ကလွဲရင်
ဘာမှမလုပ်တတ်သည်မို့၊ ဒီအလုပ်ကိုပဲ အားတင်းလုပ်နေရသည်။ အခြားနိုင်ငံတွေမှာလို စက်ရုံမှဘဝတူအလုပ်သမများ
စုပေါင်းပြီး လစာတိုးမြှင့်ပေးရန် ဆန္ဒပြတောင်းဆိုလျှင် ကောင်းမလား ဟု တွေးမိ၏။ ဟော .. ဗိုက်ထဲက ဆန္ဒပြ၍ တောင်းဆိုနေပြီ။
သူမရဲ့အမေ ဘာဟင်းချက်ထားသလဲ မသိ။ နောက်ဖေးမီးဖိုချောင်ထဲဝင်ပြီး ဇကာအုပ်ဆောင်းကို လှန်လိုက်သည်။
ကန်စွန်းရွက်ကြော်နှင့် ငပိရည် တို့စရာ။ သူမ,ကြိုက်သော ဒညင်းခွက်ကြော်လည်း ပါသည်။ ဒီနေ့တော့ ထမင်းစားမြိန်ဦးမည်လေ။
-----------------------------------------------------------------
 ခင်ဗျားဟာဧည့်သည်တစ်ယောက်ဖြစ်တယ်
- သူဝေး -

အကြောင်းကြောင်းကြောင့် ဒီနေရာကိုခင်ဗျားရောက်ရှိလာနိုင်ပါတယ်။ကျယ်ပြန့်မက်မောဖွယ်ကောင်းတဲ့
အဝါရောင်ပန်းခင်းကြီးဆီကိုပေါ့။ ပန်းခင်းကြီးကို မြင်လိုက်တော့ ရွှေရောင်တွေလျှံကျနေတဲ့ ပန်းချီကားတစ်ချပ်လို့
ခင်ဗျားထင်မိသွားမလားပဲ။ အဲ့ဒီပန်းခင်းကြီးကို တမျှော်တခေါ်ငေးရင်း လက်နှစ်ဘက်ဆန့်တန်းလို့ အသက်ပြင်းပြင်း
ရှူကြည့်လိုက်ရင် လတ်ဆတ်တဲ့လေ ဆိုတဲ့ အဓိပ္ပါယ်ကို ခင်ဗျားကောင်းကောင်းသိလာလိမ့်မယ်။
ခင်ဗျားဟာ လွတ်လွတ်လပ်လပ်ခုန်ပေါက်ပြေးရတာကို ဝါသနာပါရင် အဲ့ဒီပန်းခင်းကြီးထဲမှာ ပြေးပါလိမ့်။ မမောမချင်း
မရပ်မနားဘဲ ပြေးပါ ခုန်ပါ ဟေးဟေးဟားဟားလည်း အော်ပါ။ ပန်းခင်းကြီးထဲမှာ ခင်ဗျားကိုတားမြစ်မယ့်သူ အပြစ်ဖို့မယ့်သူ
တစ်ယောက်မှမရှိပါဘူး။ မြက်ပင်သွယ်သွယ်လေးတွေ ပန်းပွင့်ဝါကလေးတွေနဲ့ ပိုးကောင်လေးတွေကအစ ခင်ဗျားရဲ့ အပြုအမူကို
သူတို့ဝေဖန်ကြမှာမဟုတ်ဘူး။         
ဒါမှမဟုတ်ခင်ဗျားဟာ လမ်းကိုလမ်းလိုပဲလျှောက်ချင်သူ၊ ဣနြေ္ဒရရ သွားလာရတာကိုပဲ နှစ်သက်သူဆိုလည်း ပန်းခင်းအလယ်မှာ
လူတစ်ယောက်စာ သွားလမ်းလေးရှိပါတယ်။ ခင်ဗျား ဘုရင်တစ်ပါးလိုပဲဖြစ်ဖြစ်၊ မြေရှင်ယာရှင်တစ်ယောက်လိုပဲဖြစ်ဖြစ်
လျှောက်သွားနိုင်ပါတယ်။ပန်းခင်းကြီးက မိုင်ချီအောင်ရှည်လျားတော့ လမ်းတစ်ထောက်မှာမောလို့ပဲဖြစ်ဖြစ်၊
ညောင်းညာလို့ပဲဖြစ်ဖြစ် အနားယူအိပ်စက်ချင်ရင် ခင်ဗျား တခြားစဉ်းစားနေစရာ မလိုပါဘူး။ အဲ့ဒီပန်းခင်းကြီးပေါ်မှာပဲ
ပစ်လှဲလိုက်ပါ။ ပန်းမွေ့ယာဆိုတာ ခင်ဗျား ကြားဖူးမှာပေါ့။ အဲ့ဒီလိုပန်းတွေကို ဖြန့်ခင်းပြီး နတ်မင်းတစ်ပါးလိုလည်း
အိပ်စက်နိုင်ပါတယ်။ ဒီနေရာမှာ ခင်ဗျားကို လှုပ်နိုးမယ့်သူမရှိဘူး။ အင်း ……. ခင်ဗျားကိုယ်တိုင်ကလွဲလို့ပေါ့။
ခင်ဗျားအိပ်ရေးဝမှ ရှေ့ဆက်ခရီးကို လျှောက်ချင်ရင်လည်း ရတယ်။ မအိပ်ချင်လို့ ဆက်လျှောက်မယ်ဆိုလည်း ရတာပေါ့။
ခင်ဗျား ပန်းခင်းထဲမှာ လျှောက်ရင်းနဲ့ သင်္ချာဗေဒမတတ်ဘဲ ညီညီညာညာပျံသန်းနေတဲ့ ငှက်ပေါင်းများစွာကို တွေ့မိလိမ့်ဦးမယ်။
အဲ့ဒီငှက်တွေဟာ ရစ်သမ်ကျကျ ကွေးညွတ်လှိုင်းကော့ပြီး ဗျည်းအက္ခရာဆန်အောင်လည်း ပျံသန်းတတ်ကြတယ်။ ဒါကျွန်တော့်ရဲ့
အကောင်းမြင်မှုလည်း ဖြစ်နိုင်ပါတယ်။ တကယ်တော့ ငှက်တွေဟာ ပျံချင်သလိုပျံကြပါလိမ့်မယ်။
         
ခင်ဗျားဟာ အဲ့ဒီငှက်တွေကိုမြင်တဲ့အခါ အနီးနားက ပန်းပွင့်ကလေးတစ်ပွင့်ကိုခူးပြီး ငှက်တွေကို မထိမှန်းသိရက်နဲ့
လှမ်းပစ်ချင်စိတ်ပေါ်လာရင်လည်း ပေါ်လာမှာပဲ။ ငှက်တွေ တဖြည်းဖြည်း မြင်ကွင်းထဲကနေ အမည်း စက်ကလေးတွေသဏ္ဍာန်
ဝေးဝေးသွားတဲ့အထိ ခင်ဗျားငေးကြည့်ချင်လည်း ကြည့်လိုက်ဦးပေါ့။ ကျယ်ပြောလှတဲ့ ပန်းခင်းကြီးကို လွန်မြောက်လာရင်တော့
ကြည်လင်ဖြူဖွေးတဲ့ စမ်းချောင်းလေးဆီ ခင်ဗျားရောက်ရှိပြီပေါ့။ စမ်းချောင်းလေးထဲကို ခင်ဗျားငုံ့ကြည့်လိုက်ရင် ခင်ဗျားအရိပ်ကို
ခင်ဗျားသတိမထားမိခင်မှာပဲ ရောင်စုံငါးကလေးတွေကို ကောင်းကင်ကအရိပ်ထင်နေတဲ့ တိမ်တွေနဲ့အတူ တွေ့ရလိမ့်ဦးမယ်။
ဟင်းစားအဖြစ်စားရင်ချိုနိုင်မယ့် ငါးကလေးတွေကိုလည်း တွေ့ရလိမ့်ဦးမယ်။ ခင်ဗျားသာ အလေ့အကျင့်မရှိဘူးဆိုရင်
အဲ့ဒီငါးတွေကိုဖမ်းဖို့ လွယ်ကူမှာမဟုတ်ဘူး။ အဲ့လိုဖမ်းယူမယ့်စိတ် နည်းနည်းမှမရှိဘဲ ကမ်းစပ်ကနေပဲ
အသာငုံ့ကြည့်နေတော့မယ်ဆိုရင်တော့ ခင်ဗျားကို ကိုယ်ချင်းစာတရား မြင့်မားတဲ့ လူတစ်ယောက်အဖြစ် ကျွန်တော်မြင်မိမလားပဲ။
         
ခင်ဗျားဟာ စီးဆင်းနေတဲ့ စမ်းချောင်းလေးကိုကြည့်ပြီး ရေချိုးချင်စိတ်ပေါက်လာရင်လည်း ချိုးချင်ချိုးပေါ့။ ဒါမှမဟုတ်
အပေါ်ယံရေကြည်ကြည်လေးကိုပဲ လက်ခုပ်နဲ့ ခပ်သောက်လိုက်ရင်လည်း ခင်ဗျားလန်းဆန်းသွားမှာပါ။
စမ်းချောင်းလေးကိုကျော်လာရင်တော့ ခင်ဗျားဟာ တောအုပ်တစ်ခုထဲတိုးဝင်လာပြီပေါ့။ ပင်စည်ဖြောင့်ဖြောင့်နဲ့
သစ်ပင်တွေကိုလည်း ခင်ဗျားတွေ့ရတော့မှာပါ။ ခင်ဗျားဟာ အပေါ့စွန့်ချင်ရင်ပဲဖြစ်ဖြစ်၊ တစ်ခုခု မယဉ်မကျေး
ပြောချင်ရင်ပဲဖြစ်ဖြစ် ခင်ဗျားထက်အသက်ကြီးနိုင်ချေများတဲ့ သစ်ပင်ကြီးတွေကို ခင်ဗျား အားနာမိရင် အားနာမိမှာပေါ့။
အဲ့ဒီသစ်ပင်တွေကိုလွန်လာပြီးတဲ့နောက်မှာတော့ ပေါင်းမိုးသဏ္ဍာန်လမ်းကလေးကို ခင်ဗျားလျှောက်ရပါတော့မယ်။
တိတ်ဆိတ်စိမ်းမြတဲ့ ဝါးရုံရိပ်လမ်းကလေး ။        
ဝါးပင်တွေရဲ့ရနံ့ကတော့ သတ္တုတွေရဲ့ရနံ့လောက်ခင်ဗျားကို ဒုက္ခပေးနိုင်မယ်မထင်ပါဘူး။ ဝါးရွက်ရှည်ကလေးတွေ
တွဲကျနေတာ၊ ကြွေကျနေတာကိုလည်း ခင်ဗျားတွေ့ရမှာပါ။ ခင်ဗျားဟာ လှလှပပ စိတ်ကူးယဉ်တတ်တယ်ဆိုရင်
ခင်ဗျားဘေးမှာ ခင်ဗျားလက်ကိုချိတ်ပြီး လိုက်ပါလာတဲ့၊ အရာရာကို ခင်ဗျားနဲ့အတူစွန့်စားမယ့် ရည်းစားလေးရှိတယ်လို့
တွေးကြည့်ကြည့်ပါ။ ဝါးရွက်တွေအကြားက ကောင်းကင်ကို ချောင်းကြည့်ရတဲ့ အရသာကို ခင်ဗျားရဲ့ ချစ်သူလေးက
သိပ်သဘောကျသွားမှာပါ။ ဟော……… ခင်ဗျားရေစီးသံကိုကြားရပြန်ပြီမို့လား။
         
ဒီတစ်ခါတော့ စမ်းချောင်းလေး မဟုတ်တော့ပါဘူး။ မြောင်းကျဉ်းကလေးပါ။ ဒါပေမယ့် အမှိုက်သရိုက် အညစ်အကြေးတွေ
ကင်းစင်တဲ့ မြောင်းကျဉ်းကလေးပေါ့။ အင်း .. ခင်ဗျားက သစ်ရွက်ခြောက်တွေကို အမှိုက်လို့ မမြင်မိဖို့တော့ လိုတာပေါ့။
အဲ့ဒီမြောင်းကျဉ်းလေးထဲမှာလည်း ခင်ဗျားမျက်ကြည်လွှာထက် ကြည်လင်တဲ့ ရေတွေ စီးနေတာကို တွေ့ရမှာပါ။
အဲ့ဒီမြောင်းကျဉ်းကလေးကိုလည်း တံတားခင်းပေးထားတယ်လေ။ ခင်ဗျား အဲ့ဒီတံတားကနေ သက်တောင့်သက်သာ ဖြတ်လိုက်ပေါ့။
အဲ့ဒီလို နည်းနည်းလျှောက်ပြီး ရှေ့ကိုကြည့်လိုက်တာနဲ့ ခြံဝန်းကျယ်ကျယ်နဲ့ ဝါးအိမ်ကလေးကို ခင်ဗျားတွေ့ရပြီပေါ့။
အဲ့ဒီအိမ်ဟာ ကျွန်တော့်အိမ်လေးပါပဲ။         

ခင်ဗျားဟာ အဲ့ဒီအိမ်လေးကို ကာထားတဲ့ ခြံစည်းရိုးကို နှစ်သက်ချင်မှ နှစ်သက်မှာပါ။ အဲ့ဒီခြံစည်းရိုးက
ယုန်တစ်ကောင်ခုန်ကျော်လိုက်ရင်တောင် အထဲရောက်နိုင်လို့လေ။ ခင်ဗျားဟာ ခြံဝန်းရှေ့မှာရပ်ပြီး အထဲကလူရှိလား လို့
အော်ရင်အော်မှာပဲ။ ခြံဝန်းရှေ့မှာ လူခေါ်ခေါင်းလောင်းမရှိတာဟာ ခင်ဗျားအတွက် အခက်အခဲဖြစ်နိုင်သလား။
ခင်ဗျားအော်ခေါ်လိုက်ရင်တော့ ထက်မြတဲ့ ဓားရွယ်တစ်လက်ကိုကိုင်ပြီး ကျွန်တော်ထွက်လာမှာပါ။ ကျွန်တော်ကိုင်ထားတဲ့
ဓားတစ်လက်အတွက်တော့ ခင်ဗျားကို ထိတ်လန့်အထင်လွဲတာမျိုး မဖြစ်စေချင်ဘူး။ ဒီဓားက ခင်ဗျားကိုခုတ်ဖို့မဟုတ်ပါဘူး။
ဝါးကိုခုတ်ဖို့ပါ။ ဒါမှမဟုတ် ခင်ဗျားအော်ခေါ်လိုက်ချိန်မှာ ကျွန်တော်မရှိဘူးဆိုရင်လည်း ကျွန်တော့်ဇနီးနဲ့တွေ့မှာပါပဲ။
ကျွန်တော့်ဇနီးကတော့ ရေနွေးအိုးလေးကိုင်လာမှာပေါ့။ သူကိုင်ထားတဲ့ရေနွေးအိုးအတွက်လည်း ခင်ဗျား အတွေးနယ်ချဲ့မနေပါနဲ့။
အဲ့ဒီရေနွေးအိုးက ခင်ဗျားမျက်နှာတည့်တည့်ကိုပက်ဖို့မဟုတ်ပါဘူး။ အိမ်သောက်ဖို့ပဲဖြစ်ဖြစ်၊ ခင်ဗျားလို
ဧည့်သည်တစ်ယောက်လာရင်ပဲဖြစ်ဖြစ် ဧည့်ခံဖို့ ရေနွေးဖြစ်မှာပါ ။ ကျွန်တော့်ဇနီးကလည်း ခင်ဗျားကို အိမ်ထဲဝင်ဖို့
အပြုံးနွေးနွေးနဲ့ ဖိတ်ခေါ်မှာပါ။ ဒါမှမဟုတ် ကျွန်တော်လည်းမရှိ၊ ကျွန်တော့်ဇနီးလည်းမရှိဘူးဆိုရင် သိပ်တီတီတာတာနိုင်တဲ့
ကျွန်တော့်သမီးလေးကို ခင်ဗျားတွေ့ရမှာပဲ။ သမီးလေးက နှုတ်ခမ်းထော်ထော်လေးကို ဝက်ကလေးတစ်ကောင်
အစာစားသလို မရပ်မနားလှုပ်ရှားရင်းနဲ့ ခင်ဗျားဆီလာမှာပါ။ အဲ့ဒီအပြုအမူအတွက်နဲ့လည်း ခင်ဗျားစိတ်မခုပါနဲ့။
ကျွန်တော့်သမီးလေးက ခင်ဗျားကို ကျိန်ဆဲနေတာမဟုတ်ပါဘူး။ ကျွန်တော့်ဇနီးလေးက .. အင်း .. သမီးလေးရဲ့အမေကပေါ့၊
ညကသင်ပေးထားတဲ့ စာတစ်ပုဒ်ကို အံနေတာပါ။ သမီးလေးကလည်း ခင်ဗျားကို ခြံထဲဝင်ဖို့ ကြည်ကြည်သာသာ ဖိတ်ခေါ်မှာပါ။         

ခင်ဗျား ခြံထဲရောက်လို့ ကျွန်တော်တို့နေတဲ့ ဝါးအိမ်လေးထဲ မဝင်ချင်ရင်လည်း ကိစ္စမရှိပါဘူး။ ခြံထောင့်နားမှာ
ဇရပ်လေးတစ်ဆောင် ရှိပါသေးတယ်။ အဲ့ဒီအထဲမှာ ခင်ဗျားဝင်နေလိုက်ပေါ့။ အမိုးသာရှိပြီး အကာအကွယ်နံရံတွေမရှိတဲ့
ဇရပ်လေးထဲမှာ ကျောက်စားပွဲဝိုင်းလေးတစ်ခုတော့ ရှိနေပါလိမ့်မယ်။ အဲ့ဒီစားပွဲမှာထိုင်ပြီး ဝန်းကျင်တစ်ခွင်ကိုကြည့်ပြီး
အပန်းဖြေနိုင်ပါတယ်။ ခင်ဗျား ကျွန်တော့်သမီးလေးကို သေသေချာချာကြည့်ပြီးတဲ့နောက်မှာတော့ တစ်ခုခုဖြစ်သွားဦးမှာပါ။
ပါးကလေးကို ဆွဲဖျစ်ချင်တာပဲဖြစ်ဖြစ်၊ ဆံပင်ကလေးကို ဖွလိုက်ချင်တာပဲဖြစ်ဖြစ်ပေါ့။ အဲ့ဒီလို ခင်ဗျားဖြစ်နေတုန်းမှာပဲ
သမီးလေးဟာ လှစ်ခနဲ ဝါးအိမ်ကလေးရဲ့ အနောက်ဘက်ကို ပြေးထွက်သွားမယ်။ ခင်ဗျားက ဘာလို့ထွက်ပြေးသွားတာပါလိမ့်လို့
သံသယဖြစ်ကျန်ခဲ့မှာပဲ။ ဒါပေမယ့် သမီးလေးပြန်ထွက်လာတဲ့အခါမှာတော့ ခင်ဗျားအမြင်ရှင်းသွားမှာပါ။ သမီးလေးက ခင်ဗျားကို
သူလုပ်ထားတဲ့ ငှက်ရုပ်ကလေးကို ကြွားမှာပါလေ။ ငှက်ရုပ်လေးက ဝါးမျှင်တွေ၊ သစ်ရွက်တွေနဲ့ ထွေလီကာလီ
ယှက်သွယ်ပြုလုပ်ထားတာပေါ့။ အဲ့ဒီအရုပ်ကိုကြည့်ပြီး ခင်ဗျားက “လှလိုက်တာ” လို့ မလှဘဲနဲ့လည်း သမီးလေးကို
အသိအမှတ်ပြုတဲ့အနေနဲ့ ချီးကျူးရင်လည်း ချီးကျူးမိမှာပေါ့။         

ကျွန်တော်တို့ သုံးယောက်လုံးနဲ့ ခင်ဗျားတွေ့တဲ့အခါမှာတော့ ခင်ဗျားစကားလုံးသက်သက်ကြားဖူးထားမယ့်
ငြိမ်းချမ်းမှု အေးချမ်းမှု ဆိုတာတွေရဲ့ အဓိပ္ပါယ်တွေကိုလည်း တစ်ပိုင်းတစ်စ နားလည်ခံစားမိချင် ခံစားမိလာမှာပါ။
ခင်ဗျားကို ကျွန်တော်က ပျူပျူငှာငှာပဲ ကျွန်တော်တို့မိသားစုနေထိုင်ရာနေအိမ်ကလေးထဲ ဖိတ်ခေါ်မှာပါ။
အိမ်ထဲရောက်တဲ့အခါ ခင်ဗျားဟာ ဝါးကြမ်းခင်းလေးကို လက်နဲ့စမ်းရင်း မဝံ့မရဲထိုင်ဖြစ်မှာပါ။ မစိုးရိမ်ပါနဲ့၊ ဒီကြမ်းခင်း
ကျွံကျသွားရင်တောင် ခင်ဗျားဟာ ခပ်နိမ့်နိမ့်ကပြုတ်ကျတာမျိုးပဲဖြစ်မှာပါ။         

ကျွန်တော်ကတော့ ခင်ဗျားကို သိပ်မမွှေးတဲ့ ဈေးပေါပေါလက်ဖက်ခြောက်ခပ်ထားတဲ့ ရေနွေးနဲ့ပဲ ဧည့်ခံနိုင်မှာပါ။
ကျွန်တော့်ဇနီးကလည်း အလိုက်တသိပဲ ရေနွေးနဲ့မြည်းဖို့ မြေပဲတောင့်လေးတွေ ယူလာပေးမှာပါ။ ဒါပေမယ့် ခင်ဗျားဟာ
ရေနွေးနဲ့ မြေပဲကို စိတ်မဝင်စားဘဲ ကျွန်တော်တို့ကိုးကွယ်ရာ ဘုရားစင်ကို စိတ်ဝင်စားချင်နေမိမယ်ထင်ပါတယ်။
ကျွန်တော်တို့ ဘုရားစင်ရုပ်တုကို ခင်ဗျားက တအံ့တသြကြည့်မယ်။ ဒီလိုဘုရားရုပ်တုမျိုး မမြင်ဖူးဘူးလို့လည်း ပြောချင်ပြောမယ်။
ဒါမှမဟုတ် နတ်ရုပ်တစ်ခုလားလို့ ခင်ဗျားရေရွတ်ချင်ရေရွတ်မှာပေါ့။ အဲ့ဒီအတွက်တော့ ကျွန်တော်က ခင်ဗျားကို
ဘာမှပြောလိမ့်မယ်မဟုတ်ဘူး။         

နောက်တော့ ခင်ဗျားဟာ ခင်ဗျားရဲ့အကြောင်းကို လိုအပ်မယ်ထင်သလောက် ကျွန်တော့်ကို ရှင်းပြချင်ရှင်းပြမှာပေါ့။
ခင်ဗျားဟာ တောထဲမှာ မျက်စိလည်လမ်းမှားလာတဲ့ သစ်ခုတ်သမားဖြစ်ကြောင်း၊ ဒါမှမဟုတ် အပန်းဖြေခရီး
ထွက်လာတာဖြစ်ကြောင်း၊ ဒါမှမဟုတ် သာမန်ခရီးသွားတစ်ယောက်ဖြစ်ကြောင်းတွေပေါ့။ ဘာပဲဖြစ်ဖြစ် ခင်ဗျားဟာ
ကျွန်တော့်အိမ်ယာလေးကို ယာယီရောက်ရှိခဲ့ရင်တော့ ကျွန်တော်က ဧည့်သည်လို့ပဲ ခေါ်ဝေါ်သတ်မှတ်ရမှာပေါ့။         

မကြာခင် မှောင်တော့မှာမို့လို့ ဒီည ဒီမှာ အိပ်ပါရစေလို့ ပြောရင်လည်း ကျွန်တော်က ခွင့်ပြုမှာပါ။ ဒါမှမဟုတ် ခင်ဗျားက
အလောတကြီးပဲ ရေနွေးတစ်ကျိုက်သောက်ပြီး ရှေ့ခရီးဆက်တော့မယ် ဆိုလည်း ကျွန်တော်က မတားပါဘူး။ ကြယ်တွေကို
ကြည့်ရင်းနဲ့ပဲ အိမ်ပြန်တော့မယ် ပြောလာရင်လည်း ကျွန်တော်က ပြုံးပြီး နားထောင်ပေးနေမှာပါ။ ဒါပေမယ့်
ကြယ်ရောင်မလုံလောက်တဲ့ ခင်ဗျားအိမ်ပြန်ချိန်အတွက် လမ်းတစ်လျှောက် အလင်းကူပေးဖို့ စက္ကူမီးပုံးလေးတစ်လုံး
ကျွန်တော်လက်ဆောင်ပေးလိုက်ပါ့မယ်။         

ခင်ဗျားက မပြန်သေးဘူးဆိုရင်တော့ ကျွန်တော်က ခင်ဗျားကို ခြံထဲ လမ်းအတူလျှောက်ရင်း နေဝင်ဆည်းဆာကို ကြည့်ဖို့
ဖိတ်ခေါ်မိမှာပါပဲ။ ကျွန်တော်စိုက်ပျိုးထားတဲ့ သီးပင်စားပင်စိုက်ခင်းတွေက်ို လိုက်ပြမယ်။ ကျွန်တော်မွေးထားတဲ့
ဘဲအုပ်ကလေးတွေကို လိုက်ပြမယ် ဘဲကလေးတွေမွေးရတာ သိပ်မခက်ကြောင်း၊ ရေကန်ကလေးတူးပေးပြီး၊
စားကြွင်းစားကျန်လေးတွေ ကျွေးလိုက်ရင်ရပြီလို့လည်း ရှည်ရှည်လျားလျား ရှင်းပြမိမှာပါပဲ။ ခင်ဗျားက ကျွန်တော့်မိသားစု
စားဝတ်နေရေးအကြောင်းကို စိတ်ဝင်တစား မေးလာရင်တော့ ကျွန်တော်က ဟိုးခြံထောင့်က ဇရပ်ဘေးမှာ ပုံထားတဲ့
ဝါးစည်းကလေးတွေကို ညွန်ပြမိမှာပဲ။ ကျွန်တော်ဟာ အဲဒီဝါးတွေနဲ့ ထီးလုပ်တယ်၊ တံမြက်စည်းလုပ်တယ်၊
ထိုင်ခုံပုပုလေးတွေလုပ်တယ်၊ တခြားလူသုံးကုန်ပစ္စည်းတွေကိုလည်း လုပ်နိုင်သလောက်လုပ်တယ်၊ ပြီးတော့ အနီးဆုံးမြို့ကို
သွားရောင်းပါတယ်။

ခင်ဗျားကို အဲ့ဒီအကြောင်းတွေ ပြောပြနေချိန်မှာပဲ အိမ်နောက်ဖေးမှာ ညစာချက်နေတဲ့ ကျွန်တော့်ဇနီးကို ခင်ဗျားတွေ့မိမှာပါ။
ကျွန်တော့်ဇနီးဘေးမှာတော့ ကျွန်တော်သင်ပေးထားတဲ့ကဗျာတွေကို ဟန်ပန်အသွယ်သွယ်နဲ့ ရွတ်နေတဲ့ သမီးလေးလည်း ရှိနေမှာပါ။
ကျွန်တော် ခင်ဗျားမမေးလည်း ပြောပြနေမိမှာကတော့ ကျွန်တော့်သမီးလေးရဲ့ အကြောင်းတွေပေါ့ဗျာ။
သူမွေးတဲ့နေ့မှာ ကောင်းကင်နဲ့မြေကြီးဟာ ဘာတွေဘယ်လိုဖြစ်တယ်ဆိုတဲ့ အကြောင်းကို ကျွန်တော်က ထူးဆန်းမှုတွေနဲ့
တိုက်ဆိုင်နေသလို ပိုပိုသာသာလေး ပြောမိမှာပါ။ ပြီးတော့ သမီးလေး စကားစတတ်ခါစတုန်းက စကားသိပ်ပြောကြောင်း၊
သူ့အမေလို ဥာဏ်ကောင်းပြီး ကျွန်တော့်လို နုံအတာကြောင့် သာမန်လူတစ်ယောက်ဖြစ်နိုင်ကြောင်းတွေလည်း ပြောဖြစ်လိမ့်ဦးမယ်။
ကျွန်တော်က သမီးလေးကို ကဗျာတွေပဲ အများကြီးသင်ပေးထားသေးတယ်။ ကျွန်တော်သင်ပေးထားတဲ့ ကဗျာလေးတွေကတော့
လောကကြီးကို အပြစ်တင်ပုံတွေ၊ အတ္တတွေ အဆင့်ဆင့် တိုးတက်လာပုံတွေ မပါအောင် တတ်နိုင်သလောက်ဖယ်ကြဉ်ထားတဲ့
ကဗျာလေးတွေပါ။ ရယ်ရွှင်စရာ ပုံတိုပတ်စလေးတွေကိုပဲ ကဗျာဖွဲ့ပြီး သမီးလေးကို ရွတ်ဆိုစေတော့မယ်။ အဲ့ဒီအခါ ခင်ဗျားဟာ
ကျွန်တော့်ကို မိုက်မဲတဲ့ ဖခင်တစ်ယောက်ကိုကြည့်သလို ကြည့်လာမလား။ တကယ့်ကို ထိတ်လန့်တကြားနဲ့ သမီးလေးကို
ဒီတောထဲမှာပဲ ကြီးပြင်းစေတော့မှာလား လို့ ကျွန်တော့်ကို လေသံတိုးတိုးနဲ့ မေးလာခဲ့ရင် ကျွန်တော်က ကျယ်ကျယ်လောင်လောင်
ရယ်မောမိမှာပဲ။ ကျွန်တော်က သမီးလေးကို သူကိုယ်တိုင် ရွေးချယ်နိုင်မယ့် အနာဂတ်တွေ ပေးမှာပါ။
အင်း .. ကောင်းမွန်တဲ့အနာဂတ်တွေ ရွေးချယ်နိုင်အောင် ကျွန်တော် ကြိုးစားရမှာပေါ့။         

လဝန်း တစ်စွန်းတစ်စထွက်တဲ့အချိန်မှာတော့ ကျွန်တော်ဟာ ခင်ဗျားကို ညစာစားဖို့ ဖိတ်ခေါ်ရတော့မှာပေါ့။
ခင်ဗျားဟာ အသားငါးပါမှ စားတတ်တဲ့သူဆိုရင်တော့ ကျွန်တော်အားနာပါရဲ့။ ကျွန်တော်တို့ မိသားစုကတော့
ဟင်းသီးဟင်းရွက်တွေနဲ့ ဟင်းချိုပူပူကို ဟင်းလုပ်ပြီး စားနေကျဗျ။ ခင်ဗျား ကြိုးစား,စားကြည့်ရင် ကြိုက်သွားမယ်လို့
ကျွန်တော် မျှော်လင့်မိပါရဲ့။ ညစာစားပြီးရင်တော့ ခင်ဗျားကို ရောက်စတုန်းကလိုပဲ ရေနွေးနဲ့ မြေပဲတောင့်ကလေးတွေနဲ့
ဧည့်ခံရင်း ကျွန်တော်က စကားစမြည်ပြောပေးမှာပါ။ ကျွန်တော်အဲ့ဒီလိုစကားပြောနေတဲ့အချိန်မှာတော့ ကျွန်တော့်ဇနီးဘေးမှာ
စာရေးနေတဲ့ သမီးလေးကို ခင်ဗျားတွေ့မိမှာပါ။ ခင်ဗျားဟာ တဆက်တည်း ကျွန်တော့်ဇနီးကိုပါ အကဲခတ်မိပြီး
“ခင်ဗျားကတော့ မယားရတာ သိပ်ကံကောင်းတာပဲ”  လို့ ပြောလာရင်လည်း ကျွန်တော်ငြင်းမိမှာမဟုတ်ပါဘူး။         

ခင်ဗျားအိပ်ချင်လာပြီဆိုရင်တော့ ဧည့်ခန်းအလယ်မှာပဲ ခင်ဗျားအတွက် မြက်ခြောက်ဖျာနှင့် ကြိမ်ခေါင်းအုံးကို နေရာပေးထားမှာပါ။
ဒါမှမဟုတ် ကျွန်တော်တို့အိပ်မှ အိပ်ပါမယ် ဆိုရင်လည်း ခင်ဗျားသဘောပါ။ ကျွန်တော်တို့မိသားစုကတော့ ညအိပ်ခါနီးဆို
သီချင်းဆိုတတ်တယ်။ ကျွန်တော်က ဝါးပုလွေလေးနဲ့ တေးသွားကို မှုတ်တယ်။ ကျွန်တော့်ဇနီးက လက်ခုပ်တီးတယ်။
သမီးလေးကတော့ အဆိုတော်ပေါ့။ ခင်ဗျားကတော့ ကျွန်တော်တို့ရဲ့ တစ်ပိုင်တစ်နိုင် တီးဝိုင်းလေးကိုကြည့်ရင်း ပြုံးနေမိမှာပါ။         

ခင်ဗျားအိပ်တဲ့အခါ အိပ်ယာအပြောင်းအလဲကြောင့် မျက်လုံးကြောင်သလိုဖြစ်နေပါလိမ့်မယ်။ နောက်ပိုင်းမှာတော့
ခင်ဗျားနှစ်နှစ်ခြိုက်ခြိုက် အိပ်ပျော်သွားမှာပါ။ ခင်ဗျားအိပ်ယာက နိုးလာရင်တော့ ခင်ဗျားရှေ့မှာ ပူနွေးပြီး အရသာရှိတဲ့
ထမင်းကြော်တစ်ပန်းကန် ရောက်ရှိနေရမယ်လို့ ကျွန်တော်အာမခံပါတယ်။ ကျွန်တော့်ဇနီးက သိပ်ဝီရိယရှိတဲ့
အိမ်ရှင်မတစ်ယောက်လေ။ ခင်ဗျားဟာ မနက်စာစားပြီးရင်တော့ ပြန်သင့်ပြီလို့ ယူဆမိမှာပါ။         

ခင်ဗျားပြန်မယ်ဆိုရင်တော့ ကျွန်တော်တို့မိသားစုကို စကားလေးဘာလေးနဲ့ နှုတ်ဆက်ရုံနဲ့ရပါပြီ။ ခင်ဗျားမှာရှိတဲ့
ပစ္စည်းတွေထဲက တစ်ခုခုပဲဖြစ်ဖြစ်လည်း မပေးပါနဲ့။ ကျွန်တော်တို့မိသားစုက အရာဝတ္ထုတော်တော်များများကို အပိုပစ္စည်းလို့
ထင်တတ်ခဲ့ပါပြီ။ ကျွန်တော့်မိသားစုက ခင်ဗျားကို ခြံပေါက်ဝအထိ လိုက်ပို့မှာပါ။ ကျွန်တော့်အိမ်ကနေ ခင်ဗျားထွက်ခွာသွားမယ့်
နံနက်ခင်းဟာ နေသာသာလေးဆိုရင်တော့ သိပ်ကောင်းတာပေါ့။ ကျွန်တော်က ဝါးခမောက်လေး လက်ဆောင်ပေးမှာပါ။
ဒါမှမဟုတ် မိုးရွာတဲ့ နံနက်ခင်းဖြစ်နေရင်တော့ ခင်ဗျားအတွက် ကသီလင်တပဲ။ အဲ့ဒီအချိန်မှာတော့ ခင်ဗျားကို
ဝါးနဲ့ရက်လုပ်ထားတဲ့ ထီးတစ်ချောင်း လက်ဆောင်ပေးရတော့မှာပေါ့။ ခင်ဗျား ကျွန်တော့်အိမ်မှာ တည်းခိုရတဲ့အခိုက်အတန့်
ငြိုငြင်စရာရှိရင်တော့ စိတ်ရင်းနဲ့ တောင်းပန်ပါရဲ့။ ကျွန်တော်အတတ်နိုင်ဆုံး ဧည့်ဝတ်ကျေပြွန်ခဲ့တယ်ဆိုတာကိုလည်း
ခင်ဗျား သံသယဖြစ်လိမ့်မယ်မထင်ပါဘူး။ ကျွန်တော့်ခြံကလေးကနေ ထွက်ခွာပြီး ခပ်လှမ်းလှမ်းရောက်လို့ ခင်ဗျားလှည့်ကြည့်ရင်
လက်ပြနှုတ်ဆက်ပြီးသားဖြစ်နေတဲ့ ကျွန်တော်တို့ မိသားစုလေးကို ခင်ဗျားတွေ့ရမှာပါ။         

ဒီလိုနဲ့ ခင်ဗျားဟာ ဝေးဝေးသွားတဲ့အထိ ကျွန်တော်ငေးနေဦးမှာပါ။ ကျွန်တော့်ဘေးနားက ဇနီးနဲ့ သမီးလေးဟာ ခြံထဲမှာ
လုပ်စရာရှိတာ သွားလုပ်နေတဲ့အထိ ကျွန်တော်တစ်ယောက်တည်းကျန်ရစ်ပြီး ခင်ဗျားကို ငေးကြည့်နေဦးမှာပါ။ ကျွန်တော်ဟာ
ဟိုးအဝေးအဝေးက ခင်ဗျားကျောပြင်မှုန်မှုန်လေးကိုငေးရင်း ခင်ဗျားမကြားအောင် စကားတစ်ခွန်းပြောချင်နေတာပါ။
အဲ့ဒါကတော့ “ကျွန်တော်ဟာ ဧည့်သည်လာတာကို မကြိုက်ဘူး” ဆိုတာပါပဲ။


+++++++++++++++++++++++++++++++++++++++++++++++++++++++

                                           ခရမ်းရိပ်ကာတွန်း

- ကာတွန်းပေါက်စီ -




  
+++++++++++++++++++++++++++++++++++++++++++++++++++++++

                                          ခရမ်းရိပ် အွန်လိုင်းအနုပညာ


ခရေပန်းငယ်တစ်ပွင့်နှင့် လမ်းလျှောက်ထွက်ခြင်း
_ လမ်းလျှောက်ဘလော့ဂါ _

ခရမ်းရိပ် ပရိသတ်များခင်ဗျား..။ အနုပညာရပ်ဝန်းခေါင်းစဉ်အောက်မှ လစဉ် ဒဿနဆန်ဆန် စာမူများကို ဖော်ပြခဲ့လို့
စာဖတ်သူများလည်း အီလည်လည်ဖြစ်နေလောက်ရောပေါ့။ ဒါကြောင့် ယခုလမှာတော့ ရိုးရိုးလေးကိုဆန်းဆန်းလေးဖြစ်အောင်
တွေးယူထားတဲ့ စာတစ်ပုဒ်ကိုပဲဖော်ပြလိုက်ပါတယ်။ ခေါင်းစဉ်ကတော့ ပေါက်ကရပို့စ် တဲ့။ ရေးသားသူက ခရေငယ်ပါ။
ပေါက်ကရပို့စ် ဆိုပေမဲ့ ထူးထူးခြားခြားလေးဖြစ်နေသလိုခံစားရပြီး အရေးအသားလည်း ပြေပြစ်တာကြောင့် ခရမ်းရိပ်ပရိသတ်အတွက်
ပြန်လည်ဝေမျှလိုက်ရပါတယ်။
ရယူထားသည့် ဘလော့ဂ်ဆိုဒ်မှာတော့ http://www.khayaynge.blogspot.com/2011/08/blog-post.html ဖြစ်ပါတယ်။
ခံစားကြည့်ကြပါဦး…။
=========================================================

“ပေါက်ကရပို့စ်”

ဘာရယ်မဟုတ်ဘူး . . ပျင်းနေလို့ (အားနေတာတော့မဟုတ်ပါ) သူငယ်ချင်းတွေရဲ့ ဂျီတော့ မက်ဆေ့တွေကို လိုက်ဖတ်မိတော့ . .
သယ်ရင်းတစ်ယောက်တင်ထားတဲ့စာသားကို ခိုက်တိုက်တိုက်ဖြစ်သွားတယ်။
မက်ဆေ့က “ရည်းစားမရှိဘူးဆိုတာ . . အတွင်းခံမဝတ်ထားသလိုပဲ ။ လွတ်လပ်ပေမယ့် ဟာတာတာနဲ့” တဲ့ . .း) ။
အဲ့စာသားဖတ်ပြီး . . ဟိုက်ရှ် တယ်မှန်ပါလား လို့ . . တွေးလိုက်မိတယ်။ ကျန်တဲ့သူတွေတော့ ဘယ်လိုတွေးတယ်မသိဘူး။
အဲဒါက တကယ်တော့ တကယ်ပဲဗျ ဟားဟား။ အဲ့စာသားကို ကူးပြီး သူငယ်ချင်းတစ်ယောက်ကို သွားပြတော့ . .
သူကပြန်ပြောတယ် . . “မဝတ်တော့ ဟာတာတာဖြစ်သလို . . ၂ထပ် ၃ ထပ်ဝတ်တော့လဲ မကောင်းဘူး”တဲ့။
ဟော . . အဲဒါလည်း ဟုတ်နေပြန်ရော . .။ အတွင်းခံ ၂ ထပ် ၃ ထပ်နဲ့ တွေးကြည့်တော့ အဆင်မပြေဘူး။
အဲ . . နောက် ကျန်းမာရေးသတိပေးချက်တစ်ခုကို သတိရသွားပြန်တယ် ။ ပူတဲ့ အတွင်းခံတွေကို လှတာတစ်ခုကြောင့်ဝတ်တာ
မကောင်းတဲ့အကြောင်း ။ ရာသီဥတုနဲ့ကိုက်ညီအောင် ၀တ်သင့်ကြောင်း ဘာညာအပြင် . . ဖြစ်နိုင်ရင် ညဖက်အတွင်းခံကို
ဝတ်မအိပ်တာ ကျန်းမာရေးအတွက်ကောင်းသတဲ့ ။ တွေးလိုက်တော့ သူ့ဟာသူတော့ ကွက်တိပဲဟလို့  အဲဒီမက်ဆေ့ကို
ထောက်ခံလိုက်မိတယ်။

နေ့ခင်းဖက် နေ့လည်စာစားတဲ့ချိန်ရောက်တော့ . . အိမ်ထောင်ပြုတော့မယ့် အမတစ်ယောက်ကို စကြရင်း အိမ်ထောင်ပြုပြီး
၂ နှစ်လောက်နေမှ ကလေးယူတာကောင်းတယ်ဆိုတာရယ် . . ချက်ချင်းယူတာ ကောင်းတယ်ဆိုတာရယ် . . ဆွေးနွေးကြပြန်ရော။
ခေငယ်က ၂ နှစ်လောက်ဆိုတာဖက်က နေလိုက်တယ်။ အဲ့တော့ ချက်ချင်းယူတာကောင်းတယ်ဆိုတဲ့ ညီမလေးက သူ့အတွေးကို
ပြောပြတယ်။ “အိမ်ထောင်ပြုထားပေမယ့် လူ၂ယောက်က ဘာမှမတော်ဘူးလေ ။ ကလေးရှိလာမှ ကလေးနဲ့တစ်ဝက်စီဆိုင်တဲ့
လူ၂ယောက်အဖြစ် သံယောဇဉ်ပိုရှိသွားကြတာ ။ တော်တန်ရုံဆိုးတဲ့ ယောက်ျားလေးဆိုလည်း ကလေးရလာရင်
လိမ္မာသွားတတ်တယ်။ ဒီတော့ ကလေးချက်ချင်းယူတာကောင်းတယ်” တဲ့။ ပြီးတော့ . .ခေငယ့်ကို ဆက်ပြောတယ်
“စကားမစပ် အစ်မကိုယ်ဝန်ရှိရင် အိမ်မြှောင်ဂေါ်လီလုံးမြိုထားသလိုပဲနေမှာ” တဲ့ဗျာ။ ၂နှစ်ဆိုတာကိုတောင်
အင်တင်တင်ဖြစ်သွားမိတယ်..း))

နောက် . . ခေငယ့်နစ်မှာ ခွေးလေးတစ်ကောင်ပုံ တင်ထားတာကို သူငယ်ချင်းတစ်ယောက်က လာပြောတယ်။
“ခွေးလေးက ချစ်စရာလေးနော်” တဲ့။ ခေငယ်က “အေး . . ဟုတ်တယ် ငါလဲချစ်လို့တင်ထားတာ .. နောက်ဘဝကျ
ငါခွေးဖြစ်ရင် ဒီခွေးဖြစ်ချင်လို့” ဆိုတော့ သူက စတယ်ထင်နေရော။ အမှန်က တကယ်ပြောတာ။ နောက်ဘဝသာဖြစ်ရရင်
အဲ့ခွေးပဲဖြစ်ချင်တယ်။ ပုံက လုံးလုံးလေးနဲ့ချစ်စရာလေးဗျ ။ နောက် ခွေးသူဌေး။ တိရစ္ဆာန်များ ဖြစ်ချင်နေသေးတယ် လို့
လာရှုံ့ချလည်း ခံရုံပဲဗျိုး ။ လူများပြန်ဖြစ်လာရင် လူမှုကျင့်ဝတ်တွေရယ် . . ကိုးကွယ်ထားမိတဲ့ ဘာသာတရား ဘာညာတွေရယ် ၊
မိတ်ဆွေများအောင် နေထိုင်နည်း ဘာညာတွေရယ် ၊ ကျောင်းတက်တယ် . . ဘာ,ဘာသာစကားတွေနားလည်တယ် ဘာညာ ၊
မိဘအမွေ ဘယ်လောက်ရှိတယ် . . စသဖြင့် မဆုံးနိုင်တဲ့လိုအပ်ချက်တွေနဲ့ သေသည်ထိမဆုံးနိုင်ဘူး။
ခွေးများ သိပ်အဆင်ပြေတာ ဂျပန်စကား အင်းလိပ်စကား တတ်စရာမလိုပေါင်ဗျာ ။ အမြှီးလေးဘာလေး နှံ့ပြတတ်ရင်
လူချစ်လူခင်များပြီးသား ။ အဲ . . မနှံ့ပြတတ်လည်း ဘာမှဖြစ်ဘူး ။ ဟာ အထက်အရာရှိပဲ ဘာညာဆိုပြီး မပြုံးချင်ဘဲ
ပြုံးပြတတ်စရာလည်း မလိုဘူး။ ရုပ်တည်နဲ့ နေရုံပဲ ။ တစ်လောကလုံး ကိုယ့်လုပ်စာထိုင်စားနေတဲ့ရုပ်နဲ့နေလည်း အဲ့ကောင်
မျက်နှာကြောမာတယ် ဘာညာ အတင်းပြောမခံရဘူး။ ဆက်ဆံရေးညံ့တယ် ဘာညာ မရှိ။ ခွေးမျိုးကောင်းရင်တော့
လမ်းဘေးခွေးထက် ဘဝပိုလှတာပေါ့လေ ။ ဒါပေမယ့် အခြေခံလိုအပ်ချက်အနေနဲ့ အများကြီးသိပ်မလိုဘူး ။ ငယ်တုန်းက
ပညာမသင်ထားလို့ ကြီးလာတော့ ထမင်းမစားရတော့ဘူးဆိုတာမျိုးလည်း မရှိဘူးဗျို့ ။ ဒီတော့..ခွေးဖြစ်ချင်မိသပေါ့လေ။

ခွေးဖြစ်ရင် လူတစ်ယောက်ကို မှာထားတယ်။ မွေးမယ့်သူမရှိရင် မွေးပါလို့ ။ အိမ်လည်း သိပ်မလည်ဘဲ အိမ်ထဲမှာပဲ အိပ်နေမယ်လို့ ။
ပြီးတော့ ခွေးထမင်းကိုလည်း အမဲသားများများကျွေးပါ။ ခေငယ်က အမဲသားကြိုက်တယ်လို့ ။ ရေလည်း ခဏတိုင်းမချိုးချင်ဘူး
ပျင်းတယ်လို့ ။ နောက် တစ်ခါတစ်လေ ဟန်ထူးလွင်သီချင်းတို့ အရိုးသီချင်းတို့ လေးဖြူ ၊ အငဲ ၊ The Ants စသဖြင့် ဖွင့်ပေးပါလို့ ။
ခွေးက တခြားအလုပ်ရှိတာမဟုတ်ဘူး ။ သီချင်းလေးဘာလေး ကြားရတော့ နေပျော်တာပေါ့ ဟုတ်ဘူးလား။ အင်္ကျီဘာညာ
ဝယ်ပေးရင်လဲ အစိမ်းရောင်များတာလေး ဝယ်ပေးပါ။ ခွေးက အစိမ်းရောင်ကြိုက်တယ်လို့ ။ ဟုတ်တယ်လေ ခွေးဖြစ်ရင်
အဲဒါတွေက ပြောတတ်တော့မှာ မဟုတ်ဘူး။ အဲ့တော့ . . ခွေးနာမည်က ဘာလဲလို့ ခုနချစ်စရာလေး ဆိုတဲ့ သူငယ်ချင်းက
မေးတော့ . . ဟုတ်သားပဲ။ ခွေးက နာမည်မရှိသေးဘူး ။ တစ်ချို့ခွေးတွေကတော့ ဂျက်ကီ . . ဘရောင်နီ . . ရို့စ် . . ဂုတ်ကြား . .
အောင်နက် . . မြီးတို . . မိဖြူ . . ဝါလေး . . စသဖြင့် အပြင်မင်းသားမင်းသမီးနာမည်တွေ၊ ရဲတိုက် . . ဂျူမုံ . . ဒယ်ဆို . .
အွန်စောတို့လည်း မနေရဘူး ။ ပေးချင်ရာပေးနေကြတာကိုး။ အဲ့တော့ ခွေးနာမည်က ဘာပေးမတုန်းလို့ ခွေးသခင်လုပ်မယ့်သူကို
လှမ်းမေးလိုက်တော့ . . “ခလေး” လို့ပေးမတဲ့ ။ ဟာ . . မင်းသမီးနာမည်လိုမျိုး လှတပတလည်း မဟုတ်ပါလား လှလဲမလှဘူး
နာမည်က ဆိုတော့ . . အဲဒါပဲကြိုက်သတဲ့ ။ ဘာလို့ဆို ထပ်မှတ်စရာမလိုလို့လေတဲ့။
ဒါနဲ့ . . “အွန်း . . ဒါဆိုလည်း ရှိစေ ။ ဒါမယ့် ခွေးမွေးပြီးရင် အင်းလေးမှာ မနေနဲ့” လို့ မှာတော့ “အွန်း . . ဘာလို့တုန်း”တဲ့ . .
“ဟာ . . ဟိုဖက်အိမ်က ခွေးနဲ့ကြိုက်ရင် ခေငယ်ဖြစ်ချင်တဲ့ခွေးမျိုးက ရေကူးတတ်ပုံမရဘူး . . အသည်းကွဲမှာပေါ့” လို့
ပြန်ပြောလိုက်တော့ . . . ဟွန်း . . တီးခံလိုက်ရတယ် . . ။
ဟုတ်တယ်လေဗျာ . . အင်းလေးမှာ ရေကူးတတ်တဲ့ခွေးကတော့ ထားတော့၊ ကြောင်တွေဘာတွေဆို လူတွေက
လှေနဲ့လိုက်ပို့ရတယ်လို့ ကြားဖူးတာကိုး . . ရည်းစားထားတာတောင် လူသိရှင်ကြား . . အင်တာနက်တွေဘာတွေလည်း
မသုံးတတ်တော့ ဟိုဖက်အိမ် ဒီဖက်အိမ် အသံပြာအောင် အော်နေရမှာ ဘယ်လာနိပ်ပါ့မတုန်းနော်..။


* http://www.khayaynge.blogspot.com မှ ဖော်ပြပါသည် ။


++++++++++++++++++++++++++++++++++++++++++++++++++++++++

သူမ ပြန်ဝင်စားတဲ့ မိုးရာသီ ( အပိုင်း ၂ )
-နပိုင် -

ကိုယ့်ကိုသိပ်မျှော်လင့်မထားပါနဲ့။
ကိုယ်ဟာလည်း
အချိန်မစေ့သေးတဲ့
သေခြင်းတရားလေးပါပဲ။
xxxxxxxxxxxxxxxxxxxxxxxx

အခန်း(၂)

“ဘယ်မှာလဲကွ”
“ဒီရှေ့ခုံမှာပဲထိုင်သွားတာ။ သေချာတယ် ဒီနားမှာပဲရှိရမယ်။”
ရှေ့ခန်းထိုင်ခုံတဝိုက်တွင် လှည့်ပတ်ကြည့်သော်လည်း ရှင်းလင်းနေ၏။ လက်ကိုင်ပုဝါဟူ၍ ခပ်ဆင်ဆင် လက်နှီးစုတ်ပင်မရှိ။
အခြေအနေက တွေဝေစရာကောင်း၏။ သူငယ်ချင်းနှစ်ယောက်သား ထိုင်ခုံအောက်နှင့် ကားတစ်စီးလုံးလှည့်ပတ်ကြည့်ကြ၏။
လက်ကိုင်ပုဝါအားမတွေ့ရ။
“ငါ့စိတ်ထဲ ထင့်နေတယ် မင်းခ”
မင်းခက ကားကိုမှီလျှက် မျက်မှောင်ကျုံ့၏။ လင်းစက်ညီက..
“ဒီလိုကွာ.. ညက လွန်းသက်ချို ကားပေါ်ပါလာတဲ့ဘက်က စစဉ်းစားမယ်ကွာ။ သူသာလူအစစ်ဆို လက်ကိုင်ပုဝါလည်း ကျန်ခဲ့ရမယ်”
“တကယ်လို့ကားပေါ်ပါလာတာ လွန်းသက်ချိုမဟုတ်ဘူး ဆိုရင်ကော”
လင်းစက်ညီ လက်ဖဝါးဖြင့် မျက်နှာအားပွတ်သပ်ပစ်လိုက်၏။
“တကယ်လို့ လွန်းသက်ချိုမဟုတ်ဘဲ တခြားကောင်မလေးတစ်ယောက်ဆိုရင်လည်း လက်ကိုင်ပုဝါက ကျန်ခဲ့ရမယ်”
“ဒါဆို မင်းက သရဲခြောက်ခံရတယ်လို့ ပြောချင်တာလား”
လင်းစက်ညီ တစ်ချက်ပြုံးမိ၏။
“သရဲမလေးက တော်တော်လှတာကွ”
သူတို့နှစ်ဦး ရယ်မောဖြစ်ကြ၏။
“ကဲပါကွာ စိတ်ထဲသိပ်မစွဲထားနဲ့ လောလောဆယ် လက်ဖက်ရည်ဆိုင်သွားရအောင်”
အခြေအနေကို လင်းစက်ညီ သိပ်မကျေနပ်ချင်။ ခပ်တည်တည်နှင့်ပင် လက်ဖက်ရည်ဆိုင်ကို ထွက်လာခဲ့လိုက်၏။
xxxxxxxxxxxxxxxxxxxxxxxxxx

“ရှယ်ပုံမှန်တူး”
နံနက်ခင်းလက်ဖက်ရည်ဆိုင်က ထုံးစံအတိုင်း စည်စည်ကားကားနိုင်လွန်း၏။ လက်ဖက်ရည် ရောက်လာသည်အထိ
လင်းစက်ညီ ဆေးလိပ်တစ်လိပ်ကိုသာ ဖွာရှိုက်နေမိ၏။ ဦးနှောက်ထဲတွင် လွန်းသက်ချို၏ ပုံရိပ်များစွာက နေရာယူထားဆဲ။
ဆေးလိပ်ကိုခပ်ပြင်းပြင်းဖွာရှိုက်ပြီး မီးခိုးငွေ့များကို မှုတ်ထုတ်လိုက်၏။ လွန်းသက်ချို သို့မဟုတ် စီးကရက်မလေး။
ကိုယ်တိုင်ရှူရှိုက်ခဲ့ရ၏။ ကိုယ်တိုင်မှုတ်ထုတ်လိုက်၏။ မီးခိုးငွေ့များ မည်သည့်နေရာသို့ ပျောက်ကွယ်သွားလေသနည်း။
စဉ်းစားရကြပ်နေ၏။

“လွန်းသက်ချိုကိစ္စပဲလား ညီ”
ကိုယ့်ကိုကိုယ် ငိုင်နေမိမှန်းပင် သတိမထားမိ။ မင်းခ၏အသံကြားမှ ကိုယ့်ကိုကိုယ်ပြန်သတိထားမိ၏။ အညှို့ခံထားရသလားဟုပင်
စိတ်က ထင်မိ၏။
“ဟုတ်တယ်မင်းခ။ မင်းကတော့ အိပ်မက်လို့ ထင်ချင်ထင်မှာပေါ့။ ဒါပေမဲ့ ငါက ကိုယ်တိုင်ကြုံခဲ့ရတာဆိုတော့ အိပ်မက်မဟုတ်မှန်း
သိနေတယ်။”
“အေး ပွင့်ပွင့်လင်းလင်းပြောရရင်တော့ မယုံချင်ဘူး။ ဒါပေမဲ့ အိပ်မက်ဆိုတာမျိုးကလည်း နိုးပြီးခဏဆို မေ့သွားတတ်တာမျိုး။
မင်းကခုချိန်ထိ အားလုံးကို တိတိကျကျမှတ်မိနေတယ်ဆိုတော့ စဉ်းစားစရာပဲ”
လင်းစက်ညီ လက်ဖက်ရည်တစ်ငုံမော့သောက်လိုက်၏။
“မှတ်မိတယ် ဒါပေမဲ့ မင်းကို သက်သေပြဖို့ သက်သေဆိုလို့…”
လင်းစက်ညီ အသေအချာပြန်တွေးနေမိ၏။ မိုးစက်တစ်ချို့ စီးကရက်မလေးနှင့် သူ။ မင်းခက..
“သက်သေမဟုတ်ရင်တောင် မင်းသံသယဖြစ်မိတာမျိုးပေါ့”
“သံသယ…”
လင်းစက်ညီ သံယောင်လိုက်မိ၏။ ကိုယ်တိုင်တွေဝေနေမိဆဲ..
“ဟုတ်တယ် ။ ဥပမာကွာ ငါသိသလောက် တစ္ဆေသရဲတွေမှာ အရိပ်မရှိတာမျိုး။ စူးဝါးဝါးအနံ့ထွက်နေတာမျိုး။
ပတ်ဝန်းကျင်အခြေအနေနဲ့ အပ်စပ်မှုမရှိတာမျိုး။ မျက်နှာ ခန္ဓာကိုယ် အချိုးအစား မကျတာမျိုး.. အဲလိုမျိုးတွေပေါ့”
လင်းစက်ညီ တစ်စုံတစ်ခုအား သွားစဉ်းစားမိဟန်တူ၏။
“အေး.. ရှိတယ်။ မိုးဖွဲဖွဲလေးထဲမှာ သူတစ်ကိုယ်လုံး ရေစိုနေတာ။ သူကားပေါ်တက်ပြီး တံခါးပိတ်သံမကြားရတာ။
နောက်ပြီး သူ့ဆီကထွက်နေတဲ့အနံ့။ နောက်ပြီး…”
မင်းခက စိတ်ဝင်တစား နားထောင်နေ၏။
“နောက်ပြီး သူနဲ့ငါစကားပြောတဲ့အခါ သူ့စကားလုံးတွေက သေခြင်းတရားဘက်ကို ဦးတည်နေသလိုပဲ”
“နေပါဦး.. မင်းက ဒီသရဲခြောက်ခံရတဲ့ကိစ္စကို ဘာလို့ရေးကြီးခွင်ကျယ်လုပ်နေရတာလဲ”

လင်းစက်ညီ လက်ထဲမှဆေးလိပ်အား ပြာခွက်ထဲသို့ထိုးခြေပစ်လိုက်၏။ လက်ကျန်ရှူရှိုက်ထားသော မီးခိုးငွေ့များအား
မှုတ်ထုတ်လိုက်၏။ လေထဲတွင်ပင် ပျောက်ကွယ်သွားကြပြန်၏။

“သူ ငါနဲ့ ထပ်ပြီး ပတ်သက်လာဦးမယ်လို့ ငါထင်နေတယ်”
မင်းခက ပထမ မျက်ခုံးပင့်၏။ ထို့နောက် အသားလွတ်ထရယ်၏။ မင်းခက စာတိုပေစလေး ရေး၏။ ကဗျာရေး၏။
ကဗျာဆရာဟုလည်း ကြုံရင်ကြုံသလို အသားယူဟန်နှင့်ပြော၏။ ယခုကိစ္စအား သူဘယ်လိုတွေးနေမည်လဲမသိ။
“မင်းခ မင်းလက်ဖက်ရည်ခွက်ထဲမှာ ယင်ကောင်ကြီး”
မင်းခက လက်ဖက်ရည်ခွက်အား ငုံ့ကြည့်၏။ ပက်လက်မှန်းမသိ မှောက်လျှက်မှန်းမသိ မျောနေသော ယင်ကောင်အား
ဆယ်ယူရန်ပင် ပျင်းရိနေပုံရ၏။
“ရပါတယ်ကွာ ယင်သားလေးနဲ့ သောက်ရတာပေါ့”

“ မင်းကြီးတော် ယင်သားပါလား။ ဆယ်ရမှာ ပျင်းရင် ပျင်းတယ်မပြောဘူး ။ ကဗျာဆန်သလိုလိုဘာလိုလို လာလုပ်ပြနေတယ်”
မင်းခက ပြန်လည်စကားမတုံ့ပြန်တော့။ သူတို့နှစ်ဦး အတွေးကိုယ်စီများနှင့် ငြိမ်သက်သွားကြပြန်၏။
“ညီ့..”
ပုခုံးပေါ်သို့ ကျရောက်လာသော လက်ဖဝါးနုနုကလေးတစ်ဖက်နှင့် အသံကြောင့် မိန်းကလေးတစ်ယောက်မှန်း သတိထားမိလိုက်၏။
တွေးလက်စအတွေးလေးပင် ဘယ်ဆီသို့ ထွက်ပြေးသွားမှန်းမသိလိုက်။ အသံလာရာသို့ လင်းစက်ညီမော့ကြည့်လိုက်၏။
“သြော် ဇွန်.. လာလေ ထိုင်”
နာမည် အပြည့်အစုံက ဇွန်ဦးကို။ လင်းစက်ညီ၏ ဆိုးတူတူ ကောင်းတစ်ယောက်တစ်ဝက်ကဲ့သို့သော ငယ်သူငယ်ချင်းမလေးဖြစ်၏။
“နင်တို့ ၂ယောက်က စောစောစီးစီး ထူးထူးဆန်းဆန်း လက်ဖက်ရည်ဆိုင်တွေဘာတွေ ထိုင်လို့ပါလား”
မင်းခ သောက်လက်စ လက်ဖက်ရည် သီးသွား၏။ သူမဆိုလိုချင်သည်က ယခင်က အိပ်ပုပ်ကြီးသည်ဟု ဆိုလိုလိုက်ခြင်းအား
မင်းခကောင်းကောင်းရိပ်မိ၏။
“ဒီကောင်ညီပေါ့”
လင်းစက်ညီက မင်းခအစပြုလိုက်သော စကားလမ်းကြောင်းအား ရိပ်စားမိ၏။ သူ လွန်းသက်ချိုကိစ္စအား အစဖော်တော့မည်။
လင်းစက်ညီ မျက်မှောင်ကျုံ့ကာ ခေါင်းရမ်းပြလိုက်၏။ မင်းခကလည်း သဘောပေါက်၏။ စကားကိုရပ်ပစ်လိုက်သည်။ တော်သေး၏။
ဇွန်ဦးကိုက စားပွဲထိုးအား ကော်ဖီမှာနေသည်မို့ ဘာမှမမြင်မတွေ့ မကြားလိုက်။
“ ငါဒီရက်ပိုင်း နေလို့မကောင်းဘူးဟာ။ လူက အီလည်လည်ကြီးဖြစ်နေတယ်”
“ဘာလဲ နင်က ညည အရက်သောက်တတ်နေပြီလား”
ဇွန်ဦးကိုက လက်တစ်ဖက် ခါးတွင်ထောက်ကာ နှုတ်ခမ်းအား တခြမ်းထဲ ရွေးကိုက်၏။ ဘာကြောင့်မှန်းမသိ။
မိန်းကလေးများနှုတ်ခမ်းကိုက် အံကြိတ်ထားလျှင် တစ်ခြမ်းထဲသာ ရွေးကိုက်တတ်ကြ၏။ လင်းစက်ညီမျက်လုံးထဲတွင်
ထိုအမူအရာက သိပ်အဆင်မပြေလှ။ အာဖရိကမှ လူမျိုးများအား နှုတ်ခမ်းနီခပ်ရဲရဲဆိုးပေးထားသလိုဖြစ်နေ၏။

“သေလိုက်ပါလား အကောင်နာရဲ့ နင်ဟာလေ စကားအကောင်းကိုပြောလို့မရဘူး”
“ဘာဖြစ်လို့လဲ နင့်ပါးစပ်မှာဝဲပေါက်နေလို့လား”
“တော်ပြီဟာ နင်နဲ့စကားမပြောတော့ဘူး”
ဇွန်ဦးကိုတစ်ယောက် လင်းစက်ညီဘက်သို့ ခန္ဓာကိုယ်အနည်းငယ်စောင်းကာ ပြောင်းထိုင်၏။
“ညီ ငါဒီရက်ပိုင်း နေလို့ထိုင်လို့မကောင်းဘူးဟာ။ ငါဘာလုပ်ရင်ကောင်းမလဲ လူက အီလည်လည်ကြီးဖြစ်နေတယ်”
လင်းစက်ညီက လက်ဖက်ရည်တစ်ငုံမော့သောက်ကာ ခေါင်းအနည်းငယ်စောင်း၍ စဉ်းစားနေဟန်ပြု၏။
ထို့နောက်မျက်မှောင်ကျုံ့ရင်း..
“ သိပ်ထွေထွေထူးထူး လုပ်စရာမလိုပါဘူး အလေ့အကျင့်လေး (၂) ခုလောက်လုပ် ကောင်းသွားလိမ့်မယ်”
“ဘာအလေ့အကျင့်လဲ”
ဇွန်ဦးကို သိချင်ဇောနှင့် မျက်လုံးကလေးဝိုင်းကာ မေး၏။ အသားဖြူဖြူကလေးတွင် သူမ၏ ပါးပြင်၌ သွေးကြောကလေးများ
စိမ်းစိုနေကြ၏။ မိုးဦးကျ သစ်တောကလေးနှင့် တူနေ၏။
“အင်းပထမတစ်ခုက မနက်အိပ်ယာနိုးနိုးချင်း မျက်နှာမသစ်ခင်ရေတစ်ခွက်သောက်”
“သောက်တော့သောက်ပါတယ် ဒါပေမဲ့ မသောက်ဖြစ်တာများတယ်”
ဘေးမှမင်းခက ဇွန်ဦးကိုအတွက် လာချပေးသော ကော်ဖီခွက်မှ ဇွန်းကိုယူကာ လက်ဖက်ရည်ခွက်ထဲရှိ ယင်ကောင်ကို
ဖမ်းရန်ကြိုးစားနေ၏။
“ဘာလို့လဲဆိုတော့ လူတစ်ယောက်မှာ အစာလမ်းကြောင်းနဲ့ အသက်ရှူလမ်းကြောင်းဟာ လည်ချောင်းမှာပဲရှိတယ်။
အဲဒီတော့ လူတစ်ယောက် အိပ်ပြီဆိုရင် အသက်ရှူတဲ့အလုပ်တစ်ခုပဲ ပုံမှန်လုပ်တယ်။ လည်ချောင်းထဲမှာပေါ့ဟာ။
အင်း .. ငါတို့ အစားအသောက်တွေလို နူးညံ့တဲ့အရာမျိုးတွေကို အပြင်မှာကြာကြာထားရင် လေသလပ်သွားသလိုမျိုး
အိပ်ယာနိုးနိုးချင်းမှာ လည်ချောင်းက ခြောက်ပြီးအက်ကွဲချင်နေတယ်။ အဲလိုအချိန်မျိုးမှာ သွားတိုက်ဆေးလို ပူရှိန်းရှိန်းဓာတ်က
ခံတွင်းရှင်းပေမဲ့ လည်ချောင်းအတွက်ကျတော့ မသင့်တော်ဘူး။ အဲဒီတော့ လည်ချောင်းကို သွားမတိုက်ခင် စိုသွားအောင်
ရေဆွတ်တဲ့သဘောပဲ။”

“သြော်..”

လင်းစက်ညီလည်း ကိုယ်တိုင် လက်ဖက်ရည်တစ်ငုံသောက်၏။ လည်ချောင်းကို ရေဆွတ်လိုက်သည်ပင်။
“နောက်တစ်ခုကကော..”
“နောက်တစ်ခုက ရှင်းပါတယ်။ ရေသောက်ပြီး ဗိုက်သားလေ့ကျင့်ခန်းလုပ်”
“ဗိုက်သားလေ့ကျင့်ခန်း”
“အင်း”
“အဲဒါက ဘယ်လိုလုပ်ရတာလဲ”
လင်းစက်ညီက ခပ်ဟဟ ပြုံး၏။ ဘေးမှမင်းခက မနေနိုင်တော့ဘဲ ဝင်ပြော၏။
“ဟိုကောင်ညီက စားနေသောက်နေတုန်းမို့ လှည့်ပတ်ပြောနေတာ။ ဗိုက်သားလေ့ကျင့်ခန်းဆိုတာ အိမ်သာတက်တာကိုပြောတာ”
“ခစ်..”
ဇွန်ဦးကိုတစ်ယောက် ရှိုက်သံတစ်ချက်ထွက်ကာ မျက်နှာကို လက်အုပ်ပြီး ရယ်နေ၏။ လင်းစက်ညီ နာရီကို အမှတ်တမဲ့ကြည့်မိ၏။
၈နာရီခွဲ။ စိတ်ထဲတွင် လွန်းသက်ချိုအကြောင်းကသာ များနေ၏။ အချိန်ဆွဲ ဆက်မထိုင်ချင်တော့သဖြင့် မင်းခအား မေးငေါ့ပြလိုက်၏။
မင်းခက ..
“ကဲ မမချော ကျွန်တော်မျိုးတို့ ပြန်တော့မယ်”
“ဟင် ဒါဆို ငါလည်းပြန်လိုက်မယ်လေ”
ထို့နောက် ပိုက်ဆံရှင်းကာ ဆိုင်ထဲမှ သုံးယောက်သား ထွက်လာခဲ့ကြ၏။
xxxxxxxxxxxxxxxxxxxxxx

လက်ဖက်ရည်ဆိုင်နှင့် လင်းစက်ညီအိမ်က တစ်လမ်းခြား၏။ ထိုခြားထားသောလမ်းမှာ ဇွန်ဦးကို၏ အိမ်ရှိရာလမ်းဖြစ်၏။
ဇွန်ဦးကို၏ အိမ်ရှိရာလမ်းကို ရောက်သည်အထိ လင်းစက်ညီ တိတ်ဆိတ်နေမိ၏။ ဘေးမှမင်းခနှင့် ဇွန်ဦးကိုက
တကျက်ကျက်ရန်ဖြစ်ကာ ပါလာ၏။ ဇွန်ဦးကိုက သူမလမ်းထဲသို့မဝင်မီ..
“ ညီ နင်ကလည်း တစ်လမ်းလုံးလည်း စကားမပြောဘူး။ တိတ်နေတာပဲ။ နင်နေ့လည်အားလား”
“ဘာလုပ်ဖို့လဲ”
“ငါ ညာလက်ဖဝါးတွေယားပြီး ပိုက်ဆံထွက်တာ အရမ်းများနေတယ်။ အဲဒါ ဗေဒင်လေးဘာလေး သွားမေးမလားလို့”
“ညာလက်ဖဝါးယားတာနဲ့ ပိုက်ဆံထွက်တာ ဘာဆိုင်လို့လဲ”
“ဆိုင်တယ်လေ နင်မကြားဖူးဘူးလား။ ညာလက်ဖဝါးယားရင် ပိုက်ဆံထွက်တယ်။ ဘယ်လက်ဖဝါးယားရင် ပိုက်ဆံဝင်တယ်”
လင်းစက်ညီက ထိုအယူအဆများကို သိပ်အစွဲအလမ်းမထားတတ်။ အသွေးအသားယားယံခြင်းနှင့် ပိုက်ဆံအဝင်အထွက်ကို
သက်ဆိုင်ပါသည်ဟု သူလုံးဝလက်ခံမပေးနိုင်။
“ဒါဆိုလည်း ဗေဒင်သွားမေးမနေပါနဲ့ ခွေးလျားသီးရှာပြီး နင့်ဘယ်ဘက်လက်ကို သုတ်ထားလိုက်။
ဒီထက်ပိုပြီးစိတ်ချချင်ရင် နင့်တစ်ကိုယ်လုံးရဲ့ ဘယ်ဘက်ခြမ်းကို သုတ်ထားလိုက်။ ငါတို့သွားပြီ”
ဇွန်ဦးကိုတစ်ယောက် ပွစိပွစိနှင့်ကျန်ရစ်ခဲ့၏။

“မင်းခ..”
“ဟေ..”
“ငါတို့တေးသံသွင်းတွေသွားပြီး လွန်းသက်ချိုရဲ့ အိမ်လိပ်စာ သွားစုံစမ်းရအောင်ကွာ”
မင်းခက သိပ်စိတ်ပါပုံမရ..
“ဘာလုပ်ဖို့လဲ”
“ဒီလိုကွာ ညက ငါလိုက်ပို့ခဲ့တဲ့အိမ်ကို ငါမှတ်မိတယ်။ တကယ်လို့များ လွန်းသက်ချိုအိမ်လိပ်စာ စုံစမ်းလို့ရရင် အဲဒီလိပ်စာနဲ့
ငါရောက်ခဲ့တဲ့အိမ်လိပ်စာကို တိုက်ကြည့်လိုက်မယ်ကွာ။ တူနေရင် ညကကောင်မလေးက လွန်းသက်ချိုပဲ”
“ဖျောက်!”
မင်းခက မျက်လုံးအဝိုင်းသားနှင့်လက်ဖျောက်တီးထောက်ခံ၏။
“မဆိုးဘူး ဒါပေမဲ့ မင်းက အဲ့ဒီကောင်မလေး လွန်းသက်ချိုဖြစ်နေတော့ကော ဘာလုပ်မှာမို့လို့လဲ”
လင်းစက်ညီ ဖြေရကြပ်သွား၏။ စိတ်ထွက်ပေါက်တစ်ခုရချင်သည်ကလွဲလျှင် သူလွန်းသက်ချိုနှင့် ထပ်ဆုံချင်နေသေး၏။
ဘာကြောင့်လဲဟု မေးလာလျှင်လည်း ဖြေရန်ခက်သည်။ လင်းစက်ညီ သက်ပြင်းရှည်ကြီးချကာ..
“နံရံကပ်ကြည့်မှန်ပေါ် ငါလက်ညှိုးထောက်ကြည့်လိုက်တဲ့အခါ ပုံရိပ်နဲ့ ငါ့လက်ညှိုးအစစ်က တစ်ခုနဲ့တစ်ခု ထိနေတယ်”
မင်းခက ခေါင်းကုတ်ရင်း..
“နားမလည်ဘူး”
“တစ်ချို့အဝတ်အစားရောင်းတဲ့ဆိုင်တွေက အဝတ်လဲခန်းတွေမှာ နံရံကပ်မှန်တွေ ရှိတတ်ကြတယ်။ အဲဒီမှန်တွေပေါ်
မင်းလက်ညှိုးထောက်ကြည့်လိုက် မင်းလက်ညှိုးအစစ်နဲ့ ပုံရိပ်လက်ညှိုးက ထိမနေဘဲ ကွာနေတယ်ဆိုရင် အဲဒါကြည့်မှန်အစစ်။
ပြဒါးသုတ်ထားတဲ့ မှန်အစစ်။”
“တကယ်လို့ ထိမနေဘူးဆိုရင်ကော”
“ထိမနေဘူးဆိုရင်တော့ အဲဒီမှန်က လျှို့ဝှက်မှန်ပဲ။ မှန်နောက်မှာ တစ်ယောက်ယောက်က မင်းကိုစောင့်ကြည့်နေတာ၊
အများကြီး ဖြစ်နိုင်သွားပြီ”
“မင်းဆိုလိုချင်တာက”
“အခု ငါ့ကို တစ်ယောက်ယောက်က စောင့်ကြည့်နေတယ်လို့ ခံစားရတယ်”
“မင်းစိတ်သက်သာရာ ရမယ်ဆိုလည်း မနည်းပါဘူး။ ခုရေမိုးချိုးပြီး လိုက်စုံစမ်းကြတာပေါ့”
လင်းစက်ညီ ဆေးလိပ်မီးခိုးငွေ့များကို မှုတ်ထုတ်ရင်း ခေါင်းကို အသာအယာညိတ်၏။ မိုးက ရုတ်တရက် မပြောမဆို ရွာချ၏။
ကိုယ်လာပြီကောင်မလေးရေ…။ မင်းရဲ့ အိပ်မက်တွေကို သေချာဖွက်ထားတော့…။
xxxxxxxxxxxxxxxxxxxx

တစ်နေကုန် လိပ်စာလိုက်ရှာရကျိုးနပ်သည်။ ညနေမစောင်းခင် လွန်းသက်ချို၏ အိမ်လိပ်စာ ရခဲ့၏။ ထင်ထားသည့်အတိုင်း
လိပ်စာသည် ပါရမီတွင်ဖြစ်၏။ တိတိကျကျ သိချင်၍ မြို့ထဲမှာ ကားလေးမောင်းရင်း သူတို့နှစ်ဦးထွက်ခဲ့လိုက်၏။
တစ်မနက်လုံး မိုးရွာထားသည့်အရှိန်နှင့် ရာသီဥတုက အေးမြမြကလေးဖြစ်နေ၏။ ရာသီဥတုကြောင့်နှင့် စိတ်စောနေသည်ကြောင့်
ပင်ပန်းသည်ဟုပင်မထင်ရ။ ကားမောင်းရသည်ကိုပင် အေးစက်စက်နှင့်မို့ သက်တောင့်သက်သာရှိလှသည်။ ထိုသို့ဖြင့်
ပါရမီသို့ရောက်ခဲ့၏။
“လိပ်စာအတိုင်းဆိုရင်တော့ ဒီအိမ်ပဲကွ မင်းမနေ့က ပို့ခဲ့တာ ဒီအိမ်ပဲလား”
လင်းစက်ညီ ခြံတွင်းသို့ အကဲခတ်ကြည့်၏။ ကိုယ်တိုင်ကား ဆုံးဖြတ်ချက်ချရန် ခက်ခဲမိနေ၏။ ခြံအများစုမှာ ခပ်ဆင်ဆင်
နှစ်ထပ် လုံးချင်းအိမ်များ ဖြစ်ပြီး ပုံစံများလည်းခပ်ဆင်ဆင် တူနေသောကြောင့် ဝေခွဲမရ။
“မဟုတ်လောက်ဘူးကွ လမ်းကတော့ဒီလမ်းဟုတ်တယ်။ ဒါပေမဲငါလိုက်ပို့တုန်းက ခြံထဲမှာ သစ်ပင်ခပ်ကြီးကြီးတစ်ပင်ရှိတယ်”
“သေချာလား”
“အဲဒါလည်းဇဝေဇဝါပဲ”
မင်းခက ဟက်ဟက်ပက်ပက်ရယ်မော၏။
“ဒါဆို မင်းသေချာတာဘာရှိလဲ”
“အင်း.. ဘာမှမသေချာဘူးဆိုတာပဲ သေချာတယ်”
“ကောင်းကွာ”
သူငယ်ချင်းနှစ်ယောက်သား ဘေးဘယ်ညာအိမ်များကို အကဲခတ်ကြည့်ကြ၏။ မင်းခက ..
“ဒါဆိုလည်း ကားကို ဖြည်းဖြည်းမောင်းကွာ တစ်လမ်းလုံးမှာ သစ်ပင်ရှိတဲ့အိမ်ကို လိုက်ရှာကြတာပေါ့”
လင်းစက်ညီ ဂီယာထိုးကာ ကလပ်ကို အသာအယာလွှတ်ရင်း လီဗာကိုဖိနင်း၏။ ကားလေးမှာ တရွေ့ရွေ့နှင့်.. စတင်ထွက်ခွာ၏။
ကားကိုတဖြည်းဖြည်းချင်းမောင်းရင်း တစ်လမ်းလုံးရှိ သစ်ပင်ရှိရာအိမ်ကို လိုက်ရှာကြသည်။ မတွေ့။ နောက်တစ်ခေါက်ထပ်ရှာ၏။
မထူးမခြားပင်။ သစ်ပင်ကြီးကြီးမားမားနှင့်ခြံဟူ၍ မတွေ့ရ။ သုံးခေါက်မြောက်ထပ်ရှာ၏။ မတွေ့ရ။ လမ်းသွားလမ်းလာများကပင်
သူတို့ကားကို သတိထားမိနေကြပုံရ၏။
“ကဲ ညီ။ ဒီနေ့တော့ လက်လျှော့လိုက်တာကောင်းမယ်။ ဒီလမ်းမှာခေါက်တုံ့ခေါက်ပြန်လုပ်နေတာ ကြာလာရင်မကောင်းဘူး။
ပြန်ရအောင်ကွာ”

လင်းစက်ညီ လက်မလျှော့ချင်သေးသော်လည်း ပတ်ဝန်းကျင်အခြေအနေကြောင့် မင်းခ၏စကားကို လက်ခံလိုက်ရ၏။
စိတ်ထဲမတင်မကျနှင့် အတွေးများယောက်ယက်ခတ်ကာ အိမ်အပြန်လမ်းသို့ ကားကို ဦးတည်မောင်းထွက်ခဲ့လိုက်သည်။
လမ်းမကြီး မစိုတစိုအခြေအနေမျိုးလေးက ကားဘီးပွတ်တိုက်သံများကို လှလှပပဖန်တီးထား၏။ ပါရမီလမ်းဆုံရောက်ခါနီးတွင်
လင်းစက်ညီ ဝမ်းသာအားရဖြင့်…
“ရေထွက်ပေါက်…!”
“ဟ ဘာဖြစ်တာလဲညီရ…”
မင်းခပင် အူကြောင်ကြောင်ဖြစ်သွား၏။
“မနေ့ညက ငါလိုက်ပို့ခဲ့တဲ့ အိမ်ရှေ့မှာ ရေထွက်မြောင်းပေါက် (၉)ပေါက်ရှိတယ်။ ဟုတ်တယ် အဲဒါအသေအချာပဲ”
“အဲဒီတော့ မင်းအခုဘာလုပ်မှာလဲ”
“နောက်တစ်ခေါက်ထပ်သွားမယ်”
လင်းစက်ညီ ကားစတီယာရင်ကို ဆွဲကွေ့ချပစ်လိုက်၏။ ကားဘီးပွတ်တိုက်သံများက စစ်သူကြီးတစ်ယောက်၏
မြင်းဟီသံများအလား။ မထင်မှတ်ပါဘဲ မိုးကစတင်ရွာသွန်းလာ၏။
xxxxxxxxxxxxxxxxxxxxxxx

ဝမ်းနည်းပါတယ်.. ဆည်းဆာ။
ကိုယ်ဟာ မင်းထင်နေသလို
နှစ်ခါသေမယ့်လူမျိုးတော့
မဟုတ်ခဲ့နိုင်ဘူး။

++++++++++++++++++++++++++++++++++++++++++++++++++++++++

                                                ဆောင်းပါး

မမေ့နိုင်သော (ဖြစ်ရပ်မှန်)
- အိန်ဂျယ်လှိုင် -

ဦးဇင်းကနယ်မြို့လေးတစ်ခုကနေ ရန်ကုန် ဗုဒ္ဓတက္ကသိုလ်မှာ ပညာသင်ကြားနေတဲ့ ရဟန်းတစ်ပါး ဖြစ်ပါတယ်။ ဦးဇင်းအတွက်
လိုအပ်တဲ့ ဝတ္ထုငွေနဲ့ ပစ္စည်းလေးပါးကို ဇာတိမြေကပဲ လူကြုံနဲ့ တစ်မျိုး ကိုယ်တိုင်တစ်ဖုံ အထောက်အပံ့ လက်ခံရပါတယ်။
တစ်နေ့ ဦးဇင်းရဲ့ ဒကာမတစ်ယောက်ရဲ့ သမီးက ရန်ကုန်ကို အရောင်းအဝယ် ကိစ္စနဲ့ ဦးဇင်းဆီ လူကြုံဝင်ရင်း လိုအပ်တဲ့
စာအုပ်တွေနဲ့ ဝတ္ထုငွေ တစ်ချို့ကို လူကြုံ ထည့်ယူလာတာကြောင့် ဦးဇင်းဆီ လာဖို့ အကြောင်းဖန်လာပါတော့တယ်။
ရောက်လာမယ့် ဒကာမက နယ်ကလည်းဖြစ် ရန်ကုန်မြို့ရဲ့ များပြားလှသော လိုင်းကားတွေကို လည်လည်ဝယ်ဝယ်
စီးတတ်သူလည်း မဟုတ်တာကြောင့် ဦးဇင်းကပဲ စီးရမည့်ကား နံပါတ်၊ ဆင်းရမည့် ကားမှတ်တိုင် အမည်တို့ကို သေသေချာချာ
လိုက်မှတ်စေပြီး ရက်စွဲအတိအကျ ရောက်မည့်အချိန်တို့ကို ခန့်မှန်းပြီး ကားမှတ်တိုင်တွင် ဦးဇင်း လာစောင့်ကြိုပါမည်ဟု အသေအချာ
ကတိပေးလိုက်ပါတယ်။ လူကြုံလာပို့မည့် ဒကာမရောက်မည့်နေ့ နေ့လည် တစ်နာရီခန့်တွင် ဦးဇင်းတို့ရဲ့ ဆွမ်းကွမ်း ကိစ္စ
ပြီးမြောက်တာနဲ့ စောစောလေး ချိန်းဆိုထားရာ ကားမှတ်တိုင်မှာ ကြိုစောင့်နေဖို့ ဦးဇင်းထွက်လာခဲ့တယ်။

ရန်ကုန်မြို့ရဲ့ ခြစ်ခြစ်တောက် ပူတဲ့နေကြောင့် ကတ္တရာ လမ်းမကြီးဟာ အငွေ့ပျံမတတ် ပူလောင်မှုနဲ့အတူ နွေနေ့လည်ခင်းကို
ပံ့ပိုးနေသလို။ ချိန်းဆိုထားရာ စွယ်တော်ဘုရား ကားမှတ်တိုင်တွင်မို့ ဘုရားဖူးလာသူ တချို့နဲ့အတူ ကားမှတ်တိုင်နဲ့ မနီးမဝေး
အပင်ကြီးတွေ အောက်မှာ ခေတ္တခဏ အရိပ်ခိုရင်း ဒကာမအလာကို စောင့်မျှော်နေမိပါတယ်။ ဦးဇင်းကပဲ
စိတ်စောစိတ်မြန်တတ်လေသလား၊ ရောက်လာမည့် ဒကာမ ကားမှားစီးပြီး မလည်မဝယ်နဲ့ လမ်းမှားနေမလားလို့
စိတ်ပူပန်ဇောကြောင့် သတ်မှတ်ချိန်ထက် စောရောက်နေသလို စိတ်ပူပန်မှုကလည်း နွေနေ့လည် အပူချိန်နဲ့ အပြိုင် ဦးဇင်းစိတ်ကို
ပူလောင်နေစေပါတယ်။

သတ်မှတ်ချိန်ထက် တစ်နာရီကျော်ကျော် နောက်ကျနေခဲ့တဲ့တိုင် ဒကာမရဲ့ အရိပ်ယောင်တောင် မမြင်ရချေ။ နေ့လည်ခင်းမို့
အပူချိန်၏ကြီးစိုးမှုနှင့်အတူ ဦးဇင်းလည်း အလိုမကျမှုတွေနဲ့ ဒေါသစိတ်က ဝင်ရောက်လာခဲ့ပါတယ်။ ဒကာမအတွက်
သို့လော သို့လော ဆိုသော စိတ်ပူပန်မှုနှင့် အတူ တဖြည်းဖြည်းနဲ့ ရောက်သင့်တဲ့ အချိန်ထက် များစွာ နောက်ကျလာခဲ့တယ်။
လိုင်းကားတွေသာ တစ်စီးပြီး တစ်စီး အဆက်မပြတ် သွားလာနေသော်လည်း ထိုဒကာမအား မတွေ့မြင်ရချေ။ တိုက်တိုက်ဆိုင်ဆိုင်
အဲဒီလို ဖြစ်နေတဲ့အချိန် ကလေးငယ်တစ်ဦး အသက်အားဖြင့် (၉)နှစ်၊ (၁၀) နှစ်အရွယ် ယောက်ျားလေးတစ်ယောက်
ဘယ်ကနေ ထွက်ပေါ်လာသည် မသိ၊ ဦးဇင်းထံမှ ပိုက်ဆံ လာတောင်းတယ်။

“ဘုန်းဘုန်းရယ် သား ထမင်းမစားရသေးလို့ သားကို ပိုက်ဆံ(၅၀) လောက်ပေးပါ.. ဘုန်းဘုန်းရယ် သားတောင်းပန်ပါတယ်
သားဗိုက်ဆာနေလို့ပါ” တဲ့။ ရန်ကုန်မြို့တွင် ထိုကဲ့သို့ တောင်းရမ်းစားသောက် ကြတဲ့ကလေးတွေ အမြောက်အများ ရှိကြပါတယ်။
အမှန်အကန်လည်းရှိကြသလို လိမ်လည်ကြတဲ့ ကလေးတွေလည်း များစွာရှိတယ်လို့ ဦးဇင်း ကြားဖူးတယ်။ ဦးဇင်းနား,ကပ်ပြီး
ပိုက်ဆံလာတောင်းတဲ့ ကလေးကို ကြည့်ပြီး ဦးဇင်း ဝေခွဲမရသလို စိတ်ထဲတွင်လည်း အလိုမကျမှုက ကြီးစိုးနေသောကြောင့်
ခပ်တည်တည်နှင့် ပိုက်ဆံလာတောင်းတဲ့ ကလေးကို စိုက်ကြည့်ပြီး အော်ငေါက်လွှတ်တဲ့အပြင် နောက်တစ်ခါ လာမတောင်းရန်ပါ
သတိပေးလိုက်ပါတယ်။

စေတနာ မရှိလို့ရယ်လည်း မဟုတ် တချို့သော စေတနာများသည် ပျက်စီးစေဖို့ရာ အထောက်အပံ့တစ်ခု ဖြစ်ပေါ်သွားစေမည် ဆိုလျှင်
မည်သူမဆို စဉ်းစားဆင်ခြင်သင့်ပေသည် မဟုတ်ပါလား။ ထိုကလေးသည် ဦးဇင်းနှင့် မနီးမဝေး အရိပ်အောက်တွင် ရှိသည့်
မြေတလင်းပေါ်တွင် ထိုင်လျှက် ဦးဇင်းအား တစ်ချက် တစ်ချက် လှမ်းကြည့်နေတယ်။ ဦးဇင်းအထင် ဦးဇင်းရဲ့ အော်ငေါက်မှုကြောင့်
ဒီကလေး ဦးဇင်းရဲ့ ဝေးရာသို့ ထွက်ခွာသွားမည်ဟု ထင်ထားခဲ့သော်လည်း ထင်သလို ဝေးရာသို့ မထွက်သွားဘဲ မလှမ်းမကမ်းမှနေ၍
ဦးဇင်းအား ကွက်ကြည့်ကွက်ကြည့် လုပ်၍ နေလေပါတယ်။ ဦးဇင်းလည်း ဒကာမကို ဆက်စောင့်နေရင်း စိတ်ထဲမှနေ၍
“ကလေးတွေများ အကြောက်တရား နည်းလိုက်ကြတာ ဒီတစ်ခါ ငါ့ဆီ ပိုက်ဆံလာတောင်းကြည့် ခေါင်းကို ထူပူအောင်
ခေါက်ပစ်လိုက်မည်” ဟု ကြိမ်းဝါးမိတယ်။

နေ့လည်ခင်းမို့ ကားမှတ်တိုင်တွင် လူသူ နည်းပါးကာ ဦးဇင်းရယ် မလှမ်းမကမ်းမှာ ဦးဇင်းကို ကြည့်နေသော ပိုက်ဆံတောင်းတဲ့
ကလေးရယ်သာ ရှိတော့သည်။ သိပ်မကြာခင်မှာပဲ ထိုကလေးက မလှုပ်တလှုပ်နှင့် ဦးဇင်းရဲ့ အနီးသို့ တရွေ့ရွေ့
ချဉ်းကပ်လာခဲ့ပါတယ်။ ထိုကလေးရဲ့ အပြုအမူကြောင့်သော်လည်းကောင်း၊ ဒကာမ ရောက်မလာသည့်အတွက် အလိုမကျသည့်
စိတ်ကြောင့်သော်လည်းကောင်း၊ နွေနေပူ၏ အပူချိန် ကြီးစိုးမှု အောက်တွင် ဦးဇင်းစိတ်တွေသည် ဒေါသဆီသို့သာ
ဦးတည်နေပေသည်။ ကလေးဥာဏ်ဖြင့် မသိမသာ ဦးဇင်းရဲ့ အနား တိုးတိုးလာနေသော ကလေးအား မသိဟန်ဆောင်ကာ
“လာခဲ့ နင် အနားရောက်မှ ခပ်နာနာလေး ခေါက်ပစ်မယ် လာခဲ့” ဟု စိတ်ထဲမှ ကြိမ်းမောင်းရင်း ကလေး အနား
ရောက်လာမည့်အချိန်ကို စောင့်နေမိပါတယ်။ ထိုစောင့်နေချိန်မှာပဲ တရွေ့ရွေ့နီးလာတဲ့ ကလေးငယ်က မထင်မှတ်စွာပဲ
ဦးဇင်းရဲ့ လက်တစ်ကမ်းအကွာမှ နေ၍ သူရဲ့ ညစ်နွမ်းနွမ်း လက်ထဲက ကျစ်ကျစ်ပါအောင် ဆုပ်ကိုင်ထားသော
ဟောင်းနွမ်းနေတဲ့ (၅၀)တန် အရွက်လေး နှစ်ရွက်ကို အသာဖြန့်ယူပြီး “ဘုန်းဘုန်း ကားခ မရှိရင် သားဒီမနက် တောင်းထားတဲ့
ပိုက်ဆံ (၁၀၀)ရှိတယ်၊ အဲဒီ (၁၀၀)ထဲက (၅၀) ဘုန်းဘုန်း ကားခအဖြစ် ယူပါလား” တဲ့။ ကလေးငယ်ရဲ့ မဝံ့မရဲ စကားသံနဲ့
အပြုအမူကြောင့် ဦးဇင်း ရင်ထဲ ထိုခဏ ဘယ်လို ဖြစ်သွားမှန်းမသိဘူး။ နွမ်းဖတ်ပြီး ကြေမတတ် ဆုပ်ကိုင်ခြင်း ခံထားရတဲ့
(၅၀)တန် အဟောင်းလေး နှစ်ရွက်ကို ကျစ်ကျစ်ပါအောင် ဆုပ်ကိုင်ပြီး ဦးဇင်းအား သူတောင်းလို့ ရထားတဲ့ ပိုက်ဆံလေးထဲကမှ
ကားမှတ်တိုင်တွင် ကားခမရှိလို့ အကြာကြီး ထိုင်စောင့်နေသည်ဟု ထင်ကာ တစ်ဝက်ခွဲယူရန် ပြောသော ကလေးရဲ့
ဖြူစင်တဲ့ စိတ်ထားကြောင့် မိမိကိုယ်မိမိ များစွာ ရှက်ရွံ့မိပါတယ်။ ထို့အပြင် များစွာသော ခံစားမှု အသိတရား စသော စသော
အတွေးများစွာဖြင့် ထိုကလေးငယ်အား အချိန်ကြာမြင့်စွာ စိုက်ကြည့်နေမိရင်း ဖော်မပြနိုင်သော ပီတိတစ်ခုနှင့်အတူ
ဘဝ တစ်သက်စာအတွက် ပြန်လည်တွေးမိတိုင်း ရှက်ရွံ့ဖွယ်၊ အသိတရား ရဖွယ် .... အမည်မသိသော ခံစားမှု တစ်စုံတရာဖြင့်.....။
--------------------------------------------------------
အပြောင်းအလဲကို ချောင်းကြည့်ခြင်း
- မှူး သ စ် -

နိုင်ငံရေးနဲ့ ပတ်သက်တာရေးလို့ မင်းကဘာကောင်မို့လို့လဲ ဘယ်လောက်သိနေလို့လဲလို့ ဆိုချင်ဆိုကြမှာပါ။
ဟုတ်ကဲ့ ကျွန်တော်ဘာကောင်မှမဟုတ်ပါဘူး။ လက်ရှိအပြောင်းအလဲတွေနဲ့ ပတ်သက်ပြီး အစွန်းနှစ်ဖက်လွတ်တဲ့
ပြတင်းလေးကနေ ချောင်းကြည့်ရုံလေး သက်သက်ပါပဲ။

“ဒီမိုကရေစီ၏အန္တရယ်သည် အသိပညာ၏ဆွဲဆောင်ခြင်းဖက်သို့ သာသွားခြင်းထက် အပြောကောင်းသူများဖက်သို့
ပါသွားခြင်းမှာ စိုးရိမ်စရာကောင်းသည်”  (ပလေတို)

ဒီဘက်ခေတ်လို့ဆိုမလား၊ ဒါမှမဟုတ် အခုလက်ရှိရောက်နေတဲ့ အချိန်ကာလလို့ဆိုမလား။ အခုချိန်မှာတော့ ဒီမိုကရေစီ၊
လွတ်လပ်ခွင့်၊ အပြောင်းအလဲ၊ နိုင်ငံတည်ဆောက်ရေး ဆိုတဲ့ စကားလုံးတွေဟာ ကျွန်တော်တို့နိုင်ငံမှာ အတွင်ကျယ်ဆုံးနဲ့
လူသုံးအများဆုံးလို့ဆိုရမှာပါ။ ဒီိမိုကရေစီဆိုတဲ့ စကားလုံးအပေါ်မှာတော့ သိပ်ပြီးတော့ အဓိပ္ပါယ်မဖွင့်ဆိုလိုပါဘူး။
ဘာကြောင့်လဲလို့ဆိုရင်တော့ ဒီလိုအချိန်မျိုးမှာ ဒီမိုကရေစီအကြောင်းကို အဓိပ္ပါယ်ဖွင့်ဆိုနေမယ်ဆိုရင် မိချောင်းမင်းတွေကို
ရေခင်းပြသလိုဖြစ်နေမှာ စိုးတဲ့အတွက်ပါ။

အခုဆိုရင် ကျွန်တော်တို့နိုင်ငံဟာ ဒီမိုကရေစီဖက်ကို အသွင်ကူးပြောင်းလာတဲ့နိုင်ငံတစ်ခုဖြစ်လာပါပြီ။ ဆိုတော့ ကျွန်တော်တို့
ဒီမိုကရေစီစံနူန်းတွေမှာ ဘယ်လောက်အတိုင်းအတာထိ ခရီးရောက်နေပြီလဲ။ ဒါကတော့ စဉ်းစားစရာအချက်တစ်ခုပါ။ ဒီမိုကရေစီ
အတွေးအခေါ်တွေ၊ ကျင့်စဉ်တွေ၊ နှုန်းစံတွေနဲ့ ပတ်သက်ပြီး စိတ်ထဲမှာ ဘ၀င်မကျဖြစ်မိနေတာတွေလည်း အနည်းငယ်
ရှိနေပါသေးတယ်။ အဲ့ဒါတွေက ဒီမိုကရေစီရေးလို့ တစာစာ အော်နေကြတဲ့ လူတချို့မှာပဲ စိတ်ပျက်ဖွယ်ရာကောင်းစွာ
ဒီမိုကရေစီ ကျင့်စဉ်တွေ စံနူန်းတွေကို ချိုးဖေါက်နေကြတဲ့ ဖြစ်စဉ်ပါပဲ။ ဆိုလိုပြီးပြောချင်တာက လူတစ်ယောက်က သူ့ရဲ့ခံယူချက်
သူ့ရဲ့ယုံကြည်ချက်ကို ဖော်ထုတ်တဲ့အခါမှာ ကိုယ့်ခံယူချက်၊ ယုံကြည်ချက် ဆိုတာတွေနဲ့မကိုက်ညီဘူးဆိုရင် အဲ့ဒီလူအပေါ်မှာ
ဝေဖန်တိုက်ခိုက်တာ၊ ပုဂ္ဂိုလ်ရေးထိပါးတာ ဆိုတာတွေဟာ ဒီမိုကရေစီရေးလို့အော်နေတဲ့သူအချို့မှာ စိတ်ပျက်ဖွယ်ရာ
တွေ့မြင်နေရတာပါပဲ။ ဒါနဲ့ပတ်သက်ပြီး အထူးတလည်ဆက်ပြီးတော့မပြောလိုတော့ပါဘူး။ ကျွန်တော်ဒီနေရာမှာ အဓိကထားပြီး
ပြောချင်တာက အပြောင်းအလဲနဲ့ နိုင်ငံတည်ဆောက်ရေးပါ။ ဒါတွေနဲ့ပတ်သက်ပြီး မြင်မိသလောက် အနည်းငယ်
သုံးသပ်ကြည့်ချင်ရုံပဲဆိုပါတော့။ ခေတ်တစ်ခေတ်ကနေ ခေတ်တစ်ခေတ်၊ ဒါမှဟုတ် စနစ်တစ်ခုကနေစနစ်တစ်ခုကို
ပြောင်းလဲလာတဲ့ ဖြစ်စဉ်တစ်ရပ် လို့ ဆိုလိုက်ရင်၊ အဲ့ဒီပြောင်းလဲမှုတွေအတွက် ပေးဆပ်မှုတွေ ရင်းနှီးမှုတွေ  မလွဲမသွေရှိခဲ့မယ်
ဆိုတာကို ငြင်းဆိုလို့မရနိုင်သလို၊ အပြောင်းအလဲကို ဖြစ်ပေါ်စေတဲ့ အခြေခံသဘောတရားတွေ၊ အကြောင်းတရားတွေ
ဆိုတာကလည်း ရှိနေမှာပါပဲ။ ပေးဆပ်ခဲ့မှုတွေ ရင်းနှီးခံရတာတွေကို သမိုင်းတစ်ခုလုံးမေ့ပျောက်ပစ်လို့ရမှာမဟုတ်သလိုပဲ
အပြောင်းအလဲ ဆိုတာနဲ့ပတ်သက်ပြီး မေ့ထားလို့မရတဲ့ နောက်ထပ်အရေးကြီးတဲ့အရာတစ်ခုကလည်းရှိနေပါသေးတယ်။
အဲ့ဒါကတော့ ပကတိအရှိတရားပါ။ ကောင်းမွန်တဲ့အပြောင်းအလဲတစ်ခုကို သိမ်မွေ့စွာဖော်ဆောင်ယူမယ်၊ မဟာဗျူဟာကျကျ
ဖန်တီးယူမယ်ဆိုရင်တော့ ပကတိအရှိတရားကိုမေ့ထားလို့ မရပါဘူး။

ဒီနေ့ဖြစ်ပေါ်နေတဲ့ မြန်မာနိုင်ငံရဲ့အပြောင်းအလဲတွေကို အနီးကပ်ဆုံးပြန်ကောက်ယူကြည့်မယ်ဆိုရင်တော့
၂၀၀၈ ဖွဲ့စည်းပုံအခြေခံဥပဒေအရပေါ်ပေါက်လာခဲ့တဲ့ ၂၀၁၀ ရွေးကောက်ပွဲကို ညွန်းရမှာပါ။ ၂၀၀၈ ဖွဲ့စည်းပုံအခြေခံဥပဒေဟာ
တပ်မတော်က စိတ်ကြိုက်ရေးဆွဲထားတာဖြစ်တယ်။ ဒါကလည်း အမှန်ပါပဲ လို့ယူဆကြပြီး  ဖွဲ့စည်းပုံအခြေခံဥပဒေကို
လက်မခံနိုင်ကြတဲ့သူတွေရှိလာပါတယ်။ တစ်ဖက်မှာလည်း ဒီမိုကရက်တစ်အင်အားစုအချို့က ဖွဲ့စည်းပုံအခြေခံဥပဒေဟာ
အလုပ်ဖြစ်နိုင်တယ်။ တဖြည်းဖြည်းပြင်ဆင်ဖို့ ကြိုးစားရင် ဖြစ်နိုင်ခြေရှိတယ်လို့ ယူဆပြီး၊ ရွေးကောက်ပွဲလမ်းကြောင်း
လျှောက်လာကြတာတွေ ရှိခဲ့ပါတယ်။

အဲ့ဒီလို ကွဲလွဲမှုတွေ ကြားထဲမှာပဲ ၂၀၁၀ ရွေးကောက်ပွဲက ပြီးစီးသွားခဲ့ပါတယ်။ အကြမ်းအားဖြင့်ကြည့်မယ်ဆိုရင်တော့
၂၀၁၀ ရွေးကောက်ပွဲမတိုင်ခင်မှာ မြန်မာ့နိုင်ငံရေးမှာ လမ်းကြောင်း(၂) ခု ပေါ်ခဲ့တယ်လို့ဆိုနိုင်ပါတယ်။ ရွေးကောက်ပွဲ
သပိတ်မှောက်တဲ့လမ်းကြောင်းနဲ့ ရွေးကောက်ပွဲလမ်းကြောင်းပါ။ ကျွန်တော့်အမြင်အရပြောရရင်တော့
ရွေးကောက်ပွဲ သပိတ်မှောက်ခဲ့တဲ့လမ်းကြောင်းဟာ မအောင်မြင်ခဲ့ဘဲ ဒီမိုကရက်တစ်အင်အားစုတွေထဲကမှ လွှတ်တော်ထဲကို
ရောက်သင့်သလောက်မရောက်ခဲ့ရတဲ့ အကျိုးကိုဖြစ်စေခဲ့ပါတယ်။ ဒါကလည်း ပြန်ပြီးဖော်ကောင်လုပ်တာမဟုတ်ပါဘူး။
၂၀၁၀ ရွေးကောက်ပွဲနဲ့ ဆက်နွယ်လို့ အနည်းငယ်ပြောဖြစ်ခြင်းသာဖြစ်ပါတယ်။ အရိုးသားဆုံးပြောရရင် ၂၀၁၀ ရွေးကောက်ပွဲ
မတိုင်ခင်ကာလတွေတုန်းကတော့ စိတ်ပျက်အားလျော့ဖွယ်ရာအချို့ကို မြင်တွေ့ခံစားခဲ့ရပြီး စိတ်ကူးယဉ်မိခဲ့တာတွေလည်းရှိပါတယ်။

စိတ်ပျက်အားလျော့မိတာတွေက ရွေးကောက်ပွဲမှာ ဒီမိုကရက်တစ်အင်အားစုတွေအားလုံးမပါဝင်လာတာ၊ ပါဝင်လာတဲ့
အင်အားစုတွေကြားမှာ အချင်းချင်း ထိပ်တိုက်ပြိုင်ဆိုင်မိကြတာ၊ ပေါင်းစည်းမှုနည်းခဲ့တာတွေပါပဲ။ စိတ်ကူးယဉ်မိတာကတော့
ရွေးကောက်ပွဲလမ်းကြောင်းကိုလျှောက်လာတဲ့ ဒီမိုကရက်တစ်အင်အားစုတွေ အားလုံးပေါင်းစည်းပြီး ယှဉ်ပြိုင်ကြမယ်ဆိုရင်
ဘယ်လောက်ကောင်းမလဲ ဆိုတာကိုပေါ့။ သို့သော်လည်း ကိုယ်တိုင်က ဘာကောင်မှမဟုတ်တဲ့အတွက်
စိတ်ကူးယဉ်ကြည့်ရုံသက်သက်ပါပဲ။ အားလုံးသိပြီးတဲ့အတိုင်း မြန့်မာနိုင်ငံရေးသမိုင်းမှာ အကွဲအပြဲဇာတ်လမ်းတွေဟာ
အစဉ်အဆက် ကြုံတွေ့ခဲ့ရပါတယ်။ ရွေးကောက်ပွဲအလွန်ကာလတွေမှာလည်း ဒီမိုကရက်တစ်အင်အားစုတွေကြားထဲမှာ
အကွဲအပြဲဇာတ်လမ်းတချို့ ပေါ်ပေါက်ခဲ့ပါသေးတယ်။

၂၀၁၀ ရွေးကောက်ပွဲမှာတော့ အားလုံးတွက်ဆခဲ့တဲ့အတိုင်း တပ်မတော်ကျောထောက်နောက်ခံပြုထားတဲ့ USDP ပါတီကနေပဲ
၇၈ ရာခိုင်နှုန်းအသာရပြီး အနိုင်ရသွားပါတယ်။ ၂၀၁၀ ရွေးကောက်ပွဲဟာ သိသာထင်ရှားတဲ့ အပြောင်းအလဲ မဟုတ်ဘူး၊
ဒီမိုကရေစီဖက်ကို အစစ်အမှန်ကူးပြောင်းခြင်းမဟုတ်ဘူး၊ အရင်က လူတွေယူနီဖောင်းလဲလိုက်ခြင်းသာဖြစ်တယ်လို့
သုံးသပ်ကြတဲ့သူတွေလည်းရှိခဲ့ပါတယ်။ သို့သော်လည်း အပြောင်းအလဲဖြစ်ပေါ်ခဲ့တယ်ဆိုတာကတော့ အမှန်ပါပဲ။
ပထမဆုံးအနေနဲ့ပြောရရင် လူတစ်ဦးတစ်ယောက်ထဲက ဥပဒေပြုရေး၊ အုပ်ချုပ်ရေး၊ တရားစီရင်ရေး ဆိုတဲ့ အာဏာသုံးရပ်ကို
တပေါင်းတစည်းထဲချုပ်ကိုင်ထားရာကနေ မဏ္ဍိုင်သုံးခုက လူတွေကိုခွဲဝေပေးလိုက်ရတဲ့ အပြောင်းအလဲ ဖြစ်ပေါ်ခဲ့တယ်လို့
ဆိုနိုင်ပါတယ်။ နောက်တစ်ခုက ဒီမိုကရေစီအစိုးရဖြစ်လာတဲ့အတွက် လူကြိုက်များတဲ့ အဆုံးအဖြတ်တွေကို အနည်းနဲ့အများ
ဆောက်ရွက်ပေးရတာမျိုးတွေ၊ လွှတ်တော်အတွင်းကိုရောက်သွားတဲ့ ဒီမိုကရက်တစ်အင်အားစုတွေရဲ့ အသံထွက်လာနိုင်တာတွေ
ဖြစ်လာခဲ့ပါတယ်။

၂၀၁၀ ရွေးကောက်ပွဲအပြီး အချိန်တိုကာလအတွင်းမှာပဲ အပြောင်းအလဲအတွက် နောက်ထပ်လမ်းစတစ်ခု ဖြစ်ပေါ်လာခဲ့ပြန်ပါတယ်။
 အဲ့ဒါကတော့၂၀၁၀ နိုဝင်ဘာလ(၁၂)ရက်နေ့မှာ ဒေါ်အောင်ဆန်းစုကြည် နေအိမ်အကျယ်ချုပ်ကနေ လွတ်မြောက်လာခြင်းပါပဲ။
ဒေါ်အောင်ဆန်းစုကြည် လွတ်မြောက်လာပြီးနောက်ပိုင်းမှာ သမ္မတဦးသိန်းစိန်အပါဝင် အစိုးရထိပ်ပိုင်းခေါင်းဆောင်တွေနဲ့
အကြိမ်ကြိမ်တွေ့ဆုံဆွေးနွေးပြီးတဲ့နောက်မှာတော့ ရွေးကောက်ပွဲကို လက်မခံခဲ့တဲ့ NLD ဟာ ပါတီမှတ်ပုံတင်ပြီး
ကြားဖြတ်ရွေးကောက်ပွဲကို ၀င်ပြီးယှဉ်ပြိုင်ခဲ့တဲ့အထိ အပြောင်းအလဲဖြစ်ပေါ်ခဲ့တယ်လို့ ဆိုရမှာပါ။

ကုန်လွန်ခဲ့တဲ့ ၂၀၁၁ ခုနှစ်အတွင်းမှာတော့ မြန်မာနိုင်ငံအတွင်းမှာလူကြိုက်များတဲ့ အဆုံးအဖြတ်တွေ၊ အပြောင်းအလဲတွေ၊
မျှော်လင့်ထားတဲ့ကိစ္စရပ်တွေ တစ်ခုပြီးတစ်ခု ပေါ်ပေါက်ခဲ့တာ တွေ့မြင်နိုင်ပါတယ်။ အစိုးရသစ်ရဲ့ ဖြေလျော့မှုအဆင့်ဆင့်တွေကို
လက်ခံနိုင်တဲ့အနေထားဖြစ်လာတယ်လို့ ယူဆမိပါတယ်။ ဥပမာအနေနဲ့ပြောရရင် လွတ်ငြိမ်းချမ်းသာခွင့်လို ကိစ္စမျိုး၊
ရွေးကောက်ပွဲ ဥပဒေ အချို့ကို ပြင်ဆင်တာ စီးပွားရေးအရဖြေလျော့မှုတွေလုပ်ဆောင်တာ၊ မြစ်ဆုံလိုကိစ္စမျိုး စသည်ဖြင့်ပေါ့ ..။
သို့သော်လည်း ပြည်သူလူထူတွေနားမလည်နိုင်တဲ့ အဆုံးအဖြတ်တွေ၊ အားမလိုအားမရဖြစ်စေတဲ့ လုပ်ဆောင်မှု
နှောင့်နှေးတာတွေလည်း ရှိနေခဲ့ပါတယ်။ ဒီလိုအဖြစ်အပျက်တွေထဲမှာမှ ယူနီဖောင်းချွတ်ထားတဲ့ အစိုးရအဖွဲ့အတွင်းက
သမ္မတဦးသိန်းစိန်၊ သူရဦးရွှေမန်းတို့အပါအ၀င် အစိုးရရဲ့ ထိပ်ပိုင်းခေါင်းဆောင်တွေထဲမှာ  ပြုပြင်ပြောင်းလဲရေးကို
လုပ်ဆောင်လိုကြတဲ့သူတွေ ရှိလာတဲ့ အားရစရာကောင်းသော ဖြစ်စဉ်တွေလည်း ရှိခဲ့ပြန်ပါတယ်။ ဒီအပေါ်မှာလည်း
အမြင်ကွဲလွဲမှုတွေ ရှိကောင်းရှိနေမှာပါ။

ဘယ်လိုပဲဆိုဆို ကြားဖြတ်ရွေးကောက်ပွဲမတိုင်မီကာလတွေမှာ မြန်မာနိုင်ငံမှာ နိုင်ငံရေးလွတ်လပ်ပွင့်လင်းမှု၊
ပြည်သူတွေစိတ်ဝင်တစားပါဝင်လာမှုတွေ အားကောင်းမောင်းသန် မြင့်တက်လာခဲ့ပါတယ်။ ဒီအထဲမှာ နိုင်ငံရေးအရ
အမြတ်ထုတ်လိုသူတွေ၊ ခါတော်မီသူရဲကောင်းတွေ၊ ပေါ်ပင်နိုင်ငံရေးကိုလိုက်စားသူတွေလည်း ရှိကောင်းရှိနေမှာပါ။
နိုင်ငံရေးခံယူချက်ရှိမရှိဆိုတာ မသိပေမယ့် အောင်မြင်ကျော်ကြားသူအချို့တွေကပါ တက်ကြွပါဝင်လှုပ်ရှားလာကြတာကိုတွေ့ရမှာပါ။
နိုင်ငံရေးက ပေါ်ပင်ဖြစ်လောက်တဲ့အထိကို စိတ်ဝင်စားမှုမြင့်တက်လာခဲ့ပါတယ်။

ကြားဖြတ်ရွေးကောက်ပွဲမှာ အများပြည်သူမျှော်လင့်တဲ့အတိုင်းပါပဲ။ ဒေါ်အောင်ဆန်းစုကြည်ဦးဆောင်တဲ့ NLD က ရာနှုန်းပြည့်နီးပါး
အနိုင်ရရှိခဲ့ပြီး၊ လွှတ်တော်ထဲမှာ ဒုတိယအင်အားအကြီးဆုံးပါတီအဖြစ် ရပ်တည်နိုင်တော့မှာပါ။ ဒါက နိုင်ငံရေးအရ
လိုအပ်ချက်တစ်ခုဖြစ်သလို ပြည်သူတွေရဲ့ လိုအပ်ချက်လို့လည်းဆိုနိုင်ပါတယ်။ သို့သော်လည်း တစ်ဖက်မှာ ရှိနေတဲ့
အကျိုးသက်ရောက်မှုတွေ၊ NLD မဟုတ်တဲ့ ဒီမိုကရက်တစ်အင်အားစုထဲက တကယ်အလုပ်လုပ်နိုင်စွမ်းရှိတဲ့သူတွေ
လွှတ်တော်ထဲကိုရောက်သွားဖို့ ခက်ခဲသွားခဲ့တယ်လို့ ဆိုချင်ပါတယ်။ ပြီးခဲ့တဲ့လွှတ်တော်တွေအတွင်းမှာ အနည်းနဲ့အများ
တိုင်းပြည်ကိုရွှေ့ဖို့ ကြိုးစားခဲ့ကြတဲ့ ဒီမိုကရက်တစ်အင်အားစုတွေအနေနဲ့ ကြားဖြတ်ရွေးကောက်ပွဲမှာ အကျိုးတစ်စုံတရာ
မခံစားခဲ့ရဘူးလို့ သုံးသပ်ကြည့်ချင်ပါတယ်။ အခုကြားဖြတ်ရွေးကောက်ပွဲမှာလည်း ၂၀၁၀ တုန်းက စိတ်ကူးယဉ်ကြည့်သလိုပဲ
မျှော်လင့်မိပါသေးတယ်။ NLD နဲ့ ကျန်တဲ့ဒီမိုကရက်တစ်အင်အားစုတွေနဲ့ ပေါင်းစည်းမိဖို့ပါ။ နောက်ထပ်အချိန်ကာလတွေမှာလည်း
ဆက်ပြီးတော့ မျှော်လင့်မိဦးမှာပေါ့။

ဒီနေရာမှာ အလျင်းသင့်လို့ လွတ်လပ်ရေးမတိုင်ခင်ကာလတုန်းက ဗိုလ်ချုပ်အောင်ဆန်း ဆောင်ရွက်ခဲ့မှုလေးတစ်ခုကို
ပြောပြချင်ပါတယ်။ အားလုံးသိပြီးသားအကြောင်းအရာလည်းဖြစ်မှာပါ။ ဗိုလ်ချုပ်ဟာ တပ်မတော်ကထွက်ပြီး
နိုင်ငံရေးလမ်းကြောင်းကိုဝင်ရောက်တဲ့အခါမှာ အမျိုးမျိူးအဖုံဖုံကွဲပြားနေတဲ့ နိုင်ငံရေးအင်အားစုတွေကို ဖဆပလ အောက်ကို
ဆွဲဆောင်စည်းရုံးနိုင်ခဲ့ပါတယ်။

NLD အနေနဲ့သာ အဲ့ဒီလိုလုပ်နိုင်မယ်ဆိုရင်တော့ အတိုင်းအထက်အလွန်ပါပဲ။ ဆက်လက်ပြီးတော့လည်း လွှတ်တော်ထဲမှာ
ရှိနေပြီးသား ဒီမိုကရက်တစ်အင်အားစုတွေ၊ တိုင်းရင်းသားတွေနဲ့ ဘယ်လောက်အထိ ပေါင်းစည်းသွားနိုင်မလဲဆိုတာ
ဆက်လက်မျှော်လင့်နေရမှာပါပဲ။ ဒီနေရာမှာ အလျင်းသင့်လို့ ကြားဖြတ်ရွေးကောက်ပွဲနဲ့ပတ်သက်ပြီး လူတွေရဲ့နိုင်ငံရေး ရေချိန်ကို
ပြောချင်ပါတယ်။ ကြားဖြတ်ရွေးကောက်ပွဲအပေါ်မှာ မြန်မာ့နိုင်ငံရေးနဲ့ ပတ်သက်ပြီး နိုင်ငံရေးပါတီတစ်ခုရဲ့ခေါင်းဆောင်တစ်ဦးနဲ့
စကားပြောကြည့်တဲ့အခါမှာ သူက အခုကြားဖြတ်ရွေးကောက်ပွဲဟာ လူပုဂ္ဂိုလ်တစ်ဦးတစ်ယောက်နဲ့ ကျန်တဲ့ကိုယ်စားလှယ်တွေ
ယှဉ်လိုက်ရတဲ့ပွဲလို့ သုံးသပ်ပြပါတယ်။  ပြည်သူတွေအနေနဲ့ တည်ဆဲအစိုးရကို မကြိုက်တဲ့အခါ အပြောင်းအလဲကို
ဆောင်ကြဉ်းပေးနိုင်မယ့် ခေါင်းဆောင်ကို ရွေးချယ်ခွင့်ရတဲ့အခြေအနေတွေမှာ ရွေးချယ်ကြတာလို့ ဆက်ပြောပါသေးတယ်။
သူဆိုလိုချင်တာကတော့ ဒေါ်အောင်ဆန်းစုကြည်နဲ့ ကျန်တဲ့ပါတီကကိုယ်စားလှယ် ယှဉ်ပြီးအရွေးချယ်ခံသလိုဖြစ်နေတယ်ဆိုတဲ့
သဘောပါ။ မဲဆန္ဒနယ်တစ်ခုအတွင်းမှာ မပြိုင်ပေမယ့် ပြိုင်သလိုဖြစ်သွားတယ်ဆိုတဲ့သဘောပါ။ သမ္မတရွေးချယ်တဲ့
ပုံစံဖြစ်သွားတယ်လို့ ဆိုပါတယ်။ သူသုံးသပ်ပြသွားတာကလည်း ဖြစ်နိုင်ခြေရှိပါတယ်။ တချို့မဲဆန္ဒနယ်တွေကပြည်သူတွေဟာ
သူတို့ရဲ့ကိုယ်စားလှယ်လောင်းအကြောင်းကို သေသေချာချာ သိရှိကြတာ မရှိခဲ့ကြပါဘူး။ ကြားဖြတ်ရွေးကောက်ပွဲမှာ
လွှတ်တော်ကိုယ်စားလှယ်လောင်းအချင်းချင်း ယှဉ်ပြိုင်ရမှုက နည်းခဲ့တယ်ပေါ့။

အဲ့ဒီတော့ ရွေးကောက်ပွဲတွေမှာ ပြည်သူတွေမဲရွေးချယ်ပုံနည်းဟာ ဘယ်လိုအပေါ်မှာ မူတည်နေသလဲ၊
ကိုယ်စားလှယ်ရွေးချယ်မှုမှာ လေ့လာမှုအား ဘယ်လောက်ရှိသလဲ ဆိုတာတော့ မသုံးသပ်နိုင်ပါဘူး။ ၂၀၁၀ ရွေးကောက်ပွဲနဲ့
အခုကြားဖြတ်ရွေးကောက်ပွဲကို သတိထားကြည့်လိုက်မယ်ဆိုရင်တော့ အင်အားကြီးပါတီတစ်ခုတည်းကနေပဲ ရာခိုင်နှုန်းပြည့်
အနိုင်ရရှိသွားကြတာကိုတွေ့ရမှာပါ။
၂၀၁၀ ရွေးကောက်ပွဲကတော့ အာဏာနောက်ခံပြုပြီး အနိုင်ရရှိသွားတာဖြစ်ပြီး၊ အခုကြားဖြတ်ရွေးကောက်ပွဲအနိုင်ကတော့
အပြောင်းအလဲကို လူထုကလိုလားမှု၊ ပုဂ္ဂိုလ်ရေးသြဇာလွှမ်းမှိုးမှု၊ အောင်မြင်ကျော်ကြားမှုတွေ၊ ကြိုက်နှစ်သက်မှုတွေကို
အခြေခံပါတယ်။  ရွေးကောက်ပွဲတွေမှာ လွှတ်တော်ကိုယ်စားလှယ်ရွေးချယ်တဲ့ပုံစံမှာ အခုဖြစ်ပေါ်ခဲ့တဲ့ ပုံစံတွေက ကောင်းသလား
ဆိုးသလား ဆိုတာကတော့ ကျွန်တော်ခွဲခြားသုံးသပ်ဖို့ မတတ်နိုင်ပါဘူး။ ပါတီစုံဒီမိုကရေစီစနစ်မှာ ပါတီတစ်ခုတည်းကပဲ
အနိုင်ရရှိသွားတာဟာ တစ်ပါတီ အာဏာရှင်စနစ်ကို ပြန်သွားနိုင်သလား။ ဒါမှမဟုတ် ဒါဟာ နိုင်ငံတည်ထောင်ရေးကာလမှာ
နိုင်ငံရေးလိုအပ်ချက်တစ်ခုလား။ နိုင်ငံတည်ထောင်ရေးကာလမှာ ပါတီငယ်လေးတွေ အများအပြားရှိနေတာ
ကောင်းသလား ဆိုးသလား။ တစ်ဖက်မှာလည်း ကျွန်တော်တို့နိုင်ငံက ပြည်သူတွေရဲ့ နိုင်ငံရေးရေချိန်က ဘယ်လိုရှိနေသလဲ၊
စိတ်ခံစားမှုကို ဦးစားပေးခြင်းက အဆင်ပြေမလား။ ဒါတွေဟာ ပညာရှင်တွေလေ့လာသုံးသပ်သင့်တဲ့အချက်တွေလို့
ကျွန်တော်ထင်မိပါတယ်။ (၁၉၇၀) ပြည့်နှစ်လွန် ဒီမိုကရက်တိုက်ဇေးရှင်း တတိယလှိုင်းကာလတွေအတွင်း နိုင်ငံတချို့မှာ
Street Politic ကနေ Table Politic ဖက်ကို ပြောင်းနိုင်ပြီး ဒီမိုကရေစီအသွင် ကူးပြောင်းနိုင်ခဲ့တာကိုတွေ့ရမှာပါ။
သို့သော်လည်း ဒီလိုကူးပြောင်းဖို့ရာမှာ ဒီမိုကရက်တစ်နိုင်ငံရေးယဉ်ကျေးမှု( Democratic Politic Culture )
ထွန်းကားဖို့လိုကိုလိုပါတယ်။ ကျွန်တော်တို့ ပြည်သူတွေမှာရော  ဒီမိုကရက်တစ်နိုင်ငံရေးယဉ်ကျေးမှုထွန်းကား
( Democratic politic culture ) ဘယ်လောက်အတိုင်းတာထိ ထွန်းကားနေပြီလဲ။

တွေ့မြင်နေရတဲ့အတိုင်းပါပဲ။ မြန်မာ့နိုင်ငံရေးရဲ့ အရုဏ်ဟာ လင်းစပြုလာပါပြီ။ ၂၀၁၂ ခုနှစ်ဟာ Player တွေ စုံလင်လာတဲ့
နိုင်ငံရေးအခင်းအကျင်းတွေဖြစ်ပေါ်လာပြီလို့ ဆိုရမှာပါ။ လွှတ်တော်နိုင်ငံရေးဟာ တစ်စထက်တစ်စ ပိုမိုချောမွေ့အဆင်ပြေလာပါပြီ။
လွှတ်တော်တွေရဲ့ အခန်းကဏ္ဍ လုပ်ဆောင်မှုတွေကလည်း သက်တမ်းကြာလာတာနဲ့အမျှ
အားရစရာကောင်းလာတာကိုတွေ့ရပါတယ်။ တဖြည်းဖြည်းနဲ့ ဒီမိုကရေစီဖက်ကိုရွေ့လာတဲ့ အခြေနေတွေ တွေ့မြင်လာရပါပြီ။
အာဏာရပါတီတစ်ခုတည်းက ဦးဆောင်ထားတဲ့ လွှတ်တော်နဲ့ အုပ်ချုပ်ရေးအဖွဲ့ဆိုပေမယ့်လည်း
လွှတ်တော်နဲ့အုပ်ချုပ်ရေးအဖွဲ့ကြားမှာ အားပြိုင်တာတွေ၊ အပြန်အလှန်ထိန်းကျောင်းတာ၊ စောင့်ကြည့်တာ စတဲ့ စိတ်ဝင်စားဖွယ်
အဖြစ်အပျက်တွေ ဖြစ်ပေါ်လာတာတွေ့ရမှာပါ။ ဥပမာအနေနဲ့ပြောရရင် ဘတ်ဂျက်လိုကိစ္စမျိုးမှာ၊
ဝန်ထမ်းလစာတိုးရေးကိစ္စရပ်မျိုးမှာတင်သာမကပဲ ၀န်ကြီးဌာနတစ်ခုရဲ့ အလွဲသုံးစားလုပ်မှုကို လွှတ်တော်ကိုယ်စားလှယ်တစ်ဦးက
ဖွင့်ဟလိုက်တာ စတာတွေကိုတွေ့နိုင်ပါတယ်။ နောက်ထပ်ပိုပြီးစိတ်ဝင်စားဖွယ်ရာရှိလာပြန်တာကတော့
ဒေါ်အောင်ဆန်းစုကြည်ပါဝင်လာမယ့် လွှတ်တော်ရဲ့ အခန်းကဏ္ဍဟာ ဘယ်လိုဖြစ်ပေါ်လာနိုင်မလဲဆိုတာပါပဲ။
ဒါဟာ မြန်မာနိုင်ငံရဲ့လွှတ်တော်ကို တစ်ကမ္ဘာလုံးကပါ စိတ်ဝင်စားစောင့်ကြည့်လာကြတော့မယ် အခြေအနေလို့ဆိုနိုင်ပါတယ်။
လွှတ်တော်ရဲ့အခန်းကဏ္ဍက ဘယ်လိုဖြစ်လာမလဲ။ အခုလက်ရှိဖြစ်ပေါ်နေတဲ့ အစိုးရနဲ့လွှတ်တော်ကြားမှာ ဖြစ်နေတဲ့
အားပြိုင်မှုတွေကနေ အာဏာရပါတီနဲ့ အတိုက်အခံကြား ဖြစ်တဲ့ အားပြိုင်မှုတွေဖြစ်ပေါ်လာမလား။ ဘယ်အရာက တိုင်းပြည်အတွက်
အခုအချိန်မှာ ပိုပြီး အသုံးဝင်မလဲ။ ဘယ်အရာက ပိုပြီး လိုအပ်မလဲ။ ဒါတွေကို စောင့်ကြည့်ဖို့ကောင်းလာပြီလို့ ဆိုရမှာပါ။
ဘယ်လိုပဲဆိုဆို ဒေါ်အောင်ဆန်းစုကြည်ပါဝင်လာမယ့် လွှတ်တော်ဟာ စိတ်ဝင်စားအားတက်စရာကောင်းနေမှာပါ။
လွှတ်တော်အတွင်းဆွေးနွေးတာ ဥပဒေကြမ်းတွေတင်သွားတာတွေသာမကပဲ၊ ဘယ်လိုမျိုး ဥပဒေကြမ်းပေါ်ထွက်လာမလဲ၊
ဘယ်လိုဥပဒေတွေကို အလျင်အမြန်ပြင်ဆင်သွားမလဲဆိုတာတွေဟာ စောင့်ကြည့်ဖို့ သိပ်ကောင်းလာတဲ့အခြေအနေတွေပါပဲ။

နောက်တစ်ခုကတော့ NLDရဲ့အဓိကလုပ်ဆောင်မယ့်အချက်ထဲမှာ ဖွဲ့စည်းပုံအခြေခံဥပဒေပြင်ဆင်ဖို့လို့ ဆိုထားပါတယ်။
၂၀၁၀ ရွေးကောက်ပွဲဝင်ခဲ့တဲ့ ဒီမိုကရက်တစ်အင်အားစုတွေမှာလည်း အဲ့ဒီရည်ရွယ်ချက်က ရှိနေပြီးသားလို့ဆိုနိုင်ပါတယ်။
လွှတ်တော်အတွင်း ရာခိုင်နူန်းအားဖြင့်ကြည့်မယ်ဆိုရင်တော့ ဖွဲစည်းပုံအခြေခံဥပဒေကို ပြင်ဆင်ဖို့ဆိုတာဟာ လွယ်လွယ်ကူကူ
ဖြစ်လာနိုင်မှာမဟုတ်ပါဘူး။ သို့သော်လည်း ဒါကိုပြင်မယ့်သူက ဒေါ်အောင်ဆန်းစုကြည်ဖြစ်နေပါတယ်။
ဖွဲ့စည်းပုံအခြခံဥပဒေပြင်ဆင်ခြင်းက တစ်နှစ်အတွင်းမှဖြစ်နိုင်ခြေရှိတယ်လို့သူကထုတ်ပြောထားတာလည်း ရှိနေခဲ့တော့
ဖွဲ့စည်းပုံအခြေခံဥပဒေပြင်ဆင်ရေး ဖြစ်လာနိုင်မယ်လို့ မျှော်လင့်ရပါတယ်။

နောက်ဆုံးအနေနဲ့တော့ (Civil Society) အရပ်ဖက်လူမှုအဖွဲ့အစည်းတွေရဲ့ အခန်းကဏ္ဍကို အနည်းငယ်ပြောချင်ပါတယ်။
ခေတ်သစ်လူ့အဖွဲ့အစည်းမှာ နိုင်ငံတစ်ခုကိုအဓိကမောင်းနှင်တဲ့ အစိတ်အပိုင်းကြီး သုံးခုထဲမှာ Civil Society တွေရဲ့
အခန်းကဏ္ဍကလည်း အဓိကပါဝင်နေပါတယ်။ လွတ်လပ်ပွင့်လင်းမှုတွေမရှိခင်ကာလတွေကစလို့ မြန်မာနိုင်ငံမှာ
အရပ်ဖက်လူမှုအဖွဲ့အစည်းတွေ ရှိနေခဲ့ပါတယ်။ အခုအချိန်မှာလည်း အရပ်ဖက်လူမှုအဖွဲ့အစည်းတွေ အားကောင်းမောင်းသန်
ဖြစ်ပေါ်လာနေတယ်လို့ ဆိုနိုင်ပါတယ်။ ဒီနေရာမှာ ဖြည့်စွက်ပြောချင်တာက လွတ်လပ်ပွင့်လင်းမှုမရှိခင်အချိန်တွေမှာပင်
တူရာလူငယ်တွေ စုစည်းလုပ်ဆောင်နေကြတဲ့ Civil Society အဖွဲ့အစည်းတွေ အများအပြားရှိနေခဲ့ပါတယ်။
နိုင်ငံတော်သမ္မတ ဦးသိန်းစိန်ရဲ့ မိန့်ခွန်းတွေထဲမှာ အရပ်ဖက်လူမှုအဖွဲ့အစည်းတွေကို အားပေးမယ်၊ အားပေးဖို့လိုတယ် လို့
အားတက်ဖွယ်ရာ ကြားခဲ့ပေမယ့်လည်း တကယ့်တကယ် လက်တွေ့မှာတော့ အရပ်ဖက်လူမှုအဖွဲ့အစည်းတွေအတွက်
အားဖြည့်လုပ်ဆောင်ပေးတာမတွေ့ရပါဘူး။ Civil Society တွေရဲ့တချို့လုပ်ဆောင်မှုတွေမှာလည်း
တင်းကျပ်မှုတွေရှိနေသေးတယ်လို့ ဆိုနိုင်ပါသေးတယ်။ လူငယ်အဖွဲ့အစည်းတွေနဲ့ပတ်သက်လို့လည်း သိသိသာသာ
အားပေးတာမျိုးမရှိခဲ့ပါဘူး။ နောက်ထပ် စိတ်မကောင်းဖြစ်စရာတစ်ခုကတော့ ဒေါ်အောင်ဆန်းစုကြည် အနေနဲ့မှာလည်း
ဖွံဖြိုးတိုးတက်ရေးအတွက် လုပ်ဆောင်နေကြတဲ့ နိုင်ငံတစ်ဝှမ်းက လူငယ်အဖွဲ့အစည်းတွေအပေါ်မှာ အသိအမှတ်ပြုအားပေးတာ
နည်းနေသေးတယ်လို့ထင်မိတာပါပဲ။ နိုင်ငံကျော်ရုပ်ရှင်အနုပညာသမားတွေ၊ ဂီတနယ်ပယ်က အနုပညာသမားတွေကိုသာ
အသိအမှတ်ပြုတွေ့ဆုံခဲ့ပေမယ့် အကျဉ်းအကျပ်ကာလတွေမှာ တိုင်းပြည်အတွက် လုပ်နိုင်သလောက်
အနစ်နာခံလုပ်ဆောင်နေကြတဲ့ Civil Society ဘက်က လူငယ်တွေကို တွေ့ဆုံအားပေးတာမျိုး သိသိသာသာမတွေ့ရတာကတော့
ဝမ်းနည်းဖွယ်ရာမေ့လျော့မှုတစ်ခုလို့ပဲ ဆိုချင်ပါတယ်။ ဒါကလည်း တိုင်းပြည်တည်ဆောက်ရေးပြုပြင်ပြောင်းလဲရေးအတွက်
လုပ်ငန်းဆောင်တာတွေ များနေတဲ့အချိန်ဖြစ်တာကြောင့်လို့ပဲ နားလည်ရမှာပါ။ အချိန်တစ်ခုကိုကျော်ဖြတ်ပြီးတဲ့နောက်မှာတော့
Civil Society ဖက်က လူငယ်တွေကို အသိမှတ်ပြုအားပေးနိုင်လာလိမ့်မယ်လို့ ယူဆပါတယ်။

အထက်ကပြောခဲ့သလိုပါပဲ မြန်မာ့နိုင်ငံရေးရဲ့ အရုဏ်ဟာ လင်းစပြုလာပါပြီ။ ကမ္ဘာ့နိုင်ငံတွေအလယ်မှာ
မြန်မာနိုင်ငံရဲ့ Image ကလည်း လှလာပြီလို့ ဆိုနိုင်မှာပါ။   Player  တွေ စုံလာမယ့် ၂၀၁၅ အလွန်
မြန်မာ့နိုင်ငံရေး အခင်းအကျင်း၊ အလားအလာတွေကလည်း စိတ်ဝင်စားဖို့ သိပ်ကောင်းနေပါပြီ။

၂၀၁၅ မှာ မြန်မာနိုင်ငံရဲ့  ဒီမိုကရေစီ စံနှုန်းတွေ ဘယ်လောက်ထိမြင့်တက်လာမလဲ …

တိုင်းပြည်ဟာ   ဘယ်လောက်အတိုင်းအတာထိ ရွေ့လာနိုင်မလဲ....

ပြည်သူတွေရဲ့ နိုင်ငံရေးရေချိန်၊  ဒီမိုကရက်တစ်နိုင်ငံရေးယဉ်ကျေးမှု (Democratic Politic Culture)
ဘယ်လောက်အထိ ရင့်ကျက်တိုးတက်လာမလဲ ...

နိုင်ငံရေးပါတီတွေရဲ့ ရပ်တည်နိုင်မှုအလားအလာ.. အင်အားနည်းဒီမိုကရက်တစ်အင်အားစုတွေ ဘယ်လိုရှေ့ဆက်မလဲ...

၂၀၁၅ မှာ အတိုက်အခံပါတီက ရာနှုန်းပြည့်အနိုင်ရရှိခဲ့ရင် နောက်ကြောင်းပြန်လှည့်မယ့်အခြေအနေတွေ ကြုံသွားမှာလား...

စီးပွားရေးဖွံဖြိုးတိုးတက်မှုအလားအလာတွေကရော ဘယ်လိုဖြစ်လာမလဲ .. Society Change ကရော ဘယ်လိုဖြစ်လာနိုင်မလဲ…

..စသည်ဖြင့်ပေါ့.. စိတ်ဝင်တစားစောင့်ကြည့်ချင်စရာတွေ သိပ်များနေပြီလို့ ဆိုရမှာပါ။ ကျွန်တော့်အနေနဲ့ကတော့
အပြောင်းအလဲတွေကို အစွန်းနှစ်ဖက်လွတ်တဲ့ ပြတင်းလေးကနေ ချောင်းကြည့်ရုံလေး သက်သက်ပါပဲ..။


++++++++++++++++++++++++++++++++++++++++++++++++++++++++

                            အခန်းဆက်ဘာသာပြန်ဝတ္တုရှည်

အဖြူရောင်ကျိန်စာ ( အပိုင်း - ၁ )
- လူအိမ် -

(၀.၀၁)
“ဒါဟာ လက်ဖက်ရည်ဆိုရင် ကျွန်တော့်အတွက် ကော်ဖီယူခဲ့ပါ ၊ ဒါဟာ ကော်ဖီဆိုရင် ကျွန်တော့်အတွက် လက်ဖက်ရည် ယူခဲ့ပါ”
အမေရိကန်သမ္မတဟောင်း အေဗရာဟမ်လင်ကွန်း ပြောခဲ့တဲ့ စကားဖြစ်ပါတယ်။ ဒါပေမယ့် ဒီစကားကိုပဲ သူမ အခုထိုင်နေတဲ့
ကော်ဖီဆိုင်ထဲက စားပွဲထိုးချာတိတ်ကို အော်ကြီးဟစ်ကျယ် ပြောလိုက်ရင်၊ ဒီကောင်လေး သူမကို အထင်ကြီးသွားမှာပဲလို့
သူမ မထင်ပါဘူး။ အရမ်းကြီးမဟုတ်ပေမယ့် အနည်းငယ်ဆိုးရွားတဲ့ ကော်ဖီကိုသောက်ရင်း မနေ့က ရောက်လာတဲ့ စာအကြောင်း
စဉ်းစားနေမိတယ်။ သူမ လက်ရှိနေတဲ့နေရာကနေ သူမရဲ့အိမ်ကို ပြန်ဖို့ လေးနာရီပဲအချိန်ကြာမှာဖြစ်ပေမယ့်၊ အခု သူမရဲ့အိမ်နဲ့
တစ်နာရီခရီးသာသာလောက်ပဲဝေးမယ့် ခပ်စုတ်စုတ်မြို့ကလေးမှာ ခပ်စုတ်စုတ်ကော်ဖီကိုသောက်ရင်း သူမရဲ့အဖေနဲ့တွေ့ဖို့ကို
စဉ်းစားခန်းဖွင့်နေမိတယ်။

သူမရဲ့အဖေသေသွားခဲ့ရင် .. ဆိုတဲ့အတွေးမျိုး ဘယ်တုန်းကမှ မဝင်ခဲ့ဖူးဘူး။ အဲ့ဒီလို အတွေးမျိုး ဝင်လာမှာကိုလည်း သူမ
သိပ်မုန်းတီးတယ်။ သူမရဲ့အဖေသာ တကယ် သေသွားခဲ့မယ်ဆိုရင် အဲ့ဒီဖြစ်ရပ်ဟာ သူမအတွက် အတော်ကို ဆိုးရွားတဲ့ကိစ္စတစ်ရပ်ပဲ။
ဘုရားသခင်သာ စိတ်ကောင်းရှိမယ်ဆိုရင် မရဏဆိုတဲ့ သတ္တဝါကြီး သူမ အဖေရဲ့ အိမ်တံခါးဝကို ရောက်လာတဲ့အခါ
တားဆီးနှင်ထုတ်ပေးမှာပဲလို့ သူမ ယုံကြည်တယ်။သူမ လက်ထဲမှာ ကိုင်ထားတဲ့စာဟာ တချို့လူတွေအတွက်တော့
ရင်ဖိုစရာကောင်းနေမလားပဲ။

စာထဲမှာ ပါတာက .. “ဂျန်းနာ .. သမီးအတွက် ဖေဖေ ဘဏ်ထဲမှာ ဒေါ်လာသုံးသန်း ထည့်ထားပေးတယ် .. အကြောင်းစုံကို
နောက်မှ အေးအေးဆေးဆေး ရှင်းပြမယ်” ။ ဒီစာဟာ သေတမ်းစာ မဟုတ်တာတော့ သေချာတယ်။ ဒါဆိုရင် ဘာအဓိပ္ပါယ်လဲ၊
ဘာသဘောလဲ။ သူမရဲ့ ဖခင် ကျန်းမာရေးမကောင်းလို့များလား၊ မပြောကောင်းမဆိုကောင်း နောက်ဆုံးအချိန်များရောက်နေပြီလား။
သေချာတာတစ်ခုက သူမရဲ့ အဖေ ဆုံးပါးသွားခဲ့ရင် သူမရဲ့မိထွေးဟာ ပိုင်ဆိုင်မှုအားလုံးကို လက်ဝါးကြီးအုပ်ပစ်မှာအမှန်ပဲ။
ဒါကြောင့်မို့ သူမရဲ့ အဖေဟာ အမွေအဖြစ် အဲ့ဒီဒေါ်လာသုံးသန်းကို ပေးဖို့ ဆုံးဖြတ်ခဲ့တာလား။ သူမအနေနဲ့ သူမရဲ့အဖေကို
မသေစေချင်သေးတာတော့ အမှန်ပဲ။

(၀.၀၂)
“ဖေဖေ မသေသေးဘူး”
အဲ့ဒီစကားကို ကျွန်မရဲ့ အိမ်အပြန်ခရီးစဉ်တလျှောက်လုံးမှာ ကျွန်မကိုယ်ကျွန်မ ပြောခဲ့တယ်။ ဖေဖေဟာ သေလုမြောပါး
အခြေအနေကို ရောက်နေခဲ့တယ်ဆိုရင်တောင် ကျွန်မတို့ အကောင်းဆုံး ကုစားလို့ရနိုင်တာပဲလေ။ ဖေဖေ့မှာ ပိုက်ဆံတွေ
အများကြီးရှိနေတာပဲ။ သေခြင်းတရား လွယ်လွယ်နဲ့ ဝင်မလာနိုင်အောင် ငွေကြေးနဲ့ တိုက်ထုတ်ပစ်လို့ရနိုင်တယ်မဟုတ်လား။
ဖေဖေ့အနေနဲ့ သေခြင်းတရားကို မတုန်မလှုပ် မကြောက်မရွံ့ လက်ခံပစ်လိုက်မှာမျိုး ကျွန်မ မလိုလားဘူး။ ဖေဖေဟာ
သေခြင်းတရားနဲ့ ရင်ဆိုင်တိုက်ခိုက်ရမယ်။ တကယ်လို့ ဖေဖေ့မှာ တိုက်ခိုက်ဖို့အင်အားမရှိဘူး ဆိုရင်တောင် သမီးတစ်ယောက်အနေနဲ့
ဖေဖေ့ဘက်က ကျွန်မ ဝင်ရောက်တိုက်ခိုက်ပစ်မှာပဲ။

ကျွန်မ အိမ်ပြန်ရောက်ရင် ဖေဖေ့ကို အေးအေးချမ်းချမ်းပဲ တွေ့ရလိမ့်မယ်။ ဖေဖေ စာကြည့်ခန်းထဲမှာ ရှိကောင်းရှိလိမ့်မယ်။
မီးလင်းဖိုနံဘေးက သူအရမ်းသဘောကျတဲ့ ကျွန်းသားကုလားထိုင်မှာထိုင်ပြီး စာဖတ်ကောင်းဖတ်နေလိမ့်မယ်။ ကျွန်မကို
ဝင်လာတာတွေ့ရင် အပြုံးတစ်ချက်နဲ့ ဆီးကြိုလိမ့်မယ်။ ပြီးရင် သူ့ရဲ့ စာကြည့်မျက်မှန်ကိုချွတ်ပြီး အင်္ကျီအိတ်ကပ်ထဲ ထည့်၊
ဖတ်လက်စ စာအုပ်ကို နံဘေးက စားပွဲပေါ် လှမ်းတင်လိုက်လိမ့်မယ်။ အိမ်စေ မာတာက ကျွန်မတို့အတွက် လက်ဖက်ရည်၊
ဒါမှမဟုတ်ရင်လည်း လိမ္မော်ရည် ယူလာပေးလိမ့်မယ်။ လွန်ခဲ့တဲ့ ဆယ်နှစ်တုန်းကလို ဆိုရင်တော့ လင်ဗန်းထဲမှာ
ချောကလက်ကွတ်ကီးမုန့်ကလေးတွေပါ ပါလာလိမ့်မှာပေါ့။ အခုဆိုရင်တော့ အဆီမပါတဲ့ ဘီစကစ်မုန့်၊ ဒါမှမဟုတ်ရင်
ဆင်းဒ၀ှစ်ခ်ျ အနည်းငယ် ပါလာလိမ့်မှာပေါ့။

ဒီလိုမြင်ကွင်းမျိုး၊ ဒီလိုအဖြစ်အပျက်မျိုးတွေသာ ဆိုရင် သိပ်ကိုပျော်စရာကောင်းမှာပါ။ ဒါပေမယ့် အခုလောလောဆယ်
ကျွန်မ ငိုချင်နေတယ်။ ကျွန်မဟာ အဝေးပြေးလမ်းမပေါ်မှာ၊ ကျွန်မရဲ့ ပတ်ပတ်လည်မှာ မီးခိုးရောင်ကွန်ကရစ်လမ်းမကြီး၊
အပေါစားကုန်ပစ္စည်းတွေကို ကြေငြာထားတဲ့ အပေါစားဘေလ်ဘုတ်တွေ၊ ကျွန်မနံဘေးကနေ ဝီခနဲနေအောင် အသံပေးပြီး
ဖြတ်မောင်းသွားကြတဲ့ ထရပ်ကားတွေ။ အရာအားလုံးဟာ နောက်ဆုံးတစ်နေရာကို ဦးတည်ပြီး သွားနေကြတယ်။
မရဏဆိုတဲ့ ခရီးအဆုံးတစ်နေရာကိုပေါ့။ ဒါပေမယ့် လောလောဆယ်တော့ ကိုယ်ပိုင်ဘဝတွေထဲမှာပဲ ရှိနေကြသေးတယ်။
မီးခိုးရောင်လမ်းတွေ၊ ပြီးတော့ မီးခိုးရောင်ကောင်းကင်။ အို .. မဟုတ်သေးဘူး။ ကောင်းကင်ဟာ မီးခိုးရောင်မှမဟုတ်တာပဲ။
ကောင်းကင်ဟာ မီးခိုးရောင်မဖြစ်သင့်ဘူး။ တိမ်သားဖြူလွလွတွေနဲ့ လှပနေတဲ့ အပြာရောင်ကောင်းကင်။ ဟုတ်တယ်
ကောင်းကင်ပြာပြာ .. ။ နေရောင်ခပ်ပါးပါး ဖြာကျနေတဲ့ ကောင်းကင်ပြာပြာ။ ပုံသဏ္ဍာန်အားဖြင့်တော့ သေခြင်းတရားဟာ
ကျွန်မတို့နဲ့ အဝေးကြီးမှာ လို့ ထင်ရအောင် မြင်ကွင်းက သာယာလှပနေတာပဲလေ။ ဖေဖေ သေဆုံးတော့မယ် ဆိုတဲ့ အတွေးက၊
ကျွန်မကိုယ်တိုင် သေဆုံးသွားတာထက်တောင် ပိုပြီး ဆိုးရွားလွန်းနေတယ်။

ကျွန်မ ဆင်ခြေလျှောပုံစံ ကုန်းတက်ကလေးဖက်ကို ဦးတည်လိုက်တယ်။ ပိုမိုစိမ်းမြတဲ့ လမ်းတွေများ ရှိမလားရယ်လို့ပေါ့။
ဒါပေမယ့် အရမ်းကို စိတ်ရှုပ်ထွေးစရာကောင်းတဲ့ လမ်းမကြီးထက်မှာပဲ ကျွန်မ ရှိနေသေးတယ်။ ကျွန်မရဲ့အနောက်ဖက်
ခပ်ဝေးဝေးမှာကျန်ခဲ့တဲ့ အဆောက်အဦးတွေ၊ ရှော့ပင်းစင်တာတွေ၊ အသင့်စား ဆိုင်ငယ်လေးတွေ။
အိုး .. အရမ်းကို စိတ်ရှုပ်စရာကောင်းတာပဲ။ နေရာတိုင်းမှာ လူတွေလူတွေဆိုတာ ပြည့်ကျပ်နေတယ်။ ဒီမြို့ကလေးဟာ
ယဉ်ကျေးမှုပေါင်းစုံ ရောပြွန်းနေတဲ့ စိတ်ပျက်စရာမြို့ငယ်ကလေးပဲ။

(၀.၀၃)
ဖေဖေ့ကို ဆုံးရှုံးရရင် ဆိုတဲ့ ပြဿနာဟာ ကျွန်မအတွက် ကမ္ဘာကြီးတစ်ခုစာလောက်ကို ကြီးမားတယ်။ ဘာလို့လဲဆိုတော့
ကျွန်မ မေမေ့ကို ဆုံးရှုံးခဲ့ရပြီးပြီလေ။ လွန်ခဲ့တဲ့ သုံးနှစ်၊ ကျွန်မ အသက်နှစ်ဆယ်အရွယ်လောက်တုန်းကပေါ့။ အဲ့ဒီတုန်းက
ကျွန်မ တက္ကသိုလ်တက်နေဆဲကာလ။ တစ်လောကလုံးနဲ့ ရင်ဆိုင်ပစ်လိုက်မယ် ဆိုတဲ့ ခပ်တုံးတုံးသတ္တိနဲ့ လောကကြီးအကြောင်း
သိပ်မသိတဲ့ ချာတိတ်မလေးပေါ့။ မေမေဟာ ကျွန်မရဲ့ လက်ပေါ်မှာပဲ သေဆုံးသွားခဲ့တယ်။ မေမေဟာ သူမမှာ
ကင်ဆာရောဂါ ရှိနေပြီ ဆိုတာ သိလိုက်ရချိန်မှာ၊ သိပ်ကိုဆိုးရွားတဲ့ ရွေးချယ်မှု ပြုလုပ်ခဲ့တယ်။ သူမဟာ ကင်ဆာဆိုတဲ့
ရန်သူဆိုးကို တိုက်ခိုက်ဖို့မကြိုးစားဘဲ အလွယ်တကူ အရှုံးပေးပစ်လိုက်တာပဲ။ ဘာကြောင့်လဲ၊ အဲ့ဒါ ဘာကြောင့်များလဲ။ သူမရဲ့
လှပတဲ့ ဆံနွယ်ခွေလိပ်လိပ်တွေ ဆုံးရှုံးရမှာကို ကြောက်ခဲ့တာလား။ ကျွန်မ မသိဘူး။ ဘာပဲဖြစ်ဖြစ် ဖေဖေ့ကိုတော့ အဲ့ဒီလို
အလွယ်တကူ အရှုံးမပေးစေချင်တာ ကျွန်မရဲ့ ဆန္ဒပဲ။ ဒါဟာ ကျွန်မ ဖေဖေ့ဆီ သွားနေရတဲ့ အဓိက အကြောင်းရင်းပဲ။

မေမေဆုံးပြီး တစ်နှစ်အကြာမှာ ဖေဖေ နောက်အိမ်ထောင်ပြုခဲ့တယ်။ ဖေဖေဟာ သူ့အသက်ရဲ့ ထက်ဝက်လောက် ငယ်တဲ့
ဆံပင်ရွှေရောင်နဲ့ မိန်းမကို ရွေးချယ်ခဲ့တယ်။ ဒီကိစ္စဟာ ကျွန်မကို အခုအချိန်ထိ ထိုးနှက်နေတုန်းပဲ။ ဖေဖေနဲ့ အဲ့ဒီ တိုနီ ဆိုတဲ့
မိန်းမဟာ ဂေါ့ဖ်ကစားရင်း ရင်းနှီးခဲ့တာဖြစ်တယ်။ အဲ့ဒီမိန်းမဟာ သူမဆီကနေ ဖေဖေ့ကို ယူသွားခဲ့တယ်။ ဖေဖေ အပါအဝင်
ဖေဖေပိုင်ဆိုင်တဲ့ စည်းစိမ်ဥစ္စာတွေကိုပါ ယူသွားခဲ့တယ်။ ဖေဖေ့ရဲ့ သေခြင်းတရားကိုပါ သူမကို ကျွန်မ ပေးပစ်လိုက်ချင်တယ်။

ကျွန်မ ဖေဖေ့အိမ်ကို ရောက်ဖို့ ဆယ်မိနစ်လောက်ပဲ လိုတော့တယ်။ လမ်းမကြီးဟာ ကားတွေ လူတွေနဲ့ ပြည့်ကျပ်နေဆဲပဲ။
ရုတ်တရက် ကျွန်မ လူနေရပ်ကွက်တစ်ခုရဲ့ လမ်းသွယ်လေးထဲကို ချိုးကွေ့လိုက်တယ်။ ကမ္ဘာသစ်တစ်ခုကို ရောက်သွားသလို
ခံစားမှုမျိုး ရရှိလိုက်တယ်။ အရမ်းကို ငြိမ်းချမ်းတဲ့ကမ္ဘာလေးပေါ့။ အဲ့ဒီကမ္ဘာလေးထဲမှာ ကျွန်မရယ် ဖေဖေရယ် မေမေရယ်
နေခဲ့ကြဖူးတယ်လေ။

ကျွန်မရဲ့ အိမ်ကလေးကို မလှမ်းမကမ်းကနေ မြင်လိုက်ရတယ် ဆိုရင်ပဲ အံ့သြထိတ်လန့်စရာ မြင်ကွင်းဟာ ကျွန်မရဲ့ အာရုံထဲကို
အတင်းပြေးဝင်လာတယ်။ ကျွန်မတို့ ကမ္ဘာငယ်လေးဟာ အဝါရောင်တိပ်သားတွေနဲ့ ရစ်ပတ်ခံထားရတယ်။ တိပ်သားတွေပေါ်မှာ
မြင်လိုက်ရတဲ့ ဆိုးဆိုးရွားရွားစာသားတစ်ခုက “တာဝန်မှအပ ဖြတ်သန်းခွင့်မပြု” တဲ့။ ဘုရားရေ .. အဲ့ဒီ အဝါရောင်တိပ်သားတွေပေါ်က
စာသားဟာ ကျွန်မတို့ကမ္ဘာလေး ကပ်ဆိုက်ပြီ ဆိုတဲ့ သဘောပဲပေါ့။

(ရှေ့လဆက်ရန် . . .)
* Jennifer L. Armstron ၏ Prophet အား ဆီလျော်အောင် ပြန်ဆိုသည် ။


++++++++++++++++++++++++++++++++++++++++++++++++++++++++

                                         Download Zone

ခရမ်းရိပ် အနုပညာမဂ္ဂဇင်း ( ဇွန် ၂၀၁၂ ) အား PDF ဒေါင်းလုပ်ရယူရန် >>


++++++++++++++++++++++++++++++++++++++++++++++++++++++++

                                          ခရမ်းရိပ် စီစဉ်သူများ
 
- ဆူးခက်မင်း
- မင်းလုလင်
- မောင်မိုးချို
- သူရဿဝါ
- ကြည်သက်ဟန်
- ကြယ်စစ်သည်
- အောင်မျိုးခန့် ( မော်ကျွန်း )
- ဟိဏ်းဝေ
- နေပိုင်  

ခရမ်းရိပ် အနုပညာမဂ္ဂဇင်းသို့ စာမူများပေးပို့လိုပါက . . purpleshademagazine@gmail.com သို့ လိပ်မူ၍
ပေးပို့နိုင်ပါတယ် ။ ဘာသာရေးအတိုက်အခိုက်ပါဝင်သော စာမူများကိုတော့ ထည့်သွင်းစဉ်းစားမည်မဟုတ်ပါ ။

- လေးစားစွာဖြင့်
ခရမ်းရိပ် အနုပညာအဖွဲ့  









0 comments:

Post a Comment